13 Apacisila ca manda yanono, umuto wakazizye vyuma vyakwe, asenda impiya apita ku mpanga ya kutali, kuko kuno waile asumba vyuma vyakwe vyonsi mu uwelewele wakwe.
Vii avino Yawe akulanda ati, “Uzye ukuluvyanya cii kuno ivikolwe vinu vyazanyile munondi, apakuti vinsangukile? Vyene vyalondelile ukupepa utuluwi twasilesile, nga aisikulu yasanguka yaya asilesile.
Umuntu wino watemwa amano akazanzya isi. Lelo wiyo akapita na anaci yacizelele, wene akasansanta sile ivyuma vyakwe.
Wiyo wino akalondelela amalila lyonsi, wene alasyala mu upina. Wiyo wino akalondelela ukukoleka nu kuipakizya atalaya mukama.
Umwana umwiluke ali wino akawaka amasunde, lelo wiyo akapita na antu apunuke akaletela isi insonyi.
“Kwali umuntu mukama uwazwalanga insalu ziyenzulukile zyamutengo, uwalyanga ningo nupya watenzi mu luzango lwa manda pe.
Yesu anena alondezi yakwe ati, “Kwali umuntu mukama uwakweti kangalila wino wapilwe mulandu wakonona vyuma vyakwe.
Lelo umwana wako wii wasumba vyuma vyako vyonsi muli yacizelele, na lino watawela pa mulyango, wemo wamukomela kacipambasi akiine!’
Yawe akuti, “Mwe antu yane, uzye icani cino namucita? Uzye namusakamika uli? Njasukini!
Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?
Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”
Intunguluzi zimwi zikolesi izikavwanga zikuti, ‘Katwalya sile nu kumwa waini umukalipisye apakuti tukolekesye! Mutondo lyene tulacizyapo.’ ”
Mwemo mwatusenkela umu nzila, mutatucinga foo. Mutatupalizya na matwi umu kuvwanga vyakwe Leza winu, Wamuzilo wakwe Izlaeli.”
Lelo mwemo kuno muli kwali sile ukusansamuka nu kucina. Mwakomile ing'ombe, yacipambasi nu kufyula imfwele. Nga muvwanga, muti, “Lekini twalya nu kumwa, pano mutondo limwi tulafwa.”
Mwatipwa sile mwe mutundu wa maifyo mwe! Ala mwemwe antu yononeke uku uyi, mwe antu yaipe mwe! Uyi winu wamukowezya. Mwemo mwasisya na mano inu kuli Yawe, Wamuzilo wakwe Izlaeli mwamufutatila.
Umuntu akazeuluka nu kusya icifulo cakwe wakolana ni cunyi, icikazeuluka icisya icinsanzo cakweco.
Umuntu wamano akaikala mukuilyokezya icuma icivule, lelo iciwelewele cikaonona icuma consi cino cakwata.
Umukasu apakuomba, amwina kamononye.
Pano umwanaci cizelele ungamukala ku mukate sile, lelo cizelele muka mweneco wimilila sile apa kulovya umi wako.
Umu cumi yayo akafuntuka kunoli, yalaponga. Nupya yayo yonsi akakusangukila, wemo ukayonona.
nupya yalacitilwa viipe pa viipe vino yacitila antu yauze. Yene yakaelenganya ukuti icisuma kuitumpa mu vyamuzangalwe mu nsita zya musanya kuti yazanzye imbunu zyao. Yene yakacita vya winyi, nupya yakamucita insonyi nu kucita usomvi lino yakulya pamwi namwe.
Acino Klistu wizile akosola Ilandwe Lisuma ilya mutende kuli mwe Akulukuwa, mwe muno mwali kutali na Leza. Nupya wizile akosola Ilandwe Lisuma ilya mutende kuli swe Ayuda swe muno twali na Leza.
Lelo muli Klistu, mwe muno mpiti mwali kutali na Leza, wazi wa mpolelwa yakwe Klistu wamupalamika pipi.
Umuto anena isi ati, ‘Tata, ngankanye vya upyanyi vya pa vyuma vyako.’ Caleka umuntu aankanya vyuma vyakwe pakasi ka ana yonsi oili.
Pacisila ca kusumba vyonsi vino wakweti, kwaponyile cipowe cikulu mu mpanga ilya. Nawe atakweti nanti cimwi.
