Luka 13:34 - Amazwi Yakwe Leza 2013

³⁴ “Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Luka 13:34 交叉參考

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

Ezaya 30:15

Ala nemo ne Leza Wamuzilo wakwe Izlaeli, nkumunena mwe antu nati, “Welulukini sile kunondi. Mwamfukilila ningo. Lyene alino mumakwatanga amaka nu kwikala mumaikala ukwaula kusakamala nanti cimwi.” Lelo mwemo vivyo avino mukakana.

Luka 23:28

Yesu aseleukila kunoyali ayanena ati, “Mwe anaci amu Yelusalemu, mutandilila, lelo muililile mweisikulu na ana inu.

Luka 19:44

Yalakuwisya pansi nu konona antu yano aikala mwenemo. Nupya yatalasya iwe pa lyuze, pano utilwike kasita kakwiza kwakwe Leza kuti akutuule.”

Zakaliya 1:4

Mutakolana ni vikolwe vinu. Uku mpiti yakasema yasemile amalandwe yane kunoyali yati, Yawe Wamaka Onsi wavwanga wati, ‘Zenzukini ku misango inu iipe nga nu ku vicitwa vinu ivyankota. Lelo yene yakanyile ukunguvwa nanti ukunjela.

Oseya 11:7

Antu yane yakonkowezya ukumfutatila. Acino yene yalakuuta pamulandu wi koli ilili pano yali nga lelo kusi nanti umwi alayafumizya.

Oseya 11:2

Lelo lino natwalilile ukumwama, nawe alunduluka ukufuntuka kunondi. Apeela ni mpolelwa kuli Baali nga nu kocela ubani amaunkolanya yayo.

Yelemiya 6:16

Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

Masamu 36:7

Iye mwe, vino uluse lwako lwazipa we Leza! Ana ya antu yakauwa umu cisao ca mapa yako.

Luti 2:12

Si Yawe angala akulambule sile pali vino wacita. Si Yawe, Leza wa ina Izlaeli angala akulambule, wino watuwiza ku kuzina munoli.”

Mateo 22:6

Asyala nao yalema aomvi yakwe, yayacuzya nu kuyakoma.

Mateo 22:3

Alino atuma aomvi yakwe kuli yano amilwe, ku kuyanena kuti iize ku cimulo ca winga. Lelo nao yakana kwiza.

Nyimbo zya ndosya 1:16

“Vii, vili vintu vino vilenzile kuti nalosya, nga nu mu minso yane muzile aminsozi. Kusi umwi wakuntekezya, nu wakunkomelezya kwene asipo. Ana yane nayo intete zyatiziyalema pano umwanisi watancimvya.

Ezaya 50:2

Uzye pacani cino ntazanyilepo nanti wenga lino nizile? Uzye pacani cino kutali nanti wenga wakwasuka lino nalaizye? Uzye ikasa lyane lyali ilipi ilyakuposiwa kumutuula? Uzye ntakwata amaka akumutuula? Apakukalipa kwane sile, nemo ningakamya yemba ni nguzi cakuti ni nswi zyonsi izyaya mwenemo zikamilwe, apamulandu nu kuulizya amanzi, zifwe nu kufwa uku lusala.

Masamu 91:4

Amakuvimbanga na mapa yakwe, nu kuwa amuno umauwanga, ni cisinka cakwe, ni cumi cakwe, acino umasolelanga nu kuicingilila kweneko.

Masamu 81:13

“Ndi cakuti antu yane iyanguvwila, Aina Izlaeli ndi cakuti yamalondelanga inzila zyane,

Masamu 57:1

Undole luse luse we Leza, undole luse luse, pano niza nazina kunuli. Umu cisao ca mapa yako, amuno nkuuwa, ukufika sile na lino uzanzo wane ulasililikila.

Neemiya 9:30

Apa myaka iingi ala wayatekelela. Wayatezela nu kuyaceula ukupitila muli yakasema, lelo yene yatange yakuvwe nanti panono. Fwandi ali cino wasuka waleka anisi yao yayacimvya.

Yelemiya 35:14

Isunde lya kuntamwa waini lino Yonadabu wasilile ana yakwe likalondelwa. Pasi pano kufika na pilelo yasyamwa pamulandu wakulondela isunde lya cikolwe cao. Lelo nemuno nkumunena nu kukonkomezya sana kwaula kutonta, musinguvwa foo.

Yelemiya 26:23

Yaya yawezya Uliya ku Eguputo, yamutwala nu ku mwene Yeoyakimu, awino wizile wamukoma ku lupanga nu kusumbila icala cakwe ku malindi ya antu yonsi.

Masamu 149:2

Izlaeli kazangile muli wiyo uwa muumvile. Antu amu Zioni kayazangile umu Mwene wao.

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Malango 32:29

Yene yaposiwa ukulola icalenzile kuti yayacimvye. Yene yatanga yalooke impela yao vino ilaya.

Malango 5:29

Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Umbwilo 11:8

vyala vyao vilasyala vilambalile mu museo uwamu musumba ukulu, muno Mwene wao watanyilwe pa lupanda. Izina lya musumba uwa mwi syente ukaamwa ukuti Sodoma, nanti Eguputo.

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

Milimo 7:59

Alino yatwalilila kutama Sitivini na mawe. Ala akulenga Umwene ati, “Mwene Yesu, pokelela mupasi wane!”

Luka 15:28

Silenzi asoka cakuti akana nu kwingila mu ng'anda. Caleka isi afuma, amupapata kuti aingile.

Yowelo 2:23

“Mwe ina Zioni, zangini nu kusansamuka pamulandu wa vintu vino Yeona watamucitila. Wene watamuyela amizu apakumupeela imvula muli zuwazuwa nupya ivulisye cuze, ukufuma ku miundo mpaka uku mwela, ndi vino cali uku mpiti.

Nyimbo zya ndosya 4:13

Lelo cacitike pamulandu wakuti yakasema yakwe yifizye na yasimapepo yakwe yali nu mulandu. Wakukoma antu akaele.

Masamu 17:8

Unsunge wakwe vino ungacingilila nyinalinso uwi linso lyako, umfise mu cisao ca mapa yako,

Yelemiya 35:17

Caleka fwandi Yawe Wamaka yonsi Leza wa ina Izlaeli wavwanga wati, “Ndaletela aina Yuda na ina Yelusalemu yonsi isyamo lino nayanenyile. Pasi pano nemo nayanenyile, lelo yakana ukunguvwa. Nayamile nayo yakana ukwaasuka.”