Luka 12:19 - Amazwi Yakwe Leza 2013

¹⁹ Alino ndainena nemwisikulu nti, ‘Nene musyuke! Nakwata vintu vyonsi vino nalondanga pa myaka iingi. Kanapuza, nalya, namwa, nu kuzanga.’

Luka 12:19 交叉參考

Mapinda 27:1

Utaezya ukuitakizya apavya wanda wa mutondo, pano utamanyile vino uwanda uwo ulaca.

1 Kolinto 15:32

Uzye mukwelenganya nemo nalonka cani pa kulwisyanya ni vilyanyi muno mu Efeso? Ndi afwe yatalazyukuka, lyene lekini twacita ndi vino calandwa, “Lekini twamwa nu kulya, pano mutondo tulafwa.”

Ezaya 5:11

Kalanda kuno muli mwemuno mukazyuka katondotondo nu kutandika ukumwa waini, lyene imucelwa ukuwela ku mang'anda usiku pamulandu wa kukoleka.

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

Yakobo 5:5

Umi winu muno nsi uwa kuipakizya mu vintu vyamutengo. Lelo ndakai mukoline wa ng'ombe ziine zino zikusendwa ku kukomwa.

Filipi 3:19

ukuti antu yaa yalasumbwa kuzimo! Yene yakapepa inda zyao nu kuitumika pa vintu vino yalinzile ukuuvwa insonyi. Yene yakaelenganya sile pa vintu vya muno nsi.

Mapinda 18:11

Ivyuma vya mukama ilinga lyakwe ilikome ndi. Yakalilola ndi vino iciumba cimwi icitalimpisye.

Masamu 62:10

Mutataila umu vyaukakasi, mutazangila umu vyuma vyamu wivi. Nanti sile ivyuma vinu kwene nga cakuti vyavulisya, mutaviika kweneko amano!

Umbwilo 18:7

Mucuzyini nu kuleka anyunguluka cuze kulingana nu lulumbi nu wikazi wapapela uno umwisikulu waipile. Pano wene akutwalilila kuinena ati, ‘Ntenzi pano, ne namwene! Nemo insi mukamfwilwa, ntalatala ndosye!’

1 Petulo 4:3

Mwemo mwasumvile nsita mu kucita vintu wa antu atataila Leza. Mwemo mwacitanga vya winyi, mwali ni mbunu, mu ukolesi, nu mu kuwowota, mu muzangalwe mu nsaka zya ukolesi, nga nu mumipepele iya winyi ya tuluwi.

2 Timoti 3:4

Yalaya asomvi, azakantike nupya yalaya na mataki. Yene yalatemwa vyakuizanzya kuluta kutemwa Leza.

Oseya 12:8

Aluko lwakwe Efulemu yakaitutumula yati, ‘Endi, sweswe yakama, twatitukwata icuma civule, kusi umwi wino angatupeela umulandu wakukwila icuma mu ucenjezi.’

Ezaya 22:13

Lelo mwemo kuno muli kwali sile ukusansamuka nu kucina. Mwakomile ing'ombe, yacipambasi nu kufyula imfwele. Nga muvwanga, muti, “Lekini twalya nu kumwa, pano mutondo limwi tulafwa.”

Ezaya 5:8

Kalanda kuli mwemwe mwemuno mukalunda kukuula amang'anda pa mang'anda yano mwakwata. Apa vyalo vino mwakwata mwemo mukalundilapo navyuze, icakuti lyene auzo iyasuka yuulilwa napakwikala. Lyene mwemwe mwenga sile mwasuka mwikala mu mpanga.

Mapinda 23:5

Ivyuma vyako limwi ungaponga nakuno viile, ungati sile ivintu vino vimezile amapa nu kupapuka wakwe lyang'anda.

Yobo 14:1

“Umuntu wensi uwala wavyalwa ku mwanaci, umi wakwe pano nsi utaya utantalile. Lelo umi kwene uo, wavulisya amalanda.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

1 Timoti 5:6

Lelo mukamfwilwa wino uwaipela mu vyakuizanzya ala wene wafwa akupita.

Luka 21:34

“Cenjelini pakuti imyenzo inu italaukilwa mu kupunuka, mu ukolesi na masakamiko amu umi uu, pano limwi uwanda uwa ungamupumikizya wa citeyo.

Luka 16:19

“Kwali umuntu mukama uwazwalanga insalu ziyenzulukile zyamutengo, uwalyanga ningo nupya watenzi mu luzango lwa manda pe.

Habakuku 1:16

Acino lyene yakapela impolelwa ku masumbo yao, nu kocela ubani ku mato yao. Pamulandu wakuti vikwene ivikayapeela ivisuma nu kulya ningo.

Masamu 49:18

Nanti sile lino wali pano nsi nu kuilola wa mupolelelwe, na antu ala yakumulumbanya apa ucindami wakwe,

1 Samueli 30:16

Alino nawe atungulula Davidi ukwali azanzi yalya. Azanzi yalya ala yatiyasalangana umu ncende ilya yonsi, yala yakulya nu kumwa nu kuzevya pa visampwe vyonsi vino yapokololwile umu mpanga iya ina Filisti ni mpanga yakwe Yuda.

Mapinda 10:2

Icuma cakulonkela umu ucenjenzi cisituula, lelo uololoke wene ukatuula ukufuma ku mfwa.

Kasambilizya 2:24

Fwandi icintu cisuma cino umuntu ali wensi angacita, ukulya nu kumwa nga nu kuilyokezya pa vintu vino walonka. Lelo nilwike ukuti vyonsi vii vikafuma kuli Leza.

Ezaya 56:12

Intunguluzi zimwi zikolesi izikavwanga zikuti, ‘Katwalya sile nu kumwa waini umukalipisye apakuti tukolekesye! Mutondo lyene tulacizyapo.’ ”

Amosi 6:13

Mukuzangila ukuti mulacimvya umusumba wa Lodebala, nu kuvwanga muti, “Uzye swemo tutacimvizye umusumba wa Kalinaimu na maka itu swenga?”

Luka 12:18

Alino aivwanzya ati, ‘Ndacita cii, ndomolola inkoma zyane zyonsi nu kukuula zyuze zikulu, muno ndiika ivyakulya vyane ni vyuma vyane vyonsi.’

Mapinda 14:24

Antu ya mano yakalambulwa icuma, lelo iviwelewele vikamanyikwa ku uwelewele wakwevyo.