9 “Caleka namunena nati, lengini nga mumapelwa, londini nga mumazana, konkonsyini nga mumayulilwa.
Caleka namunena nati, lino mukupepa nu kulenga pali cimwi, mutaile ukuti mwati mupokelela, nga mulapelwa consi cino mwalenga.
Na consi cino mwalenga mwi pepo, ndi mwataila mulapokelela.”
Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.
Ndi mwikala munondi nga na mazwi yane ikala munomuli, lyene mulalenga consi cino mukulonda nga naco cilapelwa kunomuli.
Na consi cino mulalenga mwi zina lyane, acino ndacita, kuti Tata alumbanyiwe mu Mwana.
Wene akatupeela cili consi cino tukalenga, pano tukayela masunde yakwe nu kucita vintu vino vikamuzanzya.
Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.
Lino nemo nali umu macuzi nalaizye kuli Yawe, nawe anguvwa, antuula kweneko.
Alino lyene mulampunda nu kumpapata, nga nani ndamuvwa.
Kusi umwi angazanzya Leza kwaula kukwata utailo. Pano wino wensi akaiza kuli Leza alinzile ataile ukuti Leza akuno waya nupya akalambula yao akamulondalonda.
Ndi yataila lino yapepa ale mulwale alapoziwa. Mwene alamukatusya, nga nu kumwelela maifyo yano wacita.
We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.
Nanti angala yacisama yakatemboka uku nzala, lelo yayo afukilila Yawe pasi nanti cimwi cisuma cino yene yanguulilwa.
Lyene lekini tutaile nu kupalamila ku cilimba ca wene cakwe Leza, kuno kuli cikuku. Tulapokelela mizu nu kuzana cikuku cakutwazwa lino twalonda kwazwiwa.
Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.
Napefile kuli Yawe nawe wanjaswike, ampususya na kuli vyonsi ivya nsakamikanga.
Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”
Watulaizya kunondi uti, “Ndanga kunondi.” Ee we Yawe, fwandi ali cino niza.
Lelo namunena vino mwene Solomoni mukuyemba kwa kuzwala kwakwe konsi, wene atafisile nanti kukuyemba kwi luwa lyonga wakwe yaa.
Leza walanda mu malembelo ati, “Lino kasita kasuma kakumwazwa kafisile, nuvwile kuno muli, nga na lino wanda wafisile uwakuti imutuule namwazwizye.” Uvwini! Ndakai kasita kasuma kakumwazwa. Uvwini! Ilelo wanda wa kutuulwa.
Cino nkunena mwemwe, acino nkunena na yonsi kwene nati, ‘Pempulini!’
Antu aya nu mute wakucita visuma, ayano Leza alapeela umi wape umwaya lulumbi nu mucinzi.
Nalenga icintu conga kuli Yawe cico sile cino nkalonda icakuti ningaikala, umu Ng'anda yakwe Yawe, amanda sile yonsi aumi wane, nu kulasyukila usuma wakwe Yawe, alino nu kuleka aliwe sile ampanda amano umu Ng'anda yakwe.
Acino napefile ku Mwene Leza, ala nkupapata kunoli, nu kuizilizya, nu kuzwala vizwalo vya ndosya, nu kwikala umwi twi.
Uzye pali yaa yaili, aweni wacisile cino isi walondanga?” Nao yaasuka yati, “A silenzi wa muze.” Yesu nawe ayanena ati, “Cumi namunena vino yakasonkesya nga na yacizelele yalamukolelela kwingila mu Wene wakwe Leza.
Insikulandila mu umfisolo foo, nanti ukufisa vino nkapanga ukucita. Nsilonda kuti amu mupanda wakwe Yakobo yandonda cilondelonde apasi cimwi. Ne Yawe nkalanda icumi, nkamanyisya antu ivilungame.”
“Lelo yamwi asyala munomuli amu Tiatila yatayela usambilizyo uu uwipe, mwemo mutasambilila vino yauze yakati, ‘Nkama zikulu zyakwe Ciwa.’ Nkumunena ukuti ntalika cisendo nacuze panomuli.
Awe lino namuyulila mukundwe wane, indola asipo, fwandi ala watapita mpiti, lyene icimbaya, pamulandu wa kongoloka kwakwe. Alino ntandika ukumulonda, lelo mposiwa kumuzana. Inaama, inaama mwe, awe asi wakwaasuka foo.
Pano wensi akalenga akapelwa, na wino akalonda akazana, nga na wino akakonkonsya akayulilwa.
