Luka 11:42 - Amazwi Yakwe Leza 2013

⁴² “Kalanda kunomuli mwe Afaliseo! Mukapela kuli Leza cikumi ca pa vilimwa vyonsi ivikanunkizya vyakulya. Vili wakwe kanyenze ni vinzali nga navyuze vilimwa vyamu miyanda. Lelo mwatazyela cumi nu kutemwa kwakwe Leza. Mulinzile mwacita vii vyonsi, kwaula kutazyela vimwi.

Luka 11:42 交叉參考

Mateo 23:23

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukapela kuli Leza cikumi ca pa vilimwa vyonsi ivikanunkizya vyakulya vili wakwe kanyenze ni vinzali. Lelo mwatazyela vintu vikulu kuluta, vyamu Masunde wakwe vii. Upinguzi wa mulinganya, mizu nu ufuma cumi. Mulinzile mwacita vii vyonsi kwaula kutazyela vimwi.

Luka 18:12

Nkaizilizya ukulya maila yaili mu mulungu, nupya nkapela ni cikumi ca muli vyonsi vino nkazana.’

1 Yoane 4:20

Umwi ndi wati watemwa Leza, lelo wapata umwina wakwe, wene uwa ntumpu. Pano wene asyatemwa umwina wakwe wino akalola, uzye angatemwa Leza uli wino asilola?

Malaki 3:8

Uzye umuntu angiyila Leza? Awe citange cicitike. Lelo mwemo mukunjiya. Namwe muuzya muti, “Umu nzila cii?” Umu cikumi na mawila.

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Mapinda 21:3

Ukucita ivisuma ni vya ulungi kukasansamusya Yawe, ukuluta ukupeela impolelwa kunoli.

Mateo 23:27

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukoline na malindi yano yatakasa nu mula kunzi yano kunzi yakaloleka ayembe, lelo mukasi kakweyo mwazula mafupa ya antu afwe nga ni vintu vyonsi viole.

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.

Yoane 5:42

Lelo namanya vino mwaya. Namanya vino mu myenzo inu mutaya kutemwa Leza.

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

Malaki 2:17

Mukwanola Yawe mu mazwi inu. Lelo namwe mukuuzya muti, “Uzye fwandi tukumwanola umu nzila ci?” Mukacita vivyo apakulanda imuti, “Yawe Wamaka yonsi akaelenganya ukuti antu akacita inkota yene asuma, nupya wayatemwa.” Nanti imuti, “Uzye Leza wino atakwata akasoozi ali kwi?”

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Kasambilizya 7:18

Fwandi we muntu ulinzile ukuteeka umwenzo pa milandu ii iili. Wemo ndi cakuti ukaoopa Leza, ale lyene imilandu ii yoili ukailondela ukwaula intazi.

Neemiya 10:37

Lyene uku miputule ya kusungilamo cuma mu Ng'anda ikulu yakwe Leza witu tukaatwalila yasimapepo, usu wankolelo wa ngano, amawila ya mbezu, ni viseekwa vya miti itu yonsi nga na waini mupya na mafuta yapya kwene. Nupya tukaaleta ni cikumi ca vilyo vitu ku ina Levi, pano alio yakasanguzya icikumi mu misumba yonsi muno tukaomba.