39 Lyene Mwene amunena ati, “Mwe Afaliseo mukafula ingako ni mbale kunzi, lelo mu myenzo inu mwazula ukakasi ni nkota.
Mupalame kuli Leza, nga nawe amapalama kunomuli. Mwe yakaifya, namwe fulalini minwe inu! Mwe asomvi, namwe swefini myenzo inu!
Vintu vyonsi ivisanguluke kuli yao akwata myenzo isanguluke. Lelo kusi cimwi icisanguluke kuli yao akowela nupya atataila. Yene yakwata kwelengenya kukowele ni myenzo yao yakowela.
Lelo Petulo amuuzya ati, “We Ananiya, uzye pacani wazumilizya kuti Ciwa akutunke mu mwenzo kuti usombe Mupasi Wamuzilo apa kupaatula impiya zimwi pali zino wakweti lino wakazizye calo?
Pano mu mwenzo mukafuma amelenganyo yankota akamutungulula ku kukoma, kulongozya, nu kucita vintu vya winyi, uwivi, umboni waufi, kutumpwila.
“Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali.
Insiki ino ikati, ‘Swemo twazipa, lelo fwandi yataizifya aisikulu.
Lino Yawe walola vino inkota zya antu zyavulisya na vino ukwelenganya kwao lyonsi kwaya ukwipe,
Nemo nalusile Ayuda yanji, yano tuine myaka mu kulondela upefi wa Ciyuda, nupya nali muipelesye mu kulondela ntambi zya vikolwe vitu.
Wavwanzile cii, asi pamulandu wa kusakamala apina, lelo pano wali umwivi. Wene wali akasunga wa cipao, lelo wiyangamo.
Yesu ayanena ati, “Mwemo mukaizifilizya pa manso ya antu lelo Leza wamanya vyaya mu myenzo inu, pano vintu vino antu yakaelenganya ukuti vyacindamisya kunoyali ala ivya winyi pa manso yakwe Leza.
Lino Mwene wamulola, aya na mizu, nga amunena ati, “Utaalila.”
Yacilolo yako yakung'anza wakwe yacisama, ni ntunguluzi zyako zikoline wa mimbulu, ino isyasya nanti cimwi kuti cifike nu mukatondo.
Akalamba ya uteko nayo kwene yaya wa mimbulu ino ikutakanya inyama ino yatilema. Yene yakakoma antu pakuti yalonkelemo icuma.
Intunguluzi zyao zili kwati a yacisama akung'anza pa nsita ino yakutakanya inyama ino yalemile. Intunguluzi zikakoma antu nu kuyapoka impiya, ni vyuma vyao vyonsi, zikalenga ukuti yamangu aingi yasyale yamukamfwilwa.
“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?
Ndi cakuti wene wavwanga mazwi atelepe, utamuzumila, pano umunda yakwe mwaya ulupato maila cinimbali.
Yatiyangasamila utunwa wakwe yacisama, akulila nu kulumanya incecete apakuti yandepole.
Wene wacitanga ivintu ivisuma pa manso yakwe Yawe, lelo asi nu mwenzo onsi awe.
Yene yalailanga kuya apefi, lelo upefi wao utalaloleka uwa cumi. Fumako ku antu amusango uu.
Lyene lino yatali yalye cakulya ca manguzi, Ciwa aingila mu mwenzo wakwe Yuda Iskalyoti, mwana wakwe Simoni, amutunka kuti akoope Yesu.
Akalomo kaundyondyo ni vitakwa viipe, cili conga sile ni nyungu ikulumbile, iyaula ukoca.
Yoane aama yaili amu alondezi yakwe. Ayatuma kuli Yesu ku kumuzya, yati, “Uzye wewe uli wino Yoane walanzile ukuti akwiza, nanti tumalolelanga muze?”
