Luka 10:42 - Amazwi Yakwe Leza 2013

⁴² Lelo cikulondekwa sile cili conga. Maliya watasolola icintu campomvu, nupya citalapokwa kunoli.”

Luka 10:42 交叉參考

Masamu 27:4

Nalenga icintu conga kuli Yawe cico sile cino nkalonda icakuti ningaikala, umu Ng'anda yakwe Yawe, amanda sile yonsi aumi wane, nu kulasyukila usuma wakwe Yawe, alino nu kuleka aliwe sile ampanda amano umu Ng'anda yakwe.

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Masamu 73:25

Awewe wenga mpo, awewe nasumbako amano yane umwiyulu mumo, nga namuze fwandi, aweni? Icani nacuze cino nemo ningalonda pano nsi ukuluta pali wewe?

Luka 18:22

Lino Yesu uvwile cii, amunena ati, “Kuli cintu conga sile cino ulizya. Kakazye vyonsi vino wakwata ukapeele ni mpiya zino ulazana ku apina, nga ulaya ni vyuma mwi yulu, lyene wize undondele.”

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Masamu 17:15

Lelo nemo umu ulungami wane, ndiza nkulole. Lino ndakatuka ndiza ndole icata cako, nupya ndaya nu luzango wakwe cimwi.

Mako 8:36

Uzye umuntu angakwata muzano cii ndi walonka ivya mu nsi vyonsi, lelo waponzya umi wakwe? Awe kusi cimwi!

Masamu 142:5

Nkukwama wewe, we Yawe, inkuti, “Wewe uli cele lyane, wewe Cuma cane muno nsi ya umi.

Malango 30:19

Ndakai inamupeela cakuti musolole mweisikulu, pakasi ka umi ni imfwa, pakasi ka upolelelo wakwe Leza ni ntipu yakwe Leza, nupya naama amu mayulu na pano pansi ukuya yakambone yane. Acino sololini umi.

Masamu 119:30

Nasolola ukuya uwacuvwilo, nika nu mwenzo wane uku upinguzi wako.

Luka 8:18

“Caleka ikini amano pali vino mukuuvwa, pano wino wensi akweti wene alapeelwa navyuze, na wino wensi atakweti cimwi nawe alapokwa nu tunono tuno akwelenganya kuti akweti.”

Luka 12:20

Lelo Leza amunena ati, ‘We ciwelewele we! Usiku kwene uu umi wako nkuulonda. Uzye lyene aweni alatola vintu vyonsi vino waisungila?’”

Masamu 119:111

Amalamulo yako ali vyuma vyane ivyakuyelelela. Ali luzango lwa mwenzo wane.

1 Kolinto 13:3

Ningapela vyonsi vino nkweti nu kupeela mwili wane kuti antu yawoce. Lelo ndi ntakweti kutemwa, ale pasi usuma umwi.

Luka 12:33

Kazyini vyonsi vino mukweti, mupele impiya ku apina. Ilondelini vikwama visyapunguka. Nu kusunga vyuma vinu mwiyulu muno vitalatala vipunguke, pano aiivi yatangafikako nu kwiya, nu wonyi nao utangalya vyuma vivyo.

Kasambilizya 12:13

Fwandi vyonsi vyativyuvwika. Izwi lyakumalilila umulandu aili: uwaoopa Leza nu kuyela amasunde yakwe, pano acino antunze yaumbilwe.

Luka 16:25

“Lelo Abulaamu avwanga ati, ‘Cuza wane, iusya vino mu nsita ya umi wako wapezilwe vintu vyonsi visuma, lino Lazalo wene wapilwe vintu vyonsi viipe. Lelo ndakai wene kuno watatekeziwa, lino wemo ukucula cuze.

Yoswa 24:22

Lyene Yoswa ayanena ati, “Mwemwe yakambone mweisikulu mwenga ukuti mwatimusolola ukutumikila Yawe.” Nga nayo yavwanga yati, “Endi, sweswe tuli yakambone.”

Yoswa 24:15

Lelo ndi mutakasi ukutumikila Yawe, lyene sololini ilelo kwene wino mumatumikilanga, nga cakuti a tuleza tuno ivikolwe vinu vyatumikilanga ku mbalama ya Luzi lwa Yodani, nanti tuleza twa ina Amoli, yano pali ndakai mukwikala mu mpanga yao. Lelo nemo na amu ng'anda yane, tumatumikilanga Yawe.”

Masamu 119:173

Si walukuiteanya ukungazwa lyonsi, pano nkalondela amalamulo yako.

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Luka 16:2

Caleka aama kangalila amunena ati, ‘Icani cii, cino nkuuvwa pali wewe? Leta tuvwe ndole vyalembwa pamulandu wa wangalizi wako, pano nupya utangaya kangalila.’

Luka 10:39

Mata wakweti umwina wakwe kaci izina lyakwe a Maliya, uwatenzi pipi ni ngazo zya Mwene, ala akuuvwa kuli vino wasambilizyanga.

Luka 11:1

Yesu wapepanga mu cifulo cimwi. Lino wamala, wenga uwamu alondezi yakwe amunena ati, “Mwene, tusambilizye kupepa, ndi vino Yoane Kawatizya wasambilizye alondezi yakwe.”

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 11:1

Muntu umwi izina lyakwe a Lazalo, walwile. Wene wikalanga ku Betaniya, umuzi uno yakaci yakwe oili Maliya na Mata ikalanga. (

Yoane 11:19

Na antu aingi amu Yudeya izile kuli Mata na Maliya kukuyatekezya pamulandu wa mfwa yakwe kalume wao.

Yoane 12:3

Alino Maliya atoola amafuta ya nadi kulingana na citika wakwe lita, amafuta acinunu nupya amutengo ukome cuze. Alino ayapongolwela pa ngazo zyakwe Yesu, nga amukumbula ingazo ni nyele zyakwe. Lyene ing'anda izulamo kununkila kusuma kwa mafuta.