Luka 10:21 - Amazwi Yakwe Leza 2013

²¹ Pa kasita kaka Yesu azanga cuze kupitila mu maka ya Mupasi Wamuzilo, nga avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile. Endi Tata, cii acino walondanga kuti cicitike.

Luka 10:21 交叉參考

2 Kolinto 4:3

Ndi kuli cimwi cino cafiswa ica pamulandu wi Landwe lino tukakosola, ale cafiswa ku antu yano akulowa.

Efeso 1:11

Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.

Efeso 1:5

Leza wasolola mpiti kutucita ana yakwe kupitila muli Klistu. Cii camuzanzizye umwisikulu mwi pange lyakwe.

Mako 10:15

Cumi namunena nati, wino wensi atalapokelela Uwene wakwe Leza wa mwana munono, wene atalingilamo”

Mateo 21:16

Alino yuzya Yesu yati, “Uzye ukuuvwa vino ana yaa yakuvwanga?” Yesu nawe aasuka ati, “Ee. Uzye mutawelenga mu malembelo vino Leza wavwanga ati, ‘Watusambilizya ana anono nga nu tunya tukoonka kukulumbanya cifumaluke.’ ”

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

Masamu 8:2

Utwance kumwi nu twana twa kwiyele nato kwene tukakulumbanya. Waikuulila ilinga lya maka pamulandu wa anisi yako. Alino nu kucincintila anisi yako yonsi kumwi na yayo akutalamila.

Luka 15:9

Lyene lino waluzana, aama ainipamba na yacuza yakwe pali pamwi, ayanena ati, ‘Zangini pamwi nani, pano nati nzana lupiya luno lwaponzile.’

Luka 15:5

Lino waizana, akaya ni nsansa cuze cakuti aitoola aika na pa ciye,

Zefaniya 3:17

Yawe Leza winu waya namwe, amaka yakwe akalenga ukuti mwacimvya. Yawe alasansamukila munomuli, nupya wene alamupeela umi upya, pasipano mwemo wamutemwa. Mwemo alamuzangila nu tupundu twa nsansa,

Ezaya 66:1

Yawe wavwanga wati, “Iyulu ali cilimba cane, insi nayo ali cilyatilo ca ngazo zyane. Uzye ing'anda cii fwandi ino mungankuulila? Incende cii fwandi ino ningapuzilamo?

Ezaya 53:11

Apacisila ca macuzi yakwe, nupya angaca alole ukusansamuka, nu kusininkizya ukuti fwandi ataicuzizye sile foo, apakucula. Umucumi umuomvi wane umusuma nu kucula fwandi waculila aingi apakuyasenula asuma.

Ezaya 29:14

Fwandi lyene nemo namayazungusyanga lino namatwalililanga ukuyapezya. Yano akulola ukuti yakwata amano yamasanguka iviwelewele vya antu. Nu ucenjezi wao utalayatumbwila nanti cimwi.”

Yoane 11:41

Alino yasisya iwe. Lyene Yesu alingamila kwiyulu avwanga ati, “Tata, nakutaizya pano wanguvwa.

Ezaya 62:5

Ndi vino umulumendo akafumalila umukazyana nacisungu, ali vino kaumba wako amakufumalila nu kwikala mumaikalanga pamwi nawe, nu luzango wakwe cimwi.

Ezaya 35:8

Kulaya umuseo ukalamba uno ulaamwa ukuti “Umuseo wakutungulula kuli umuzilo.” Umuntu umukowele atalapita mwenemo ni viwelewele vya antu vitange vipumbule yayo akupita mwenemo umu nzila iyo.

Masamu 25:14

Yawe akasokolwela inkama zyakwe kuli yao akamoopa, nu kuleka upangano wakwe umanyike kunoyali.

Masamu 24:1

Insi kumwi na vyonsi ivyayamo ivyakwe Yawe, impanga yonsi ya pano pansi kumwi na ikazi yamwenemo.

Mateo 3:7

Lelo lino walola Afaliseo na Asaduki aingi yakwiza kuno wawatizyanga, ayanena ati, “Mwe ana ya nzoka mwe! Uzye aweni uwamucelula kuti muutuke ukali wakwe Leza uno ukwiza?