50 Kufuma ku nkulo yonga kufika ku yuze akalanga mizu kuli yano akamucindika.
Lelo nkalanga kutemwa ku nkulo mazimbi zino zyantemwa nu kuyela amasunde yane.
“Ndafikilizya kusunga upangano wane kunuli nu ku amu mupanda wako mu mikulo ilalondelela yonsi. Wene ulaya upangano wa manda pe. Ndaya Leza wako na Leza wakwe yano amu mupanda wako.
Wene akapeela ivikalonda akamoopa, akauvwa ukukuuta kwao nu kuyatuula.
Antu akwatila Yawe icoopo kayati, “Ukutemwa kwakwe ukwa manda pe.”
Ndi vino iyulu lyavimbilikizya insi yonsi, avino nu luse lwakwe lwaya kuli yano yakamoopa.
Iye mwe, we Yawe vino usuma wako wakula, uno ukacitila yayo akukwatila icoopo! Ala kwene icakuzunguka uku muntu ali wensi, apakulola vino wemo ukacitila yao akutaila, yano yakaiza umu kuzina kunuli.
Yawe amapolelelanga yayo yonsi akamoopa akama kumwi na apina.
Alino ku cilimba ca wene kufuma izwi liti, “Lumbanyini Leza mwe aomvi yakwe mwensi pamwi na antu yakwe onsi, anono na akulu kwene, mwe muno mukamucindika!”
Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.
Cumi kwene, wene akalonda ukupususya yayo akamoopa, alino lyene nu lulumbi lwakwe luloleke umu mpanga itu.
pano Leza Wamaka yonsi watancitila vintu vikulu. Izina lyakwe Leza ilya muzilo.
Muce mwauvwila nene ne Yawe Leza winu, nani ndamutuula lyonsi uku anisi inu.”
