Luka 1:49 - Amazwi Yakwe Leza 2013

⁴⁹ pano Leza Wamaka yonsi watancitila vintu vikulu. Izina lyakwe Leza ilya muzilo.

Luka 1:49 交叉參考

Masamu 111:9

Umwene wapususya antu yakwe, wapangana nayo upangano wakuyelelela. Icacumi, uwamuzilo nupya uwa maka!

Masamu 99:3

Yonsi yakamulumbanya, pano wacindama nupya uwalulumbi, icacumi wene uwamuzilo!

Yelemiya 10:6

We Yawe, ala kutaya uwakolana nawe. Wemo wewe mukulu, nga ni zina lyako ilikulu nupya ilyamaka wakwe cimwi.

Efeso 3:20

Ndakai lulumbi luye kuli Leza, wino ali na maka akucita munotuli vintu vilusile vino tungalenga nanti vino tungelenganya.

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Umbwilo 15:4

Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”

Masamu 99:9

Lumbanyini Yawe Leza witu, mumupepe apa mwamba wakwe uwamuzilo! Pano Yawe Leza witu uwamuzilo!

1 Samueli 2:2

“Kutaya nanti aumwi uwamuzilo wakwe Yawe. Kutaya nanti aumwi akoline nawe we Yawe, kutaya nanti wenga angacingilila wakwe Leza witu.

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Ezaya 6:3

Ala yakulaizya yakuti, “Wamuzilo, wamuzilo, wamuzilo Yawe Wamaka yonsi, ucindami wakwe walimba insi yonsi.”

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”

Mako 5:13

Wailesile ipita, alino mipasi yankota ifuma mu muntu iya iingila muli yakapoli. Alino ufyo onsi kulingana na mazimbi yaili, utantamukila ku lwema, uponela muli yemba umwela.

Ezaya 1:24

Ali cino fwandi Yawe Wamaka yonsi, Wamaka wilya wa ina Izlaeli wavwanga wati, “Ndalandula kuli mwe anisi yane, nu kuncuzya mutalancuzya nupya foo.

Masamu 24:8

Uzye Umwene walulumbi kwene wiyo aweni? Wene a Yawe, uwamaka nu ulamba, Yawe wino akacimvya mu nkondo!

Ezaya 63:1

Uzye aweni wilya wino akwiza ukufuma mu musumba wa Bozila, mu mpanga yakwe Edomu? Icakuzwala cakwe icamaala maala nupya icausaka. Akukumpoka na pakupita na maka. Ala si a Yawe Wamaka, Katuula wa antu. Ali wino wiza ku kumanyisya antu pa lwa kucimvya kwakwe.

Luka 1:48

pano watankumbusuka ne muomvi wakwe uwaicefya! Kufuma ndakai antu amu nkulo zyonsi yamangamanga yati wewe walongo,

Luka 1:50

Kufuma ku nkulo yonga kufika ku yuze akalanga mizu kuli yano akamucindika.