7 Asi onsi amu luko lwakwe Abulaamu ali ana yakwe Leza. Leza wanenyile Abulaamu ati, “Kupitila sile muli Isaki amuno ulakwata vizikulula vino nakulavile.”
Nga Leza anena Abulaamu ati, “Utasakamikwa pa mwana na pa muzya wako Haga. Cita consi cino Sala wakunena ukucita, pano muli Isaki amuno ulakwatila ana yano nakulaya.
Leza wamunenyile ati, “Muli Isaki umulafuma amu mupanda wako yano nakulavile.”
Mwana wa mwanaci uwali muzya wavilwe mu musango uno onsi yakavyalwa. Lelo mwana wa mwanaci uwali muntungwa wene wavilwe pamulandu wa ulayo wakwe Leza.
Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.
Mwaomba imilimo isuma yakulanga vino mwati muzenzuka. Nupya mutainena mu myenzo inu ukuti Abulaamu ali cikolwe cinu! Nkumunena vino Leza angasenula amawe yaa ukuya ana yakwe Abulaamu.
Nao yamunena yati, “Sweswe amu mupanda wakwe Abulaamu, tutatala tuya azya ya muntu umwi. Uzye wemo walozya mwi lino wavwanga wati, ‘Mulakululwa?’”
Mukama ati, ‘Tata Abulaamu, cico citangaciyazwe! Lelo ndi umwi uwamu afwe wazyukwike nu kuya kunoyali, lyene yangazenzuka.’
Nupya mutaelenganya ukuti muluutuka kuvunukwa kuno kukwiza, apa kulanda ukuti Abulaamu ali cikolwe cinu. Nkumunena vino Leza angasenula amawe yaa ukuya ana yakwe Abulaamu.
Inane, ndakai mwemwe ana yakwe Leza avyalwa pamulandu wa ulayo wakwe, ndi vino Isaki wavilwe.
