Loma 9:4 - Amazwi Yakwe Leza 2013

⁴ Yene antu yakwe Leza yano wasolola kuti yaye ana yakwe, nga nu kusokolola lulumbi lwakwe kunoyali. Leza wacisile cipangano nao nu kuyapela Masunde. Wayasambilizye vino yangamupepa mucumi. Wafikilizye malayo yakwe kunoyali.

Loma 9:4 交叉參考

Efeso 2:12

Mu nsita ilya mwemo mwali mutali mumanye vyapali Klistu. Mwemo mwali ainamasi pakasi ka ina Izlaeli, nupya mutali antu asololwe yakwe Leza. Mutakweti mbali imwi mu vipangano vino vimikwe pa malayo yakwe Leza ku antu yakwe. Nupya mwatenzi munonsi kwaula upaalilo nanti Leza.

Masamu 147:19

Akapeela ilandwe lyakwe ku antu yakwe, amasunde yakwe na malamulo yakwe.

Loma 9:6

Nemo ntakulanda ukuti, Leza waposiwa kufikilizya ulayo wakwe, pano asi onsi amu mutundu wa ina Izlaeli ali antu yakwe Leza mucumi.

Utandiko 17:2

Namacita upangano nawe nupya ndasandulula amu mupanda wako.”

Milimo 2:39

Pano ulayo uno Leza walavile uli pali mwemwe na pa ana inu, na pali yano yonsi ali kutali, yano Umwene Leza witu alaama kunoli.”

Malango 7:6

Mulinzile ukucita vii, pamulandu wakuti mwemwe yakwe Yawe Leza winu. Wene wamusolwile ukufuma mu antu yonsi pano nsi kuti muye antu yakwe aiyele.

Kufuma 4:22

Lyene ulinzile ukuyanena Falao ukuti Nene, ne Yawe navwanga nati, ‘Izlaeli umwana wane umonsi iyeli.

Ayebulai 9:1

Upangano wankolelo wakweti malamulo a mipepele ni cifulo ca mipepele icakuzilwe na antu.

Masamu 89:3

Wemo wavwanzile uti, “Napangana upangano nu musololwe wane, nalapa uku muomvi wane Davidi inti,

1 Yamwene 8:11

Yasimapepo yaposiwa kuswilila mwenemo ku kuyaomba incito zyao, pamulandu wakuti lulumbi lwakwe Yawe lwaziile mu Ng'anda ikulu ilya iyakwakwe.

Loma 8:15

Pano Mupasi wino Leza wamupeela asi mupasi wakumucita azya nu kumucita intete. Lelo Mupasi akamucita ukuya ana yakwe Leza nga nu kupitila mu maka yakwe, tukalilila Leza tuti, “Tata, Tata!”

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Malango 14:1

“Mwemwe antu yakwe Yawe Leza winu. Ali cino fwandi lino mukulosya, cisi cakwezya ukuicembola inkalo nanti ukupela ulukuzu.

Utandiko 17:7

“Ndafikilizya kusunga upangano wane kunuli nu ku amu mupanda wako mu mikulo ilalondelela yonsi. Wene ulaya upangano wa manda pe. Ndaya Leza wako na Leza wakwe yano amu mupanda wako.

Ayebulai 9:10

Cili vivyo pamulandu wakuti vyene vikaomviwa mu malamulo ya milile, nu kumwa nga ni misango ipusanepusane iya kuswefiwa. Vii vyonsi amalamulo ya pa vintu vino vikaloleka, yano yakuomba kufika lino Leza alaleta utantiko upya.

Ayebulai 9:3

Kucisila ca cisalu ca kucinga kwali Ncende Yamuzilo Kuluta.

Yoane 1:47

Lino Yesu walola Natanaeli akwiza kunoli, avwanga pamulandu wakwe ati, “Lolini wii ali mwina Izlaeli wa cumi, nupya munoli musi usomvi.”

Mateo 21:33

Yesu ayanena ati, “Uvwini mulumbe nauze. Kwali umuntu umwi uwa kweti impanga, muno walimile calo ca matingi apindila ni cimpinda. Lyene aimbamo ni ciwina ca kufenelamo matingi, nga akuula nu lupungu. Alino apanzisya icalo cakwe ku alimi, nga apita ku mpanga ya kutali.

Oseya 11:1

Yawe akuti, “Lino Izlaeli wali umwana munono, namutemilwe nga imwama umwanane ukufuma lino wafumile mu Eguputo.

Yelemiya 31:20

“Uzye Efulemu ali mwanane umukundwe? Uzye wii ali mwanane wino natemwa? Pasi pano kwene nkamwiusya lyonsi sile, nkamukalipila. Ali cino lyonsi nkamuluuka mu mwenzo wane nu kumuyela uluse.” Ivyalanda ne Yawe.

Yelemiya 31:9

Apa kupita yapisile ala yakulila. Lelo ndayamyalalika pa kuweluluka. Ndayatungulula ku nguzi zya manzi, umu nzila itambalale, muno yatalapumika foo, pano anene ndi isi wakwe Izlaeli na Efulemu ali yeli lyane.

Ezaya 60:19

“Asi lanzi foo lino lilakukozezya uku macaca. Asi mwezi foo uno ulakukozezya amanda pe. Ala anene kwene ne Yawe, nene sile ndakukozezya pee na pee. Nene sile ne mucindami, anene ndaya uluswepo lwako.

Ezaya 46:3

“Munguvwe, mwe ang'anda yakwe Yakobo, mwensi mwemuno mwasyala amu ng'anda yakwe Izlaeli. Anene nkamusunga ukutandika sile nu kukuvyalwa kwinu.

Ezaya 41:8

“Lyene fwandi mwe ina Izlaeli mwe aomvi yane, mwemwe muli mutundu wa antu yano naisolwela ne mweneco. Mwemwe ana yakwe Abulaamu cuza wane.

Ezaya 5:2

Watipozile umusili, afumya mwenemo amawe nga alemamo na matingi asuma wakwe cimwi. Alino akuulilila ni cimpinda, nga alino afukula nu mwakufenelamo amatingi. Alino atandika nu kulolela apakuti iviseekwa vikace. Lelo iviseekwa navyo viza vyaya sile ivikantuke.

Masamu 90:16

Leka imilimo yako iloleke ku yaomvi yako, nu lulumbi lwako ulukulu luloleke ku ana yao.

Masamu 89:34

Nemo ntalatala nonone upangano wane nawe, nanti ukusenuka muli vino ndavwanga.

Masamu 78:61

Waleka na anisi yiza yazanza amaka yakwe, imbokosi ya upangano, yaisenda nu mu uzya.

Masamu 73:1

Cumi kwene, Leza umusuma ku ina Izlaeli, uku antu akwata imyenzo iyakaele!

Masamu 63:2

Nemo nkukulukisya ukuti nkulole, umwi sano lyako ilya muzilo, muno ningalola amaka yako nu ucindami wako.

Neemiya 13:29

We Leza wane, wiusye antu yayo, apa kukowezya usimapepo wao nu kusausya upangano uno mwacisile na ina Levi.

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

Malango 29:14

Asi mwemwe mwenga mwemuno Yawe akupangana namwe upangano na masunde yakwe, awe.

Malango 29:1

Yakwene ali mazwi ya upangano uno Yawe wapeezile ilamulo kuli Mose kuti yapangane na ina Izlaeli mu mpanga ya Moabu. Amazwi yaa fwandi yali akulanda pa mazwi ya upangano uno Yawe kwene wapangine nayo ku Mwamba wa Holebu.

Mpendwa 7:89

Lino Mose wingile mwi Taalu lya Ukongano ku kulanda na Yawe, wene uvwile izwi ukufuma pakasi kakwe yakelubi, papela ya ntupiko ya Mbokosi ya Upangano, ala likulanda kunoli. Nga nawe avwanga na aliwe.

Kufuma 40:34

Lyene ikumbi livimba Itaalu lya Ukongano, nu luswepo luyengese lwakwe Yawe luyengesa mwi Taalu.

Kufuma 34:27

Yawe anena Mose ati, “Lemba amazwi kwene yaa, pamulandu wakuti kulondela amazwi kwene yaa, kuli kucita upangano pakasi kane nawe nga na ina Izlaeli yonsi.”

Kufuma 12:25

Lino mulingila mu mpanga ino Yawe walaya kumupeela, mulinzile lyonsi mwaiusya ukucita lutambi lu.

Utandiko 32:28

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.

Utandiko 17:10

Wewe na amu mupanda wako mulinzile kuzumila ukuti umonsi wensi wa munomuli alinzile kusilamulwa.

Utandiko 15:18

Pa wanda ulya Yawe acita upangano na Abulamu, avwanga ati, “Nakulaya ukuti namapeela impanga ii yonsi ku amu mupanda wako, ukufuma ku Luzi lwa Eguputo kufika nu ku luzi lukulu lwa Yufulate,

Loma 3:2

Endi, umu nzila zingi, mwaya muzano wakuya Muyuda! Ca nkolelo, mazwi yakwe Leza yavwanzilwe ku Ayuda.

Malango 4:13

Wene wamunenyile vino mulinzile ukucita apakusunga upangano uno wene wacisile namwe, ukuyela Amasunde Ikumi, yano walemvile pa vipampa vya mawe viili.

Ezekelo 1:28

Pakulola uluswepo ulwazingulwike icali wa mulalamfuti mu makumbi mu nsita ya cisiku. Ni cintu cico calolike wa ucindami wakwe Yawe. Apakulola cico, impona pansi mfupime, nga nuvwa ni zwi lyakwe wiyo akulanda.

2 Kolinto 11:22

Uzye yene Ayebulai? Nani kwene avino ndi. Uzye yene aina Izlaeli? Nani kwene avino ndi. Uzye yene amu mupanda wakwe Abulaamu? Nani kwene avino ndi.

Galatiya 3:16

Vii avino cili ku malayo yano Leza wacisile kuli Abulaamu ni cizikulula cakwe, vino malembelo yakati malayo yatapilwe ku “Vizikulula ivingi,” lelo “Ku cizikulula,” kuli kuti wenga, na wiyo a Klistu.

Ayebulai 9:5

Papela ya mbokosi pali vimwi ivyakoline wa angeli vino yakati yakelubi, vyalanganga kucindama kwakwe Leza. Vyali na mapa akonzolwilwe nu kuvimba pa mbokosi apali pa ncende pano maifyo yelelwanga. Lelo ndakai isi ili nsita yakulondolola vyonsi mu kuzika.

Ayebulai 9:6

Vii avino vintu vyatantikwe. Yasimapepo ingilanga cila wanda mu muputule wakwe conga ku kuomba milimo yao.