Loma 8:7 - Amazwi Yakwe Leza 2013

⁷ Pano umuntu akaya umwanisi wakwe Leza ndi akutungululwa ni vilondwa vya mwili wakwe, pano wene asyayela Masunde yakwe Leza, nupya atangayela.

Loma 8:7 交叉參考

1 Kolinto 2:14

Muntu wino asi na Mupasi, wene atangapokelela mawila yakwe Mupasi wakwe Leza. Muntu uwa musango uu, atangiluka vintu vya Mupasi. Kunoli visisenula cimwi, pano vikalondekwa kuya nu Mupasi Wamuzilo kuti muntu avyuvwe.

Yakobo 4:4

Mwe antu mwe muno musi akutailwa kuli Leza! Uzye mutamanyile ukuti ndi mwaya ucuza ni nsi ala mwapatana na Leza? Wino wensi akalonda kuya cuza wa nsi ala wene waicita mwanisi wakwe Leza.

Loma 7:22

Kwene mwenzo wane onsi ukazumilizya Masunde yakwe Leza.

Ayebulai 8:10

Lelo Mwene witu akuti, uu upangano uno ndacita na ina Izlaeli mu manda akwiza. Ndalemba masunde yane muli yakampingu yao nu mu myenzo yao. Ndaya Leza wao, nao yalaya antu yane.

2 Timoti 3:4

Yalaya asomvi, azakantike nupya yalaya na mataki. Yene yalatemwa vyakuizanzya kuluta kutemwa Leza.

Kolose 1:21

Pa nsita imwi mwemo mwali kutali cuze kufuma kuli Leza nupya mwali anisi yakwe pamulandu wa vintu viipe vino mwacitanga na vino mwelenganyanga.

Loma 8:4

Leza wacisile cico pakuti vino Masunde yalondanga ukuti antu yacite vifikiliziwe ningo munotuli swe muno tusyalondela ivya untunze lelo tukatungululwa na Mupasi Wamuzilo.

Loma 5:10

Twali anisi yakwe Leza, lelo mu mfwa ya Mwana wakwe watuwikizyanya nawe. Lyene vino twaya yacuza yakwe Leza, cumi Klistu alatutuula pano wene umumi.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Yoane 7:7

Mwemo amu nsi yatangayamupate, lelo nemo yampata pano nkayanena vino vicitwa vyao iviipe.

Loma 3:31

Uzye lyene tungati pa utailo kwene uu twafutatila Masunde? Awe, cisi vivyo! Mu cifulo cakwe cii, tukakomelezya kuyela Masunde.

Loma 1:30

yaya alunya, asoka Leza, a cilumba, a mataki, akayuvwa, yene yakalondelezya inzila zipya zyakucitilamo viipe, asyayela akwasi,

Mateo 12:34

Mwe ana ya nzoka mwe! Uzye mungavwanga uli vintu visuma lino mwemwe yaipe? Pano mulomo ukavwanga vintu vizile mu mwenzo.

2 Petulo 2:14

Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.

Mateo 5:19

Caleka wino wensi asyayela isunde lyonga linono ilya mu masunde yaa, nu kusambilizya antu kucita vikwene, wene yalamucefya mu Wene wa mwiyulu. Lelo wino wensi akayela masunde yaa nu kusambilizya antu, wene yalamukuzya mu Wene wa mwiyulu.

Yelemiya 13:23

Uzye umwina Kusyi angasenula inkanda yakwe? Nanti uzye inangu ingasenula amaala yakweyo? Ndi cingaya vivyo ale lyene namwe kwene mwemuno mwikalila ukucita vya winyi mungata ukucita iviipe mutandike nu kucita visuma.

2 Milandu 19:2

Kasema Yeu umwana wakwe Hanani nawe ala watafumila apanzi ku kumukomenkanya. Lino yakomenkana, nga kasema Yeu auzya umwene ati, “Uzye icisuma ukwazwilizya anisi yakwe Yawe? Apamulandu uu, umukosi wakwe Yawe uli nu kukuponela.

Masamu 53:1

Iciwelewele umu mwenzo wakweco cikati Leza kutaya. Antu ya mwata ndi uo yononeka umu mano. Nupya ivicitwa vyao ivyawinyi. Kutaya nanti wenga akacita ivilungame.

1 Kolinto 9:21

Mu musango uli onga kwene, lino nkuomba pamwi na Akulukuwa, nemo nkaikala wa Mukulukuwa, kwaula kulondela Masunde ya Ciyuda, pakuti ndonke Akulukuwa. Cii cisyakusenula ukuti nsyayela Masunde yakwe Leza. Mucumi nemo nkateekwa na Masunde yakwe Klistu.

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

Yobo 15:13

Lyene wasuka wasokela Leza, wavwanga na mazwi amuzewanya kunoli.

Ezekelo 14:5

Ndacita cii pakuti imbwezye imyenzo ya ina Izlaeli, yayo yonsi yano yamfutatila nu kulondela utuluwi twao.’