Loma 8:16 - Amazwi Yakwe Leza 2013

¹⁶ Mupasi wakwe Leza akatulenga kuti cumi tuye sweswe ana yakwe Leza.

Loma 8:16 交叉參考

1 Yoane 4:13

Twasininkizya ukuti tukaikala muli Leza nawe akaikala munotuli, pano wene watupeela Mupasi wakwe.

2 Kolinto 1:22

nu kwika Mupasi wakwe mu myenzo itu kuti alangilile vino sweswe akwakwe.

2 Kolinto 5:5

Leza aliwe watuteyanyizya kusenulwa kuu nga watupela Mupasi Wamuzilo mu myenzo kuti alangilile vino sweswe akwakwe.

Efeso 1:13

Yesu wamuletile cumi, cino cili Ilandwe Lisuma lya pamulandu wakwe vino mungatuulwa ndi mwataila. Caleka mwatamwa ni nsimbi yakwe Leza pa kumupeela Mupasi Wamuzilo wino walavile kunomuli kuti alange vino mwemwe yakwakwe.

Loma 8:26

Mu musango uli onga kwene Mupasi Wamuzilo nawe akatwazwa, swe muno tuli atonte. Pano tutamanyile vino tulinzile kupepa. Lelo Mupasi Wamuzilo umwisikulu akatupapatila kuli Leza mu musango uno utangalondololwa.

Efeso 4:30

Nupya mutaleka Mupasi Wamuzilo auvwe ulanda. Pano Mupasi Wamuzilo ali cimanyililo cakuti mwemwe yakwe Leza, cisininkizyo cakuti uwanda uliza lino Leza alamulenga kuya antungwa.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Loma 8:23

Lelo usi uumbo utupu ukateta. Naswe kwene swe muno twapokelela uwila wa Mupasi Wamuzilo uno Leza watalike ukutupela uwa pa mawila yakwe, tukateta cimyamya, ala tukulolela Leza ukutucita ana yakwe nu kukulula mili itu.

1 Yoane 5:10

Wino wensi uwataila Mwana wakwe Leza, wene wakwata umboni uu mu mwenzo wakwe. Lelo wino wensi asyataila Leza, ala wene akulanda ukuti Leza uwa ntumpu pano wene atataila vino Leza walanda vya pa Mwana wakwe.

Malango 14:1

“Mwemwe antu yakwe Yawe Leza winu. Ali cino fwandi lino mukulosya, cisi cakwezya ukuicembola inkalo nanti ukupela ulukuzu.

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Mateo 5:9

Alongo antu akaelezyanya. Pano yalaamwa ana yakwe Leza.

Luka 20:36

Pano yene yalakolana wa angeli, nupya yatangafwa. Yene ana yakwe Leza, pano yene yalazyukuka kufuma ku afwe.

Yoane 1:12

Lelo yamwi, yano amuzengile nu kutaila munoli, yene wayapile nsambu yakuti yaye ana yakwe Leza.

Milimo 5:32

Naswe sweswe yakambone ya vintu vii, na Mupasi Wamuzilo kwene, wino Leza watapela kuli yano akamuyela.”

Loma 8:14

Yano onsi akatungululwa na Mupasi Wamuzilo yene ana yakwe Leza.

Loma 8:19

Pano uumbo onsi ukalolela kasita kano Leza alasokolola ana yakwe.

Loma 9:8

Kuli kuti, asi ana onsi avyalwa ku akwasi ali a Izlaeli mucumi. Lelo ana avyalwa pamulandu wa ulayo wakwe Leza ali ana yakwe mucumi.

Loma 9:26

Nu ku cifulo kuno Leza wayanenyile ati, ‘Mwemo musi antu yane,’ kuko kwene akuno yalamwa ana yakwe Leza wa umi.”

2 Kolinto 6:18

nu kuya So. Namwe mulaya ana yane aonsi na yakaci, avino Mwene wa maka yonsi walanda.”

Galatiya 3:26

Mwensi kwene mwemwe ana yakwe Leza pa kutaila muli Klistu Yesu.

Galatiya 4:6

Leza watumile Mupasi wa Mwana wakwe mu myenzo itu, pakusininkizya ukuti sweswe ana yakwe, Mupasi wino akati, “Abba, Tata wane.”

1 Yoane 3:1

Elenganyini vino Tata watutemwa! Kutemwa kwakwe ukukulu cuze cakuti swemo twaamwa ana yakwe. Nu mu cumi avino tuli. Uu uli mulandu uno amu nsi yatatumanya, pano yene yatamanya Leza.

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.

1 Yoane 3:10

Uu uli upusano apaswe, uwaya pakasi ka ana yakwe Leza nga na ana yakwe Ciwa. Muntu wensi asyacita visuma nanti kutemwa mwina wakwe wene asi mwana wakwe Leza.

Umbwilo 21:7

Wino wensi alacimvya nemo ndaya Leza wakwe nawe alaya umwana wane.