Loma 8:10 - Amazwi Yakwe Leza 2013

¹⁰ Lelo ndi Klistu akaikala munomuli, nanti angala imili inu ilafwa pamulandu wa maifyo, ale Mupasi Wamuzilo amamupeela umi pano mwacitwa kuya aololoke pa manso yakwe Leza.

Loma 8:10 交叉參考

Efeso 3:17

Nupya nkupepa kuti Klistu aikala mu myenzo inu pa kutaila kwinu kuti muzyansye nu kwika misisi mu kutemwa kwakwe.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Yoane 17:23

Nemo nao tuye wenga, nga wewe nani tuye wenga, kuti yaye afumaluke muli uwenga. Na kuti antu amu nsi yamanye vino wewe wantumile nga nu kuti wayatemwa ndi vino nani wantemwa.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

Loma 8:11

Ndi Mupasi wakwe Leza, wino uwazyukwile Yesu kufuma ku afwe, akaikala munomuli, ale Leza wino uwazyukwile Klistu kufuma ku afwe alapeela umi ku mili inu iikafwa.

Filipi 1:23

Cili icitale kusolola. Nkulonda ukufwa kuti nje pamwi na Klistu, pano cii cazipisya kuluta.

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

1 Kolinto 15:45

Pano calembwa mu malembelo cati, “Muntu wakutandika, Adamu, waumvilwe aya ciumbwa ca umi.” Lelo Yesu wino ali Adamu wakusyalikizya, wene ali Mupasi wino akapeela umi.

Umbwilo 14:13

Nupya nuvwa izwi kufuma mwiyulu likuti, “Lemba ukuti, Alongo ayao yano kufuma ndakai yakufwila mu kutumikila Mwene!” Mupasi Wamuzilo nawe ati, “Endi! Yene yalailyokezya kupuza ku kuombesya kwao, pano milimo yao isuma ikuyalondela.”

Yoane 15:5

“Nene mutingi namwe mwemwe misambo. Wino wensi wikala munondi, nga nani munoli, wene akaseeka vizao vingi. Pano mutangacita cimwi kwaula nene.

Yoane 14:23

Yesu amwaasuka ati, “Wino wensi uwantemwa, wene akayela mazwi yane. Wene alatemwikwa na Tata, nga Tata nani tuliza kunoli nu kwikala nawe.”

Ayebulai 12:23

Mwati mwiza ku ukongano wa luzango wa ana mayeli yakwe Leza yano mazina yao yalembwa mwiyulu. Mwati mwiza kuli Leza kapingula wa antu onsi, nu ku mipasi ya antu asuma yano Leza walula kuya afumaluke.

Ayebulai 9:27

Muntu wensi alinzile ukufwa lyonga nga pacisila apingulwe na Leza.

1 Tesalonika 4:16

Kulaya kulaizya ilamulo, kuvwika kwi zwi lya mungeli mukulu, ciunda ca ntandala yakwe Leza, nga Mwene umwisikulu aliika kufuma mwiyulu. Yao afwile nu utailo muli Klistu yalazyukuka nkolelo yaye nu umi.

2 Kolinto 13:5

Muyezye mweisikulu pakuti muilole ndi mu cumi mukwikala mu utailo. Lelo ndi Klistu asyaikala muno muli, ale lyene mwaposiwa.

2 Kolinto 4:11

Swemo tuli aumi lelo pamulandu wakwe Klistu lyonsi twaya mu uzanzo wa mfwa. Pakuti umi wakwe Klistu waloleka mu mili itu ikafwa.

Loma 5:21

Caleka ndi vino iifyo lyateekanga kupitila mu mfwa, avino ni cikuku cakwe Leza kwene cikayateeka kupitila mu kuyacita kuya aololoke pa manso yakwe Leza, nu kuyatungulula ku umi wape muli Yesu Klistu, Mwene witu.

Loma 5:12

Iifyo lingile muno nsi pamulandu wa muntu wenga, nga ni iifyo lyakwe ilyaleta imfwa. Caleka, imfwa nayo yasalangine mu antu yonsi pano antu yonsi iifizye.

Yoane 6:56

Wino wensi akulya umwili wane nu kumwa uwazi wane wene akaikala munondi, nga nani nkaikala munoli.

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 6:54

Wino wensi akulya mwili wane nu kumwa wazi wane wene ali nu umi wape, nga nani ndaleka azyukuke aye nu umi pa wanda wampelelekezyo.

Aina Levi 13:40

Muntu ndi wapanyoka inyele, waya ni pala, umuntu wiyo muswepe.