Loma 7:4 - Amazwi Yakwe Leza 2013

⁴ Ali vino cili na kuli mwemwe mwe inane. Pano mwemwe vilundwa vya mwili wakwe Klistu, mwafwa pamwi naliwe ku Masunde yakwe Mose. Ndakai mwemwe yakwe Klistu, wino uwazyukwilwe kufuma ku afwe, pakuti twatumikila Leza ningo.

Loma 7:4 交叉參考

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

Efeso 2:15

Wene wonona ivyalembwa mu mpapulo zyakwe Mose pamwi na Masunde nga ni nkonka zyonsi zyakweyo. Wacisile cii kuti awikizyanye Ayuda nga na Akulukuwa kuti tuye wa mutundu onga upya uno walemana munoli mu mutende.

Loma 7:6

Lelo pali ndakai, sweswe antungwa kufuma ku kuteekwa na Masunde, pamulandu wakuti tukoline wa afwe kuli cino icatutesile uzya. Lyene tusyakutumikila Leza mu musango wakulondela Masunde, lelo mu musango upya wakulondela Mupasi Wamuzilo.

Galatiya 5:18

Lelo ndi mukutungululwa na Mupasi Wamuzilo, ale lyene mutangaya azya ya Masunde.

Kolose 1:22

Lelo ndakai kupitila mu mfwa ya Mwana wakwe yaku mwili, mwemo Leza wamucita kuya yacuza yakwe pakuti aleke muye amuzilo, asanguluke, nupya aula mulandu pa manso yakwe.

Loma 6:22

Lelo ndakai mwakululwa kwi iifyo, nupya mwati muya azya yakwe Leza. Acino muzano uno mukweti umi wa kuipelesya kuli Leza, nga ni cikafumamo, umi wape.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Loma 6:14

Iifyo litalinzile kuteeka mwemwe pano mwemo Masunde yakwe Mose yasyamuteeka, lelo mukateekwa ni cikuku cakwe Leza.

Kolose 2:14

Leza wafuta kalata wa nkongole zitu wino akalanda pa Masunde yakwe Mose. Kalata wali uwa milandu itu lelo wene wamusisya nu kumupampamila pa lupanda.

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Umbwilo 19:7

Lekini tuzange nu kuya ni nsansa. Lekini tulumbanye ukulu wakwe! Pano insita yatifika iya winga wa Mwana wa mfwele, na nawinga wataiteyanya.

Loma 6:2

Awe citangaya! Ndi twafwa nu kufuma mu maifyo, uzye lyene tungatwalilila kwifya uli?

Kolose 2:20

Mwemo mwafwa pamwi na Klistu, pano mwafuma kukusambilizya kwa vintu vyamu nsi. Uzye lyene pacani mukwikala kwati mwemwe amu nsi? Pacani mukayela utantiko wa ntambi zyakuti,

Kolose 1:6

Ilandwe Lisuma likutwalilila kuleta upolelelo nupya likusalangana mu nsi yonsi, ndi vino likacita lyonsi pakasi kinu kufuma pa wanda uno mwatandike kuvwa pa cikuku cakwe Leza nu kucimanyikisya vino caya.

Filipi 4:17

Asi pamulandu wakuti nkulonda sile kupokelela cimwi kufuma kunomuli, lelo nkulonda kuti namwe mupokelele upolelelo kufuma mu kupeela.

Yoane 3:29

Nawinga uwakwe siwinga, lelo cuza wakwe siwinga wene akaimilila pipi, nu kuvwa kunoli, nupya akazanga cuze lino uvwa izwi lyakwe siwinga. Vii avino nkazanga cuze.

Mateo 26:26

Walanga yacili yakulya, Yesu atoola mukate, ataizya Leza, aumokoola, alino aupela ku alondezi yakwe avwanga ati, “Tolini mulye, uu uli mwili wane.”

Umbwilo 21:9

Mungeli wenga uwamu angeli cinimbali yano yakweti ngeso cinimbali izyazilemo vilumbelo cinimbali vyakusyalikizya aiiza kunondi anena ati, “Iza kuno, nga nani namakulanga nawinga, muci wa Mwana wa Mfwele.”

Ayebulai 10:10

Pamulandu wakuti Yesu Klistu wacisile vino Leza walondanga kuti wene acite, swemo swensi kwene twaswefiwa kupitila mu mpolelwa ino umwisikulu waipile lyonga nupya calimwi.

2 Kolinto 11:2

Nemo nkweti uzuwa pamulandu winu, wakwe vino Leza nawe akweti. Mukoline wakwe mwali musanguluke wino nalaya kumufumalizya ku muntu wenga sile. Muntu wiyo a Klistu umwisikulu.

1 Kolinto 10:16

Pa Cimulo ca Mwene, lino tukamwa mu lwako nu kutaizya Leza, uzye tusyakumako ku kwankana wazi wakwe Klistu? Lino tukamokoola umukate nu kulya, uzye tusyakumako ku kwankana mwili wakwe Klistu?

Yoane 15:8

Tata akalumbanyiwa ndi mukuseeka vizao vingi. Mu musango ndi uu, mulaya alondezi yane mu cumi.

Yoane 6:51

Nene kwene indi cakulya icikapela umi cino ciiza pano pansi kufuma kwiyulu. Muntu ndi walya cakulya cii, wene alaya nu umi wape. Umwili wane uli cakulya ca umi uno nkapela ku antu yonsi amu nsi kuti yaye nu umi.”

Ezaya 62:5

Ndi vino umulumendo akafumalila umukazyana nacisungu, ali vino kaumba wako amakufumalila nu kwikala mumaikalanga pamwi nawe, nu luzango wakwe cimwi.

Mako 4:20

Lelo antu yamwi yakoline wa mbezu izyaponile pa musili uvunde. Yakauvwa mazwi yakwe Leza, nu kuyapokelela, nu kuseeka vizao, yamwi makumi yatatu, yamwi makumi mutanda, na yamwi umwanda onga.”

Loma 6:11

Mu musango uli onga kwene namwe muipende kuya wa antu afwe, ku maka yano maifyo yakwata, lelo muye aumi mu utandano na Leza muli Yesu Klistu.

Loma 7:3

Acino mwanaci wiyo ndi waya ku monsi muze pa nsita ino iya acili umumi, mwanaci wiyo ala walongozya. Lelo ndi iya wafwa ala lyene waya musapulwe, nupya ndi watwalwa ku monsi muze ale atacisile ulongozyo.