Loma 5:9 - Amazwi Yakwe Leza 2013

⁹ Ndakai twacitwa kuya aololoke pa manso yakwe Leza mu mfwa yakwe Klistu. Caleka kuluta pali cii, alatutuula nu ku ukali wakwe Leza.

Loma 5:9 交叉參考

1 Tesalonika 1:10

Nupya yakalanda pa kulolela kuno mukalolela Yesu Mwana wakwe kuti aiize kufuma mwiyulu. Leza wamuzyukwile kufuma ku afwe, nga pa wanda wa upinguzi Yesu alatutuula ku ukali wakwe Leza ukwiza.

Loma 8:1

Ndakai pasi kuvunukwa kuli yano ailundanya kuli Klistu Yesu.

Efeso 2:13

Lelo muli Klistu, mwe muno mpiti mwali kutali na Leza, wazi wa mpolelwa yakwe Klistu wamupalamika pipi.

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

Loma 1:18

Lyene ukali wakwe Leza wati usokoloka kufuma kwiyulu pamulandu wankota na maifyo ya antu, pano inkota zyao ziipe zikacilikizya icumi kuti citamanyika.

Ayebulai 9:22

Kulingana na Masunde yakwe Mose, vintu vinono sile visiswefiwa nu wazi. Maifyo nayo yasyaelelwa ndu wazi utapongolwilwe.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Loma 8:30

Caleka yano Leza wasolwile, ali yano waama. Na yao yano waama ayano wacita kuya aololoke pa manso yakwe, nga nu kuyapelako lulumbi lwakwe.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

Loma 5:10

Twali anisi yakwe Leza, lelo mu mfwa ya Mwana wakwe watuwikizyanya nawe. Lyene vino twaya yacuza yakwe Leza, cumi Klistu alatutuula pano wene umumi.

Efeso 2:3

Mu cumi naswe kwene avino twali lino twatungululwanga ni vilondwa vya civyalilwa citu, ala tukucita vintu vino mili na melenganyo itu yalondanga. Swemo twasosya Leza nupya twali nu kuvunukwa.