Loma 3:12 - Amazwi Yakwe Leza 2013

¹² Antu yonsi yafutatila Leza. Antu yonsi aponge, kusi umuntu nanti wenga akacita visuma, awe kusi nanti wenga.

Loma 3:12 交叉參考

Masamu 14:3

Yonsi pamwi yapumba inzila yakowela. Kusi muntu nanti wenga akacita ivisuma, kusi nanti wenga.

Kasambilizya 7:20

Cumi cumi, mu nsi ii mutaya umuntu nanti umwi akacita vyaololoke lyonsi, nupya kutaya nanti umwi asitala aluvyanya.

Ezaya 64:6

Swensi twali wa antu amifitalila, nu uloloke witu onsi wali wa nsalu iya vikwi. Swensi twali alokote wa mafwa. Amaifyo itu yatusenzile wa muza.

Ezaya 59:8

Mutamanya inzila ya longo, mutaya ulungami umu nzila zinu, izinyongane sile. Na wiyo wensi akapita mwenemo atakwata ulongo foo.

Ezaya 53:6

Swensi pyu pano twapela, twazeulukanga wa mfwele, swensi twapulupuntanga sile. Yawe nawe ali pakumutwika uyi witu swensi, uno twali nu kuculilamo.

Kasambilizya 7:29

Vii avili vino nasambilile. Leza watuumvile swe antu aula ulema umwi. Lelo swe eneco tukailetelela ku misango itu iipe ivule.

1 Petulo 2:25

Mwemo mwakoline wa mfwele ziponge. Lelo ndakai Leza wamuwezya kuli Kacema nupya Kacingilila winu.

Filimoni 1:11

Pa nsita imwi wene atali nu mulimo kunuli. Lelo ndakai wene akweti mulimo kunuli na kunondi kwene.

Efeso 2:3

Mu cumi naswe kwene avino twali lino twatungululwanga ni vilondwa vya civyalilwa citu, ala tukucita vintu vino mili na melenganyo itu yalondanga. Swemo twasosya Leza nupya twali nu kuvunukwa.

Utandiko 1:31

Lyene Leza alola vyonsi vino waumvile ukuti ivisuma wakwe cimwi. Nga kuya manguzi na katondo, uu wali uwanda uwalenga mutanda.

Mateo 25:30

Mwene atwalilila kuvwanga ati, ‘Sumbini muomvi wii mukasu kunzi mu mfinzi muno kulaya kulila nu kulumanya ncecete.’

Yelemiya 2:13

Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

Masamu 53:1

Iciwelewele umu mwenzo wakweco cikati Leza kutaya. Antu ya mwata ndi uo yononeka umu mano. Nupya ivicitwa vyao ivyawinyi. Kutaya nanti wenga akacita ivilungame.

Kufuma 32:8

Pakwene yatiyafuma umu nzila ino napiile ilamulo kuti yalondela. Yatiyasungulula zaabu nu kupanga mutepa wa mwana wa ng'ombe. Awino yakupepa nu kupeela impolelwa kunoli. Nupya yakuvwanga yati, ‘Mwe ina Izlaeli, leza witu auwi wino watufumizye mu Eguputo.’ ”

Masamu 53:3

Yonsi pyu yamufutatila. Yonsi pyu pano yapela, yakowela. Pasi nanti wenga akacita ivisuma, nanti wenga uwambezu.

Loma 3:11

Kusi umuntu nanti wenga akauvwikisya, nanti akalonda Leza.

Loma 3:13

Milomo yao yakolana wi lindi lili casi. Indimi zyao zikavwanga ivyaufi pa milomo yao pakafuma ulembe ngati uwakwe cipili.