Loma 2:12 - Amazwi Yakwe Leza 2013

¹² Pano Akulukuwa yatapilwe Masunde yakwe Mose, lelo yakaifya nu kulowa yakalowa nanti Masunde yatayakuma. Ayuda yene yapilwe Masunde nu kwifya yakaifya. Caleka Leza alayapingula kulingana na Masunde.

Loma 2:12 交叉參考

1 Kolinto 9:21

Mu musango uli onga kwene, lino nkuomba pamwi na Akulukuwa, nemo nkaikala wa Mukulukuwa, kwaula kulondela Masunde ya Ciyuda, pakuti ndonke Akulukuwa. Cii cisyakusenula ukuti nsyayela Masunde yakwe Leza. Mucumi nemo nkateekwa na Masunde yakwe Klistu.

Galatiya 3:10

Muntu akaikalilila mukuyela Masunde ala wene ali mu citipu. Pano calembwa mu malembelo cati, “Wino wensi asyayela pe vyonsi ivyalembwa mu lupapulo lwa Masunde ala wene umutipwe!”

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

Mateo 11:24

Cumi namunena nati, pa wanda wa upinguzi Leza alaya na mizu cuze pa kuvunuka antu amu Sodoma kuluta mwemwe.”

Yakobo 2:10

Wino wensi uwakana kuyela isunde lyonga wene ali nu mulandu uwa kuntayela masunde yonsi.

Loma 4:15

Kuntayela Masunde kukaleta ukali wakwe Leza! Lelo ukusi Masunde kutangaya kuntayela.

Mateo 11:22

Lelo namunena nati, pa wanda wa upinguzi, mwemo mulavunukwa kuluta antu amu Tuli na Sidoni.

Malango 27:26

“ ‘Katipwe kuli Leza wiyo wensi alakana ukuyela amasunde yonsi na masambilizyo yakwe Leza.’ “Lyene antu yonsi yalalanda yati, ‘Ee mukwai! Kaciye vivyo kwene!’

Galatiya 3:22

Lelo calembwa mu malembelo ukuti iifyo lyateeka antu yonsi uzya. Caleka uwila uno Leza walaya uwakwe wino wensi uwataila muli Yesu Klistu

Yoane 19:11

Yesu amunena ati, “Utangaya ni nsambu panondi, suka ndi nsambu yapeelwa kunuli kufuma kuli Leza. Caleka wino uwatapela nene kunuli ali ni iifyo likulu kuluta.”

Milimo 2:23

Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.