Loma 16:6 - Amazwi Yakwe Leza 2013

⁶ Natuma ulau kuli Maliya wino akatumikila cuze apamulandu winu.

Loma 16:6 交叉參考

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

Loma 16:12

Natuma ulau wane na kuli Tulafaeni na Tulafosa, akatumikila Mwene, nga na kuli cuza wane mukundwe Pesisi, uwaomba mulimo ukulu cuze uwa Mwene.

Mateo 27:55

Anaci aingi yali katalamukila, ala yakulola, yano alondile Yesu kufuma ku Galile, nu kumutumikila.

Mateo 5:47

Ndi mwalamuka aina inu sile, ale pasi cimwi cino mukucita kuluta pali cino yauze yakacita. Uzye Akulukuwa yasyacita cili conga kwene?

Loma 16:5

Natuma ulau kwi uvi ilikapepela mu ng'anda yao. Natuma ulau kuli cuza wane Epanatusi, uwali ali muntu wakutandika kutaila muli Klistu mu muputule wa mpanga ya Asiya.

Loma 16:7

Natuma ulau kuli Andolonika nga na Yuniasi, Ayuda yanji yano ali pamwi nani mu ng'anda yaminyololo. Yamanyikwa cuze mu atumwa, nupya yali ankolelo pali nene kuya aina Klistu.

1 Tesalonika 5:12

Tukumupapata mwe ina itu, kuti mwacindika yao akaomba pakasi kinu, yano akamutungulula muli vino mulinzile kwikala wa ina Klistu.