4 Uzye wewe weni uwakupingula muomvi wa muntu umwi? Musambazi wakwe aliwe alinzile kulola ndi akuomba ningo nanti akuposiwa. Wene alaomba ningo, pano Mwene waya na maka akuti aleke aombe ningo.
Uzye wemo, wewe weni uwakupazyanya na Leza? Uzye inyungu inguzya nakamata iti, “Uzye pacani wamatile mu mwata uu?”
Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.
Ndi wapona asisyala alambalile, pano Yawe aliwe akamulemelela, akatuka.
Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.
Muntu akalya cili consi atalinzile kusula wino akasola vyakulya, vivyo kwene na akalya musalu atapingula akalya cili consi pano avino Leza wamuzengela.
Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.
Leza wene aliwe akakomelezya yano yacepelwa amaka, na yano yatonta kwene.
Pano Yawe watemwa ivilungame, nupya asitazyela akwakwe yayo acumi, lelo aipe yene yalalowelela. Ana ya vipondo yalononeka.
Nemo nkalondela umu nzila zyako kwaula ukunenuka, pano limwi ingazo zyane zingasyelemuka.
Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.
Cintu cii cili paswe, cino Leza wapile Akulukuwa uwila uli umwi na uno wapile kunotuli lino twataile mu Mwene Yesu Klistu. Caleka, nali nene weni wakuti nkanye Leza!”
Pano amaka ya muntu mwipe yalononeka, umusuma wene Yawe akamukomelezya.
Ayuda nao ndi yangazenzuka nu kutaila, yalaweziwa pa cifulo cino yalipo nkolelo. Pano Leza ali na maka yakuyawezya.
