3 Antu akaifya ali yano yakaoopa maka ya uteko. Antu asuma akayela uteko yene yasyaoopa. Uzye ukulonda kuti utaoopa kateeka? Uwacita visuma nawe alakutaizya.
Icipyu ca mwene caya wa cilulumo cakwe cisama, acino na wiyo uwala wacivulumula, ala wailetelela sile umweneco.
Umwene akazangila mu muomvi wakwe, lelo wene akavunuka yayo akaleta insonyi.
“Ndi cali aina Izlaeli yamwi yaili yapusana nga yatwala umulandu ku cilye ca milandu pakuti yayapingwile, nga lyene wenga wazanwa ukuti asi nu mulandu lelo umuze ali wa mulandu.
Kateeka wene umuomvi wakwe Leza, wino wasonta kuti aombela antu visuma. Acino ndi wacita ciipe lyene uye ni ntete pano kateeka akweti nsambu zya kukupingula. Wene umuomvi wakwe Leza uwapeelwa mulimo wakupingula yampula masunde.
Acino wino wensi uwatalamila uteko ulipo ala watalamila vino Leza wacita. Na wensi uwautalamila ala akuiletelela kupingulwa.
