Loma 13:12 - Amazwi Yakwe Leza 2013

¹² Usiku uli pipi nu kusila, nu wanda uli pipi nu kuca. Caleka tute kucita milimo yamu mfinzi, tuzwale vya kulwila mu luswepo.

Loma 13:12 交叉參考

Efeso 5:11

Mutaya nu utandano na yakacita ya milimo yamu mfinzi. Lelo mu cifulo cakwe cii mulinzile kuleta milimo iyo ku luswepo.

2 Kolinto 6:7

tukalanda ivya cumi nga na maka yakwe Leza yaomba muno tuli. Tukaomvya vyanzo vya wololoke kwi kasa itu lunji ni limani kwene.

Yakobo 1:21

Acino lekini kucita vya winyi nu ukakasi onsi. Tontelini Leza nu kuzumila mazwi yano akaika mu myenzo inu, yano angamutuula.

Ezaya 30:22

Utuluwi twinu tuno yapomela na siluva, na tuno yapomelela na zaabu mulatutoola nu kutusumba ungati avino yakasumba usaali, ala mukuti, “Yangini ukutali mwe vintu vya ciwelewele mwe!”

Efeso 4:22

Caleka tiini kucita micitile iipe iyampiti, ni miyele yakweyo yonsi ino ingamulovya.

Loma 13:14

Lelo lekini Mwene Yesu Klistu aye pipi namwe wa visyangu vinu vino mukazwala. Tiini kusakamala musango wa untunze nu kuzanzya vilondwa vyauko.

Lwimbo lwakwe Solomoni 2:17

Welulukila kunondi, we mukundwe wane, lino umuza wapa macaca utali ukatuke, lino ni mfinzi itali iyanduluke. Pakwiza utampoke wakwe mpombo nanti wakwe taala apa myamba pano pakamela maluwa ya mununko usuma.

Umbwilo 22:10

Alino anena ati, “Utafisa mazwi yaa ausemo uwamu lupapulo luu, pano insita yati palama lino vii vyonsi vilacitika.

1 Petulo 2:1

Lyene fumini viipe vyonsi munomuli. Mutatumpoka, mutacita usomvi, kuya nu uzuwa, nanti kutukana.

Ezaya 2:20

Umu wanda ulya antu yalavwintila utuluwi twao, twakwe siluva na zaabu kuli yatunko nu tususu, utuluwi tuno yaipangile ni minwe yao ukuti yangatufukamila.

Umbwilo 1:3

Walongo umuntu wiyo akawelenga lupapulo luu, walongo umuntu wino akauvwa ku mazwi yaa ausemo nu kuyela vino vyalembwa mu lupapulo luu! Pano insita yatipalama lino vintu vii vyonsi vilacitika.

1 Kolinto 7:29

Cino nkusenula inane, icakuti, insita yaticepesya nga kufuma ndakai kwene atwala yalinzile kwikala kwati yatatwala.

1 Kolinto 10:11

Vintu vii vyonsi vyacitikile vikolwe vitu kuti ciye ukusokwa, nupya vyalemvilwe kuti viye vyakutusambilizya swe muno tukulolela mpelelekezyo yakwe vyonsi.

2 Kolinto 10:4

nanti kuomvya vyanzo vya muno nsi pa kulwa ulwi. Lelo mu cifulo cakwe cii, swemo tukaomvya maka yakwe Leza yano angonona malinga ya mwanisi. Swemo tukaonona kwelenganya kwa ntumpu

Efeso 5:8

Mpiti mwali wa antu akaikala mu mfinzi, lelo ndakai mwemwe antu amu luswepo pano mwemwe antu ya Mwene. Acino mwacita vintu wa antu amu luswepo

Ayebulai 10:25

Tutata kukongana pamwi kulingana nu mwata witu, ndi vino yamwi yakucita. Lelo lekini twakomelezyanya nu kuluta, pano mwati mulola ukuti Wanda wa Mwene ukupalama pipi.

Ayebulai 12:1

Swemo tukweti iumba likulu lyakwe yakambone, lino litulizizye. Acino lekini tufume ku vintu vyonsi vino vikatuvulunganya, na maifyo yano akatupalama lili lili. Lekini tusimule nu mukozya mu lwilo lwa kucimvya luno lwikwa nkolelo itu.

Yakobo 5:8

Namwe kwene mulinzile kuteeka myenzo. Lekini kupaalila kwinu kutanenuka, pano wanda wa kwiza kwa Mwene wati upalama.

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

2 Petulo 3:9

Leza atazingota pa kucita cino walaya, ndi vino yamwi yakaelenganya. Lelo Wene akateeka mwenzo kunomuli, pamulandu wakuti wene asyalonda kuti muntu umwi akononwe. Wene akalonda kuti antu yonsi yazenzuke.

2 Petulo 3:11

Vintu vii vilasunguluka mu musango kwene uu, uzye mwemo mulinzile kuya antu amusango cii? Umi winu ulinzile kuya wamuzilo nupya muipelesye ku kutumikila Leza,

1 Yoane 2:18

Mwe ana yane impela ili pipi! Mwanenyilwe ukuti mwanisi wakwe Klistu aliza. Ndakai anisi aingi yakwe Klistu yaloleka mpiti. Acino twati tumanya vino impela ili pipi.