Loma 12:7 - Amazwi Yakwe Leza 2013

⁷ Ndi twapelwa uwila wa kutumikila, mu cumi tulinzile kutumikila. Ndi twapelwa uwila wa kusambilizya, mu cumi tulinzile kusambilizya.

Loma 12:7 交叉參考

Efeso 4:11

Wene uwapile mawila ku antu onsi. Wasolwile yamwi kuti yaye atumwa, yamwi kuti yaye akasema, yamwi akakosola, yamwi akacema nga na yamwi akasambilizya.

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

1 Timoti 5:17

Aikolo yano akaomba mulimo usuma uwa kutungulula iuvi yene yalinzile kulipilwa, maka maka yao akaombesya mu kukosola nu mukusambilizya yalinzile kupelwa malipilo lili kuluta.

Milimo 13:1

Mwi uvi lyaku Antioki mwali yakasema na yakasambilizya yaa: Banaba, Simeoni (uwamwangwa mutifi), Lukio (uwafumile ku Kuleni), Manaeni (uwakuzile pamwi nu mulasi Helodi), nga na Saulo.

2 Timoti 2:24

Muomvi wa Mwene atalinzile kulemanila. Wene alinzile kuya uwa luse kuli onsi, nupya aye kasambilizya musuma akateeka mwenzo.

2 Timoti 2:2

Maila aingi ukauvwa nkusambilizya pa manso yakwe yakambone aingi. Lyene ndakai nkulonda kuti wemo ulasike mulimo uu ku antu atailwe, yano angasambilizya antu yauze.

1 Timoti 4:16

Uisunge nupya ucenjele mu kusambilizya kwako. Utwalilile kucita vintu vii, pano ndi wacita cii, ale lyene ulaituula wemwisikulu nga na yao akukuvwa.

1 Timoti 3:2

Intunguluzi yamwi uvi italinzile kutungwa kayi. Wene alinzile kukwata muci wenga sile, nu kuya mutekele, wa mano, wa mucinzi, akasunga aenyi ningo mu ng'anda yakwe. Wene alinzile kuya mukampuke ku kusambilizya.

1 Timoti 2:7

Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!

Kolose 4:17

Munene Akipusi muti, “Sininkizya ukuti waomba mulimo uno walasikwa mukutumikila Mwene.”

Galatiya 6:6

Muntu wino akusambiliziwa Ilandwe lya wina Klistu alinzile kwankanya visuma vyonsi vino akweti kuli wiyo akumusambilizya.

1 Kolinto 12:28

Mwi uvi Leza wika antu yaa, nkolelo atumwa, yakwe ciili akasema, nga yakwe citatu akasambilizya. Alino wika na yao akacita vinjelengwe, nga palondelela yao apelwa maka akupozya nanti kwazwa yauze nanti kuyatungulula nanti kulandila mu ndimi zyuze zitamanyika.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Milimo 20:20

“Mumanyile ukuti ntafisile cimwi icingaya ica kumwazwa lino nakosozile nu kusambilizya pa lwalala nu mu mang'anda inu.

Milimo 6:1

Mu manda yalya lino alondezi yavulilangako, Ayuda avwanganga Cigiliki yailizyanya pa Ayuda avwanganga Ciyebulai pano yali na kasoozi pali yamukamfwilwa yao pa kuntayankanyako vino yulilwe cila wanda.

Yoane 3:2

Wene waile kuli Yesu usiku, amunena ati, “Kasambilizya, twamanya vino wewe Kasambilizya wino wafuma kuli Leza. Pano pasi umuntu angacita vilangililo vino wemo ukacita, suka Leza ali nawe.”

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Ezaya 21:8

Nga kalinda nawe ali pakuvwanga ati, “Mukwai nemo aepano kwene, apa lupungu, pali pano nkaimilila usiku nu musanya apa kulonda.”

Kasambilizya 12:9

Pamulandu wakuti kasambilizya wali uwamano, wene wakonkomizye antu vino wamanyile. Wasambilile imvwango nu kulondelezya nga azana icumi muno zili.

Masamu 51:13

Alino ndalanga aipe inzila zyako, na yakacita ya viipe yalaweluluka kunuli.

Masamu 34:11

Izini kuno yayame, mwize muvwe. Nemo namamusambilizya ukukwatila Yawe icoopo.

1 Samueli 12:23

Nemo ne Samueli, cipelele ukutali ukwifya Yawe pa kuposiwa ukupepela mwemwe. Namamusambilizyanga imiyele isuma nupya iyampomvu.

Malango 33:10

Yene yakasambilizya antu yako ukuyela amalamulo yako. Yene yalapeela amawila yakoca yonsi pa kavuwa kako.

1 Kolinto 12:5

Kwaya nzila zipusane zyakutumikilamo, lelo Mwene ali umwi kwene akatumikilwa.

1 Kolinto 14:26

Inane, lino mwakongana ku kupepa, vii avino cilinzile kuya, umuntu umwi akwimba umwi asambilizya, umwi aumbula vino Leza wamunena, umwi alanda mu ndimi zitamanyika umwi nawe alondolola vino mazwi amu cilimi cico yakusenula.