Loma 11:8 - Amazwi Yakwe Leza 2013

⁸ Ndi vino calembwa mu malembelo cati, “Leza wayapile myenzo ikome cakuti kufika ni lelo yaposiwa ukulola nanti ukuuvwa.”

Loma 11:8 交叉參考

Malango 29:4

Lelo mwemo ukufika na pi lelo mutacili mupelwe amano akwiluka pa vintu vino mwailolile.

Ezaya 29:10

Pano Yawe wataleka ukuti mwemo mwasipula, mupone nu mutulo twa mfwa. Yakasema ali yano yalaatungulula antu, lelo Leza wene wayazyatika amanso.

Ezekelo 12:2

“We mwana wa muntu, wemo wikala pakasi ka antu yacisanguka. Yene yakwata amanso akulolelako, lelo yasilola. Yakwata amakutwi akuuvwilako, lelo yasiuvwa, pamulandu wakuti acisanguka.

Luka 8:10

Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe, pakuti, yangalola lelo yatangailuke nu kuvwa yanguvwa lelo yatangamanya ningo.

Yelemiya 5:21

sumbiniko amano, mwe antu atumpe nupya aulwa amano, mwemuno mwakwata amanso, lelo musilola nupya mwakwata amatwi, lelo mwemo musiuvwa.

Milimo 28:26

Pano wavwanzile ati, ‘Yanga ku antu ya uyanene uti, kuuvwa yanguvwa, lelo yatangamanya ningo. Nu kulola yangalolekesya, lelo mu cumi yatangailuke.

Ezaya 6:9

Lyene nawe anena ati, “Pita ukanene antu yaa uti, ‘Nanti mungakutika uli, lelo mutangatezya. Ukulola mungalola, lelo mutangiluka.’”

2 Yamwene 17:41

Fwandi antu yayo yene yapepanga Yawe. Nga lelo na pa kasita akali konga kwene, yatwalilile ukupepa utuluwi twao. Na ana yao ukufika na pilelo kwene, yacili yakacita icili cimwi kwene.

2 Yamwene 17:34

Ukufika na ndakai kwene yatasazya, yacili yakatwalilila ukulondela imisango yao iyampiti. Yasipepa Yawe foo, nanti ukulondela iceo cakwe Yawe cino wayapile ukupitila mu ana yakwe Yakobo, wino watemile izina lyakwe Izlaeli.

Ezekelo 20:26

Nupya nayatile ukuti yakweyowezya aisikulu ku mawila ni mpolelwa zyao, apakuleka ukuti yatoola na ana yao aonsi amayeli nu kuyoca impolelwa. Na cino nacitile cico apakuyafulula, na pakuyalanga ukuti nene nenga mpo indi Yawe.