Loma 10:5 - Amazwi Yakwe Leza 2013

⁵ Pamulandu wakuya aololoke pa manso yakwe Leza, Mose walemvile ati, “Muntu akayela Masunde wene alaya nu umi mu kuyela Masunde.”

Loma 10:5 交叉參考

Aina Levi 18:5

Mwalondela micitile na masunde yano napeela kunomuli, pano mulapususya umi winu ndi mwacita vivyo. Nene indi Yawe.’”

Neemiya 9:29

Wemo uyasoka kuti nupya yatandike ukusunga masunde yako. Lelo yene yacita icilumba, yakana kuyela amasunde yako. Nanti angala kulondela amasunde ili nzila yakupeelelwamo umutende. Antu yaya yatalama, nupya yakana ukuyela.

Ezekelo 20:21

“Lelo nupya kwene inkulo iya nayo kwene yansangukile. Yene yasya umwi sunde lyane, yakana nu kuwaka ivipope vyane, ivintu ivilinzile kuyaletela yonsi umi ndi yakuvilondela. Yasuulila kumwi ni Sabata kwene. Nani ali pakulonda kuyafulula ukali ukali nu kuyakoma yonsi mumu kwene mu lwanga.

Ezekelo 20:13

Lelo kwene nu mu lwanga kwene namo kwene yansangukile nupya yatapitanga nu kulondela amasunde yane, yasuulanga ni vipope vyane, vino yali nu kuwaka kuti yalolelemo uumi. Yene yasuulilila ne wamuzilo yonona na Masabata yane. Nani ali pakupanga kuyaponyezya ukali wane mu lwanga nu kuyalovya mumu kwene.

Ezekelo 20:11

Nayapile amasunde yane nu kuyasambilizya ivipope vyane, apakuti yonsi yano yakulondela ivintu vii, amuno yangalolela uumi.

Galatiya 3:12

Lelo Masunde yatemelela ku utailo. Ndi vino calembwa mu malembelo cati, “Wino wensi akayela vyonsi ivyalembwa mu Masunde wene alaya nu umi.”

Loma 7:10

nani nja wa mufwe. Masunde ali nu kundetela umi, yene yalesile imfwa kunondi.

Malango 4:1

Lyene Mose anena antu ati, “Mwayela amasunde yonsi yano nkumusunda ilelo, nga lyene mulapoka impanga nu kwikala mwenemo iyo ino Yawe, Leza wa vikolwe vinu, akupeela kunomuli.

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.