Kufuma 5:2 - Amazwi Yakwe Leza 2013

² Lelo Falao auzya ati, “Uzye Yawe aweni wakuti ninguvwa kunoli kuti inte aina Izlaeli yapite? Nemo ntamumanyile Yawe wiyo, nupya nkukunena vino ntalata aina Izlaeli yapite.”

Kufuma 5:2 交叉參考

Kufuma 3:19

Lelo manyile ukuti umwene waku Eguputo atalamuzumilizya kuti mupite suka sile wapatikiziwa ukucita cico.

Yobo 21:15

Uzye Leza Wamaka yonsi aweni uwakuti twamutumikila? Uzye tungatumbulamo cani umu kupepa kunoli?’

2 Yamwene 18:35

Uzye alilaci fwandi lino tuleza utwa mpanga zyonsi zii twatazile itutuula impanga yao imwi uku mwene witu? Ale fwandi icani calenga kuti mwelenganye ukuti Yawe a Leza angatuula Yelusalemu?”

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Yoane 16:3

Antu yalacita vintu vii kunomuli pano yatamanya Tata, nanti anene.

Masamu 14:1

Iciwelewele umu mwenzo wakweco cikati, “Leza kutaya.” Yene yafuma umu nzila, ni vicitwa vyao ivyansonyi. Kusi muntu nanti wenga akacita visuma.

Masamu 12:4

Aputole yayo akavwanga yati, “Amaka itu yaya umu lulimi lwitu, utunwa twitu tulatutaasya. Uzye aweni angatutonsya?”

Masamu 10:4

Umuntu umwipe asisakamala pali Yawe. Pano mu mwenzo wakwe akati, “Leza asi cimwi?”

2 Milandu 32:19

Yavwanga ivya civwangevwange pali Yawe Leza uwamu Yelusalemu, umu mwata uli umwi kwene uno yakavwangila mwenemo kuli tuleza twao utuluwi, tuno twapangwa ni minwe ya antu.

2 Milandu 32:15

Ali cino fwandi mwe yayame mutaleka Hezekiya amutumpike. Mutamuuvwa! Pano kwene, kutatala kwaya Leza wa mpanga ili yonsi uwatuula antu yakwe uku mwene waku Asilya nanti uku vikolwe vyakwe. Fwandi intange intwisike ukuti Leza winu atalamutuula mu makasa yane awe.’ ”

1 Samueli 2:12

Ana aonsi yakwe Eli yali antu yaukakasi. Yene yatacindike Yawe.

Kufuma 7:17

Mwene wakwisaci, ndakai Yawe wavwanga ukuti amacita icintu cimwi cino cimalanga kunuli ukuti mucumi wene ali Yawe. Silola, namauma pa luzi ni intuwa ii, na manzi yamasanguka yaye uwazi.

Yakapingula 2:10

Lino antu amu mukulo ulya yafwa yonsi, inkulo iyalondelile penepo yilile Yawe na vyonsi vino Yawe wacitile aina Izlaeli.

2 Milandu 32:14

Uzye mwatala muvwa kuno tuleza twa mpanga zyuze twatuula antu yao kuli sweswe? Uzye fwandi icani icingaleka mwaelenganya ukuti Leza winu alamutuula?

Neemiya 9:10

Lyene wemo ali pakucita ivinjelengwe ni vizungusyo, ivyakulwisya Falao, aomvi yakwe pamwi na antu yonsi amu mpanga yakwe, pamulandu wa ukakasi uno yayacitile. Wemo waicitile ululumbi lwako luno ucikweti na pilelo kwene.

Yelemiya 42:13

“Lelo ndi cakuti mwati musikulonda kwikala mu mpanga ii, mwakana nu kuyela amazwi yakwe Yawe Leza winu,

Yelemiya 48:26

Mukolesyini sile akoleke, pano watatalamila Yawe. Lekini Moabu aivumvunye mu malusi yakwe. Lekini asekwe.

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

1 Samueli 25:10

Lyene Nabali aasuka ati, “Uzye Davidi umwana wakwe Yese, ivyani vino ali? Amanda yaa aomvi yatiyaseeka sana ukupuuka ku asambazi yao.

Yobo 15:25

Vii vyonsi vyamucitikile pamulandu wakuti camukumvile, akatuka aya alwisya Leza Wamaka yonsi.

Yobo 15:26

Wakamuka uku kuyamulwisya. Wasenda ni vimpompo ni visyangu.

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Mapinda 30:9

ukoopa ukuti ndi nikutisya, limwi ningakutalamila, nu kuvwanga inti, ‘Uzye Yawe aweni?’ Nupya ukoopa ukuti ndi ningaya umupina, ningatandika ukwiya icakuti nifye ni zina lyako, we Leza wane.