Kufuma 24:3 - Amazwi Yakwe Leza 2013

³ Mose apita, aya anena antu amazwi na malamulo yonsi yano Yawe wamunenyile. Lyene antu yonsi yaasuka yati, “Endi, tumacita vyonsi vino Yawe watavwanga.”

Kufuma 24:3 交叉參考

Kufuma 19:8

Lyene antu yonsi yaasuka capamwi yati, “Endi, tumacitanga vyonsi vino Yawe watavwanga.”

Kufuma 24:7

Pacisila cakwe vii, Mose atoola lupapulo lwa upangano awelengela antu. Lyene antu yavwanga yati, “Tukaayela Yawe nu kucita vyonsi vino watavwanga. Wene tumamuvwilanga.”

Yoswa 24:22

Lyene Yoswa ayanena ati, “Mwemwe yakambone mweisikulu mwenga ukuti mwatimusolola ukutumikila Yawe.” Nga nayo yavwanga yati, “Endi, sweswe tuli yakambone.”

Malango 6:1

“Yaa, ali masunde ni vyeo vino Yawe Leza winu wampeezile ilamulo kuti imusunde pakuti namwe muce mwayalondela mu mpanga ino mwasya mwingile nu kwikala mwenemo.

Malango 5:1

Mose aama aina Izlaeli yonsi nga ayanena ati, “Mwe ina Izlaeli, si angala muvwe amasunde yonsi yano nemo namamupeela ilelo. Muyasambilile nu kuyayela.

Malango 4:45

Yakwene ali malamulo, ni vyeo nga na masunde yano Mose wapeezile aina Izlaeli lino yafumile mu mpanga ya Eguputo,

Malango 4:5

“Anene namusambilizya amasunde yonsi, wakwe vino Yawe Leza wane wanenyile ukucita. Muce mwayayela mu mpanga ino mwasya musawange apakuipoka nu kwikala mwenemo.

Malango 4:1

Lyene Mose anena antu ati, “Mwayela amasunde yonsi yano nkumusunda ilelo, nga lyene mulapoka impanga nu kwikala mwenemo iyo ino Yawe, Leza wa vikolwe vinu, akupeela kunomuli.

Malango 11:1

“Mwatemwa Yawe Leza winu nu kuyela amasunde yakwe na malamulo yakwe yonsi mu nsita zyonsi.

Malango 5:31

Lelo wemo, Mose, wize usyale nani pakuti nkupeele amalamulo, ni vyeo nga na masunde yonsi yano ulinzile kusambilizya antu, pakuti yace yayayela mu mpanga ino nkuyapeela kuti iye iyakwao.’

Kufuma 24:2

Wewe wenga sile upalame pipi nani, muze foo. Antu yatalinzile kukwela mwamba.”

Yoswa 24:24

Lyene antu iyanena Yoswa yati, “Swemo tumatumikilanga Yawe Leza witu nu kumuyela.”

Yelemiya 11:4

Amazwi ali yamwi kwene yano nanenyile ni vikolwe vyao lino navifumizye mu Eguputo, impanga iyakoline wi lungu lya moto. Nayanenyile ukuti ndi yayela, lyene yalaya antu yane nga nani ndaya Leza wao

Yelemiya 34:13

“Ne Yawe Leza wa ina Izlaeli, lino nafumizye ivikolwe vinu mu mpanga ya Eguputo, napangine nayo upangano wakuti,

Malaki 2:10

Uzye swensi kwene tata asi ali wenga kwene? Uzye asi a Leza ali umwi kwene uwatuumvile? Uzye lyene apacani cino tusifikilizya upangano wakwe Yawe ni vikolwe vitu apa kuntaya acumi, cila muntu ku muze?

Yoswa 24:21

Antu iyanena Yoswa yati, “Awe! Swemo tukaatumikila Yawe.”

2 Milandu 15:14

Apa kulapa kuli Yawe iyapundisya amazwi nu kuvwanga ndi vino yamasungisyanga upangano wao. Alino lyene iyakavya icongo nu kulizya intandala.

2 Milandu 15:15

Ayuda pasi pakuzanga apakulola ukuti yalapa umulapo uo ni myenzo yao yonsi. Iyazanga sana apa kupepa Yawe, nawe nu kuyuvwa wayuvwanga nu kuyasunga ningo lyonsi.

Masamu 50:5

“Kolonganini kunondi, mwe uvi lyane, mwemuno mwapangine nani apa mpolelwa.”

Hagai 2:5

Mutuvwa intete awe, pano umupasi wane uli pano muli kuti umwazwe muli vyonsi vino mukucita ndi vino nalavile lino namufumizye umu Eguputo.”