Kufuma 2:3 - Amazwi Yakwe Leza 2013

³ Lelo lino camutalila kusunga inkama, umwanaci wilya atoola cimponda icalukwa na matete nga apomelako manenekela kuti amanzi yataingilamo. Alino aikamo umwana wilya, nga aya amufisa mu mpunga zitali mu mbali ya luzi.

Kufuma 2:3 交叉參考

Kufuma 1:22

Pa kusyalikizya umwene wilya apeela ilamulo ku antu yakwe yonsi ati, “Mwana wensi umonsi uwavyalwa ku Ayebulai alinzile asumbwe mu Luzi lwa Nailo. Lelo ana yao yakaci yonsi muyata sile.”

Milimo 7:19

Wene wali nu usomvi pa antu itu, nupya wali nu uluku kunoyali, nu kuyapatikizya kuti yasumba utwana twao kuti twafwa.

Utandiko 6:14

Upange icange cako, kuomvya imbao zyakwe lombwa. Wikemo miputule nu kusindila manenekela mukasi nu kunzi.

Mateo 2:16

Lyene Helodi lino wamanya vino antu yamano yamutumpoka asoka cuze, atuma asilika yamwi ku kukoma ana yonsi aonsi ali ni myaka iili ya kuvyalwa nu kwiza pansi, ali mu Betelemu nu mu ncende izyapalime. Cii cali kulingana na vino antu yamano yamunenyile pamulandu na kasita, lino yaweni lutanda.

Ezaya 18:2

Ku mpanga iyo akuno intumi zikaiza pa luzi lwa Nailo mu mawato ya matete. Swililini zuwa uku mwinu mwe ntumi zya lwilo. Yangini mukafisye amazwi uku mpanga inu, iyayela ku ntulo ya luzi lwa Nailo. Kanenini antu a mutundu winu wamaka antu yalya atali, nupya atelepelele inkanda, yano antu yauze akutali na amupipi kwene yakaoopa wakwe cimwi pano nsi, antu yano inguzi izili yanande ya mpanga yao.

Mateo 2:13

Lino antu yamano yaswilila kumwao, mungeli wa Mwene aloleka kuli Yosefu mu ciloto amunena ati, “Katuka, senda mwana na nyina utukila ku Eguputo. Kikale kweneko kufika lino ndakunena, pano Helodi amalondelezya ukuli mwana wiyo kuti amukome.”

Utandiko 11:3

Nga yavwanzyanya yati, “Izini tutame injelwa toce zikome.” Caleka yakweti injelwa zyaku kuulila, na manenekela aku kuulila, yataomvizye amawe nanti ndaka.

Ezaya 19:6

Imifolo ya luzi lulo ilatandika ukununka, na manzi amu tunguzi twamu Eguputo yalatandika ukucepa mpaka yapwe. Amatete kumwi ni mpunga vilafooka.

Utandiko 14:10

Mu cifoloma ca Sidimi mwali viwina vya manenekela vivule, nga lino aina Sodoma na ina Gomola yatiyutuke ku ulwi, yaponelamo. Lelo auze apunsumwike yutukile ku myamba.

Ezaya 35:7

Umucanga ulya ukaye ulasanguka yemba. Mulazula nu tufukoka. Uwikalo wakwe yankusa ulasanguka amasanga ya matete ni mpunga.