21 Mwe akwasi, namwe mutasosya ana inu, pano limwi yanganenuka.
Mwe yakwasi namwe mutasosya ana inu, lelo mwayakuzya mu kuyasunda nu kuyasambilizya kwa wina Klistu.
Pano Yawe akasunda yano watemwa, ndi vino umukwasi akasunda umwanakwe umonsi wino watemwa.
Vino isi akakwatila ana uluse, ali vino Umwene akakwata uluse uku antu amukwatila icoopo.
Mumanyile ukuti twamusunganga ndi vino isi wa muntu akacita ku ana yakwe.
Mwe aomvi, namwe mwayela asambazi inu mu vintu vyonsi, asisile lino yakumwangalila pamulandu wakuti mukulonda kuyazanzya. Lelo mulinzile kuyela ni myenzo inu yonsi pamulandu wakucindikilamo Mwene.
