Kolose 2:4 - Amazwi Yakwe Leza 2013

⁴ Nkumunena, lyene, mutaleka umuntu umwi amutumpoke na mazwi antumpu, nanti angala yanguvwika kuya acumi.

Kolose 2:4 交叉參考

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

Mateo 24:4

Yesu nawe aasuka ati, “Cenjelini, mutaleka umuntu nanti wenga amuponzye.

2 Yoane 1:7

Asomvi aingi yasalangana konsi mu nsi. Yene yasyazumila ukuti Yesu Klistu wizile avyalwa wa muntu. Muntu uwaya vivyo wene umusomvi nupya umwanisi wakwe Klistu.

Mako 13:22

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo ni vizungusyo kuti yaponzye na asololwe kwene ndi cingaya.

Umbwilo 20:8

Lyene alapita ku kusomba antu amu nko zyonsi, yano asalangana mu nsi yonsi, kuli kuti Gogi na Magogi. Wene alayakonganika pamwi ku ulwi, nu wingi wao ulaya wa musensenga uwamu nkumba yakwe yemba.

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

2 Timoti 2:16

Fumako kukulazyanya kukowele nupya ukwa uwelewele kuno kukafumya antu kuli Leza.

Efeso 5:6

Mutaleka umuntu umwi amusombe na mazwi auwelewele, pano pamulandu wa vintu vii ukali wakwe Leza ukwiza pali yao asyamuyela.

Milimo 20:30

Insita iliza lino antu yamwi kufuma umwi umba linu yalatumpoka nu kupuulula ataile.

Umbwilo 20:3

Lyene mungeli amusumbila mu ciwina caula impela, afungapo nu kumatilila, pakuti atasomba antu amu nko nupya, kufika lino myaka zimbi lyonga ilasila. Pacisila cakwe vii, wene alinzile kusapulwa pa nsita inono.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

1 Yoane 2:26

Nkumulembela ukumusoka pali yao akwezya ukumusomba.

1 Yoane 2:18

Mwe ana yane impela ili pipi! Mwanenyilwe ukuti mwanisi wakwe Klistu aliza. Ndakai anisi aingi yakwe Klistu yaloleka mpiti. Acino twati tumanya vino impela ili pipi.

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

Kolose 2:8

Mutaleka umuntu nanti umwi amutumpike na mazwi a uwelewele. Mazwi yao yangaloleka kuya a mano, lelo kusambilizya kwao ukwa misango ya vintu vyamu nsi visi vya pali Klistu.

Galatiya 2:4

nanti angala yamwi yalondanga ukuti avino ciye. Antu yaa, iizanga kwati nayo yataila, lelo yene yasokelelanga mwiumba litu wa nengu, pakuti yangalondelezya untungwa uno twakwata muli Klistu. Yene yalondanga kutucita azya.

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

1 Kolinto 2:4

Kuvwanga kwane nu kukosola kwane kwa kumuongola kutali ukwakulanga mano yane, lelo kwali ukwakulanga amaka yakwe Mupasi Wamuzilo.

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele