Kolose 2:14 - Amazwi Yakwe Leza 2013

¹⁴ Leza wafuta kalata wa nkongole zitu wino akalanda pa Masunde yakwe Mose. Kalata wali uwa milandu itu lelo wene wamusisya nu kumupampamila pa lupanda.

Kolose 2:14 交叉參考

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

Ayebulai 8:13

Lino Leza akulanda pa upangano upya, wene akusenula ukuti upangano wankolelo wakota. Pano cino icakota ala cacucuka nupya cili nu kusila zuwa.

Ayebulai 7:18

Lyene ilamulo lyampiti likwa pa mbali, pano litali na maka nupya litali na mulimo.

Kolose 2:20

Mwemo mwafwa pamwi na Klistu, pano mwafuma kukusambilizya kwa vintu vyamu nsi. Uzye lyene pacani mukwikala kwati mwemwe amu nsi? Pacani mukayela utantiko wa ntambi zyakuti,

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

Ezaya 57:14

Yawe walanda wati, “Lekini antu yane yaweluluke kunondi. Panzini umuseo ukalamba. Mu uzifye, mufumyemo na vyonsi vino vingayacilikila inzila.”

Masamu 51:1

Njeleko uluse we Leza pano wewe waluse uluvule. Mfumizye iviipe vyane vyonsi, pano wemo wakwatisya amizu.

Mpendwa 5:23

Lyene simapepo alinzile kulemba vitipu vii api pepala nga alitimpike mu manzi alule, amwavi, kuti avifute.

2 Tesalonika 2:7

Ndakai umfisolo wankota uno ukucitika utangata kuomba suka wiyo akuulesya ukucitika afumiwepo.

Masamu 51:9

Funtusya usyu wako kunondi, uku kulolekesya uku maifyo yane. Kumbula uyi wane onsi.

Esita 3:12

Walanga uwanda uwalenga ikumi na yatatu uwa mwezi wakutandika wafikila, yaama yakalemba ya kwisano nu kuyanena ukuti yalembe ivikalata ivya mpwelo, ukulingana ni lamulo lyakwe Hamani. Iya vilemba muli cila mutundu na muli cila lulimi ulukalandwa umu vitungu vyonsi ivya utesi wa ina Pesya. Alino yatuma kuli yakateeka ya vitungu vyonsi, uku alasi nu ku ntunguluzi zyonsi. Yalembile umwi zina lya mwene Aasuwelo. Yafwatikapo ni nsimbi ya mbalaminwe yakwe.

Neemiya 4:5

Utezya uyelele uyi wao nanti utaleka amaifyo yao yafuutike pano yatiyatuka yakakuula yonsi.”

Luka 1:6

Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.

Esita 8:8

Fwandi icisuma lembini kalata uku Ayuda umwi zina lya mwene ndi muno muwenile mwenemo ukuti icingalungama. Mufwatike penepo ni nsimbi iya mbalaminwe ya mwene. Pasi pano icintu icili consi nga calembelwa umwi zina lya mwene, nu kufwatika penepo insimbi ya kwisano, vikasyalilila pe.”