Filipi 4:19 - Amazwi Yakwe Leza 2013

¹⁹ Leza wane umukama cuze, nupya muli Klistu Yesu wene alamupeela vyonsi vino muulilwa.

Filipi 4:19 交叉參考

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

Mika 7:7

Lelo nemo namapempukilwa kuli Yawe. Namalolelanga Leza Katuula wane. Leza wane amanguvwa.

Malaki 3:10

Ndetelini icikumi consi uku Ng'anda yane ikulu, pakuti mu Ng'anda ikulu yane muye ivyakulya. Lyene njezini mulole ndi ntangayula inzota umwiyulu nu kumupongolwela upolelelo nyanya wakwe cimwi.

Neemiya 9:15

“Alino apakuti yatuuke uku nzala wayapeelanga icilyo ukufuma kwiyulu. Apakuyapususya uku lusala nalyo wayapeelanga amanzi ukufuma umwiwe. Wemo wayanenyile ukuya pokolola impanga ino walavile ukuyapeela.

2 Samueli 22:7

Umu ntazi zyane napefile kuli Yawe. Napefile kuli Leza wane kuti angazwe. Umu ng'anda yakwe ikulu wene anguvwa, atezya nu ku nkuta yane kuti angazwe.

Masamu 36:8

Yene yakalya ivyakulya mpe, umu ng'anda umwako, iyikuta. Ukayamwesya nu mukaluzi ka nsansa zyako.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

Efeso 3:16

Nkalenga ukuti Leza, kulingana nu kucindama kwa ukama wa cikuku cakwe, amukomye na Mupasi wakwe kuti muye akomeleke mu myenzo.

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

Loma 8:18

Nemo nasininkizya ukuti amacuzi yano tukucula ndakai yataine nu lulumbi ululapelwa kunotuli inkolelo.

Efeso 1:7

Pano Klistu wakomilwe pakuti wazi wakwe uye impolelwa yakutulenga kuya antungwa, cii cikusenula vino ndakai maifyo itu yelelwa. Klistu wacisile cii pamulandu wakuti Leza wali ni

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.

Loma 9:23

Leza wacita cii pa kulanga lulumbi lwakwe lukulu kunotuli, swe muno watuyela mizu nu kutusolola kuti tukume ku lulumbi lwakwe lukulu,

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Masamu 130:7

We Izlaeli nawe, paalila muli Yawe, Pano ukutemwa kwakwe Yawe ukwa muntaputuka, nga akalondesya ukupususya.

Masamu 104:24

We Yawe, wapanga ivintu ivivule! Iye mwe vino wacita na mano! Insi yazula tupu, uku viumbwa vyako ivitupu!

Efeso 1:18

Nkulenga kuti Leza akozya luswepo mu myenzo inu na kuti mumanyikisye upaalilo uno wamwamilako nga nu kumanya ukama wa lulumbi lwa kupyana vintu vino Leza walaya antu yakwe,

Efeso 2:7

Wene wacisile cii kuti mu myaka ikwiza alange ukama wa cikuku cakwe uiyele uno waya mu kutemwa kuno watulanga muli Klistu Yesu.

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

2 Milandu 18:13

Lelo Mikaya wene amwaasuka ati, “Nalapa umwi zina lyakwe Yawe uwa umi ukuti nemo namavwanga vino Yawe amanena.”

Utandiko 48:15

Lyene Yakobo apolelela Yosefu ati, “Si Leza wino ivikolwe vyane, Abulaamu na Isaki, yatumikilanga apolelele alumendo yaa! Si Leza wino uwantungulula kufika na pa wanda wi lelo apolelele alumendo yaa!

Danieli 6:22

Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

Loma 11:33

Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?

1 Petulo 5:1

Mwe ikolo ya mauvi, nkumulembela kuti imukomelezye. Nani kwene nene wikolo wi uvi, nupya nene kambone wa kucula kwakwe Klistu. Nemo nkupaalila kukumako ku lulumbi lwakwe luno lulasokololwa. Nkumupapata

1 Tesalonika 2:12

Swemo twamukomelizye, twamutekizye myenzo nu kutwalilila kumupapata kwikala umi uno ukazanzya Leza, wino uwa mwama kuti mukumeko ku Wene nga nu lulumbi lwakwe.

Loma 1:8

Pa kutandika, nkutaizya Leza wane muli Yesu Klistu pali mwemwe mwensi, pano utailo winu uvwika ku antu amu nsi yonsi.

Yoane 20:27

Lyene anena Tomasi ati, “Ndu simpe umunwe wako paa nu kulola makasa yane. Tambika ikasa lyako ulipisye mu mbazo zyane. Taa ukutwisika, nga utaile!”

Yoane 20:17

Yesu amunena ati, “Utandemamo pano ntali nkwele inje kuli Tata. Lelo yanga ku inane ukayanene vino nkukwela inje kuli Tata, ali So, Leza wane nupya Leza winu.”

Filimoni 1:4

Mwinane Filimoni lyonsi lino nkapepa nkakwiusya nu kutaizya Leza.

2 Kolinto 12:21

Nkoopa kuti lino ndiza limwi Leza alandenga kuya ni nsonyi pa manso inu, ndalonda kulila pano aingi muno muli aifizye mpiti nupya yatazenzwike ku vya winyi vyao, imbunu nga nu uzelele wao.

Neemiya 5:19

Caleka we Leza wane, ule walukunjiusya pamulandu ni visuma vyonsi vino nacitila antu yaa.

Mateo 6:32

Suka sile antu atataila Leza alio yakasakamala pa vintu vii vyonsi. So uwa mwiyulu wene wamanya vino mukalonda vintu vii vyonsi.

Filipi 4:7

Lyene pamulandu wakuti mwemwe yakwe Klistu, Leza alamupeela mutende uno kusi umuntu nanti wenga angaumanyikisya. Mutende kwene uu, ulatungulula umi winu ni myelenganyizizye inu.

2 Milandu 31:8

Walanga Hezekiya pamwi ni vilolo vyakwe yiza yalola imitumba, yatasya Yawe nga apolelela na antu yakwe aina Izlaeli.