Filipi 4:15 - Amazwi Yakwe Leza 2013

¹⁵ Mwe ina Filipi mumanyile ningo ukuti lino nafumile ku Makedoniya mu manda yano natandike kukosola Ilandwe Lisuma, mwemwe sile mwali iuvi lino lyangazwilizye. Mwemwe mwakumile ku mawila yano napokelile nga na yano napeelanga.

Filipi 4:15 交叉參考

Filipi 1:5

pamulandu wa musango uno mwangazwilizye mu mulimo wakusalanganya Ilandwe Lisuma kufuma pa wanda wakutandika kutaila kufika na ndakai.

Milimo 16:40

Paulo na Sailasi yafuma mu ng'anda yaminyololo yaya ku ng'anda yakwe Lidya. Yakomanya aina, yayanena amazwi akuyakomelezya nga yapita.

2 Yamwene 5:20

Geazi, umuomvi wakwe Elisya umuntu wakwe Leza, asyala akwelenganya ati, “Mutaweni vino musambazi wane wapanya isyuko pali Namani, wakana kuti amulifye nanti kamwi akanono! Vino ngano waliwapokelela sile vya mawila vino umwina Asilya wilya walakumupeela. Nalapa mwi zina lyakwe Yawe waumi, ukuti nkamulondelele uleke nkatole nanti sile akantu kamwi.”

2 Yamwene 5:16

Elisya nawe ali pakulapa ati, “Nalapa mwi zina lyakwe Yawe waumi, wino nkatumikila, ukuti nsyakutola uwila uo.” Fwandi Naamani akomapo sana ukuti Elisya atoole uwila uo, lelo nawe ale akukana sile.

Loma 15:26

Pano mauvi aku Makedoniya nu ku Akaya mukuitemelwa yasola ukusangula uwila wakwazwa antu yakwe Leza, apina amu Yelusalemu.

Filipi 1:7

Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.

Filipi 1:12

Inane nkulonda kuti mumanye ukuti vintu vino vyancitikile, mucumi vyacitike kuti mulimo wakusalanganya Ilandwe Lisuma uye nkolelo.

Filipi 1:16

Yaa yakacita cii nu kutemwa, pamulandu wa kumanya ukuti Leza wampeela mulimo wakucingilila ilandwe.

Filipi 2:12

Caleka, mwe yakundwe yane, ndi vino mwayelanga nene lino nali pamwi namwe, lyene calondekwa ukuti ndakai lino nsi namwe mwayela kuluta. Twalililini kuomba mu coopo nu kuzakaza kuti mufikilizye ufyusi winu,