Filipi 3:5 - Amazwi Yakwe Leza 2013

⁵ Nemo nasilamwilwe lino nali na manda cinani (8) akuvyalwa, nupya nafuma mu luko lwa Izlaeli mu mutundu wakwe Benjamini. Mukuvyalwa, nene Muyebulai. Wa Mufaliseo, nemo nayelanga Masunde yakwe Mose ndi vino yaya. Lom 11:1

Filipi 3:5 交叉參考

Utandiko 14:13

Lelo umuntu umwi uwapunsumwike aya anena Abulamu Muyebulai. Abulamu wikalanga pipi nu ku miti yamuzilo yakwe Mamule mwina Amoli. Mamule na Esyikoli nga na Anele yali aina, apangine kulemana na Abulamu ku vya nkondo.

Utandiko 17:12

Mukulo onsi ukwiza, umwana umonsi wavyalwa wamala amanda cinani, aye uwaluko lwako nanti foo, aye umwana wa muzya wapa ciyanza nanti muzya wensi wino mwakala ku inamasi, alinzile kusilamulwa.

Utandiko 40:15

Pasi pano nemo yansenzile ku maka ukufuma ku mpanga ya Ayebulai, na munondi kwene nemo ntacita umwi mulandu awe uwakulenga kuti yanyepe.”

Utandiko 41:12

Mulumendo Muyebulai apano wali, muzya wa mukulu wakwe kalinda wa ng'anda yaminyololo. Lino twamulondolwile viloto vitu, nawe ailula viloto vitu, atunena cila muntu muno ciloto cakwe ciile.

Yona 1:9

Nawe aasuka ati, “Nene Muyebulai nga nkapepa Yawe, Leza wa mwiyulu, uwaumvile yayemba ni mpanga kwene ii.”

Luka 1:59

Pa wanda uwalenga cinani izile ku kusilamula umwana, nga yakasi yamutemele izina lyakwe isi, ilya kuti Zakaliya.

Luka 2:21

Pa wanda uwalenga cinani, lino nsita yafisile iyakuti mwana asilamulwe, yamutemela izina lyakuti Yesu, izina lino mungeli wamutemile ala nyina atali asende indilwa.

Luka 5:38

Acino waini mupya alinzile kwitulwilwa mu nyambi zipya.

Milimo 22:3

“Nene Muyuda, uwavyalilwe mu Taliso muzi uwamu Kilikya, lelo nakulila kuno mu Yelusalemu. Gamalieli uwali kasambilizya wane. Nasambilile ningo masunde ya vikolwe vitu, nupya naipela cuze kuli Leza ndi vino mwensi mukacita, mwemuno muli pano ilelo.

Milimo 23:6

Lino Paulo walola ukuti iumba limwi lyali ilya Asaduki ni lyuze ilya Afaliseo. Alaizya umwi Tengo ati, “Mwe inane! Nene Mufaliseo, mwana wa Afaliseo. Inkupingulwa pano nkupaalila ukuti afwe yalazyukuka yaye aumi.”

Milimo 6:1

Mu manda yalya lino alondezi yavulilangako, Ayuda avwanganga Cigiliki yailizyanya pa Ayuda avwanganga Ciyebulai pano yali na kasoozi pali yamukamfwilwa yao pa kuntayankanyako vino yulilwe cila wanda.

Loma 11:1

Lyene nuzye, uzye Leza wafutatila antu yakwe? Awe, cumi kwene citangaya vivyo. Pano nani kwene nene mwina Izlaeli, wamu mupanda wakwe Abulaamu, nupya nene uwamu mutundu wakwe Benjamini.

2 Kolinto 11:22

Uzye yene Ayebulai? Nani kwene avino ndi. Uzye yene aina Izlaeli? Nani kwene avino ndi. Uzye yene amu mupanda wakwe Abulaamu? Nani kwene avino ndi.

1 Samueli 4:6

Lino aina Filisti yuvwa icongo, iyuzya iyati, “Uzye icongo cii mu nkambi ya Ayebulai calola mwi?” Lino yamanya ukuti Mbokosi ya Upangano yakwe Yawe yatiletwa mu nkambi,