Filipi 1:25 - Amazwi Yakwe Leza 2013

²⁵ Nkusininkizya cii nupya manyile ukuti namaikala. Namaikala pamwi namwe kuti nungilizye kumwazwa kukula nu kuya ni nsansa mu utailo winu.

Filipi 1:25 交叉參考

Filipi 2:24

Nupya ndu Mwene wazumilizya ndiza zuwa kunomuli.

2 Kolinto 1:24

Swemo tusi angalizi pa utailo winu akumunena vino mungataila. Tukuomba pamwi namwe kuti muye a nsansa, pano utailo winu ukome.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

Milimo 20:25

“Napitana monsi munomuli, ala nkukosola ilandwe lya pa Wene wakwe Leza. Ndakai, yamwi amunomuli yatalandola nupya.

1 Petulo 1:8

Mwamutemwa nanti angala mutamulola, nupya ndakai musyamulola lelo mwamutaila. Lyene mukazanga, nga kusi mazwi angalondolola luzango lwinu lwa kutuulwa,

Loma 15:29

Lino ndiza kunomuli, manyile vino ndiza mu kuvulilwa kwa upolelelo wakwe Klistu.

Loma 15:18

Ndapama nu kulanda sile pali vino Mwene Yesu Klistu wacita kupitila munondi pa kutungulula Akulukuwa mu kuyela Leza. Wene wacita cii mu mazwi nga nu mu micitile,

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Luka 22:32

Lelo nati nkupepela Simoni kuti utailo wako utatovoka. Na lino ulazenzuka, uce ukomelezye anyonko onsi.”

Masamu 60:6

Umwi sano lyako ilyamuzilo, ali muno we Leza wavwanzile uti, “Apa nsita ya ucimvyo wane indankanya Syekemu nu kupima Cifoloma ca Sukoti.

Filipi 1:24

Lelo pamulandu winu cazipa kuti ntwalilile kuya nu umi.

Filimoni 1:22

Pa nsita ili yonga kwene unteyanyizizye muputule umwi, pano nkupaalila ukuti Leza alaasuka mapepo inu yonsi nga nu kuleka kuti nize kunomuli.