17 Yauze yasyakosola Klistu mu cumi, lelo mu uzuwa, pano yakalonda sile kunjika mu ntazi lino indi mu ng'anda yaminyololo.
Mutacita cimwi mukuitemwa nanti mu cilumba, lelo muicefye nu kulola auzo ukuya acindame kuluta mwemwe.
Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.
Kusi umuntu nanti umwi uwali ku mbali yane nkolelo lino naipokolwile mu cilye. Onsi kwene yamfutatile. Nkupepa kuti Leza ayelele!
Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!
Lino Paulo atali kuti amale kuitaasya ndi vii, Fesito asanzika izwi ati, “Paulo, siwapena! Kusambilila kwako kukulu kumakupenya.”
Agilipa anena Paulo ati, “Uli nu lusa lwakuivwangila.” Paulo aololola ikasa lyakwe aitaasya umwisikulu ati,
“Inane na yatata, uvwini kunondi lino inkuivwangila kunomuli!”
Caleka manyini ukuti lino nsita itali ifike mutakalanguluke pali vino mulavwanga,
Lelo antu akaitemwa, nu kukana kucita vya cumi akacita vino vitaine, yene yalazombola cipyu nu ukali wakwe Leza.
Lelo cico cisi cimwi. Cikulu cakuti antu yakosola Klistu, mu cumi nanti mu uzuwa kwene. Cikwene icikanzanzya.
Pamulandu wa kukosola Ilandwe Lisuma, nemo nkacula nu kunyepwa mu minyololo kwati nene cipondo. Lelo mazwi yakwe Leza yene yatanganyepwa mu minyololo.
