Efeso 6:9 - Amazwi Yakwe Leza 2013

⁹ Namwe mwe asambazi, mwacita cili conga ku azya inu. Mutaezya kuyoofya. Iusyini ukuti mwemo na azya inu kwene, mwemwe antu ya Mwene ali umwi uwa mwiyulu, wino ataya na kasoozi pa kupingula umuntu.

Efeso 6:9 交叉參考

Kolose 3:25

Muntu wensi wino akacita viipe alavunukwa kulingana pa viipe vyakwe, pano Leza atakwata kasoozi.

Milimo 10:34

Petulo atandika ukuvwanga ati, “Ndakai namanya vino ica cumi Leza ataya na kasoozi pa muntu ali wensi.

Loma 2:11

Pano Leza ataya na kasoozi.

Luka 6:31

Vino mungatemwa kuti antu yamucitile avino namwe kwene mwayacitila.

Mateo 7:12

“Acino vintu vyonsi vino mukasi kuti antu yamucitile namwe kwene avino mwayacitila. Pano avino Masunde yakwe Mose nu usambilizyo wakwe yakasema vikalanda.

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Yakobo 2:8

Ndi mukuyela Isunde lya Wene ilyaya mu malembelo likati, “Uwatemwa umuzo ndi vino waitemwa.” Ale mukucita ningo.

1 Kolinto 1:2

Kwi uvi lyakwe Leza ilili mu Kolinto, na kuli yonsi yano aamwa kuti yaye antu yakwe Leza amuzilo, ali akwakwe mu kutaila kwao muli Klistu Yesu, pali pamwi na antu yonsi konsikonsi yano akapepa Mwene witu Yesu Klistu, Mwene witu nupya wakwao.

Yoane 13:13

“Mukangama mukuti kasambilizya, nu Mwene. Mukalungika pano avino ndi.

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.

1 Kolinto 7:22

Pano muzya wino Mwene waama wene muntungwa ku Mwene. Mu musango uli onga kwene muntu muntungwa wino Klistu waama wene muzya wakwe.

Mateo 24:51

Wene alamuvunuka cuze nupya alamusumbila ukunzi ku cifulo ca asomvi kuko kuno alalila nu kulumanya ncecete.

Mateo 24:48

Lelo muomvi wiyo ndu mwipe wene alelenganya mu mwenzo wakwe ati, ‘Mwene wane walengela kwiza,’

Mateo 22:10

Caleka aomvi yapita yaya mu miseo, yakonganika antu yonsi aipe na asuma yano yazanyile, nu muputule usuka ucepa.

Mateo 22:8

Alino anena aomvi yakwe ati, ‘Cimulo ca winga cati citeyanyiziwa, lelo yao amilwe yatasakamile ukwiza.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Danieli 3:6

Umuntu ali wensi wino asikufukamila nu kupepa iciluwi cakwe zaabu amasumbwa zuwazuwa mwi lungu lya moto.”

Ezaya 47:6

Nemo nasokile antu yane, nayasawisye kwati asi antu yane. Nasuka nayapeela mu makasa yako, nga nawe utayakwatile uluse. Na akoloci kwene wayacitanga wanyawanya.

Kasambilizya 5:8

Utazunguka lino walola ukuti uteko ukutitikizya apina nu kuyafyenga mu nsambu zyao. Cilolo wensi wacingililwa na wiyo akamwangalila, alino yaa yoili yacingililwa ni vilolo iviyalusile.

Masamu 140:12

Namanya ukuti Umwene alapeela akafyengwa insambu, nu lungi uku alanda.

Neemiya 5:5

Nanti angala sweswe yali yamwi na Ayuda yanji. Uzye ana itu yatakoline na ana yao? Lelo tulinzile twakazya ana itu wa azya. Twatitukazya mpiti ana itu yamwi anaci wa azya, pamulandu wakuti antu yauze yatupoka vyalo vitu kumwi ni vya matingi kwene.”

1 Samueli 15:17

Samueli nawe amunena ati, “Nanti angala mpiti wailolanga wemwisikulu wa muntu umucepesye pa antu, ala wewe uli ntunguluzi ya mitundu yonsi iya ina Izlaeli. Yawe, uwakulasike utesi pa ina Izlaeli.

Aina Levi 19:13

“Utacenjezya umuntu nanti umwi, nanti kumwiila vintu vyakwe. Utalengezya malipilo ya muomvi wako nanti uwanda onga.

Yobo 34:19

Wene nu kuntunguluzi kwene atakwata akasoozi, asipaatulula pakasi ka akama na apina, pano yonsi kwene, iviumbwa vya kumakasa yakwe.

Kolose 4:1

Mwe yasambazi, mutaya nu lufyengo ku yaomvi inu nupya muye acumi kunoyali. Mutailila ukuti namwe kwene mukweti musambazi mwiyulu.