Efeso 6:1 - Amazwi Yakwe Leza 2013

¹ Mwe ana, mwemwe yakwe Klistu. Acino mulinzile kuyela akwasi inu, pano cili cisuma kucita.

Efeso 6:1 交叉參考

Mapinda 23:22

Uwauvwa kunondi ne so, nemuno nakuvyala. Nupya cisi cakwezya ukusuula nyoko lino wakota.

Mapinda 6:20

We mwanane, uwalondela amasunde yakwe so, utasula vino nyoko akukusambilizya.

Mapinda 1:8

Mwanane, ala uwasumba amano kuli vino yaso yakukulangizya na vino yanyoko yakukusambilizya.

Malango 21:18

“Nga ndi cali umuntu umwi akweti umwana umonsi wino wakoma umwenzo nupya acisanguka, umwana wino atanga ayele akwasi yakwe, nanti angala yakamusunda.

Aina Levi 19:3

Cila muntu alinzile kucindika isi, nupya alinzile kuyela isunde li Sabata wakwe vino napeela ilamulo kunomuli. Nene Yawe Leza winu.

1 Timoti 5:4

Lelo ndi cakuti mukamfwilwa wakwata ana nanti aizikulu, nkolelo ana yakwe yalinzile kusambilila ivyakwazwa amu ng'anda yao koopa Leza. Mu kucita cii amuno akwasi ni vikolwe yangawezya maka yao. Pano cii, cikazanzya Leza.

Loma 12:2

Mutakolana na antu amu nsi mu miyele yao, lelo lekini Leza apindulule myenzo inu kuti myelenganyizizye inu iye ipya. Lyene mulaya na maka akumanya kulonda kwakwe Leza, mulamanya vintu visuma pamwi ni vikamuzanzya.

Mapinda 30:17

Umuntu ali wensi wino akaseka isi nu kuzyuluka nyina umukote, ilinso lyakwe yamwankole ya kuluzi yalalitonkola, naya lyang'anda yakalilye.

Loma 7:12

Caleka, Masunde yene amuzilo, alungame nupya asuma.

Luka 2:51

Caleka Yesu apita nao ku Nazaleti, kuko kuno lyonsi wali uwakutontela akwasi yakwe. Nyina wasunzile vintu vii vyonsi mu mwenzo wakwe.

Yobo 33:27

Cila wenga alalanda apaswe ati, ‘Nati niifya nu kucita ivitalinzile ukucita, lelo Leza wene wantekelela.

1 Petulo 2:13

Pamulandu wa Mwene mulinzile kuyela antu yonsi yano ali pa utunguluzi, maka maka Kateeka mukalamba.

Oseya 14:9

Wiyo wino akweti amano auvwikisye ivintu vii. Wiyo wino angiluka, amanyikisye. Pano inzila zyakwe Yawe izya ololoke, nupya mukapita yayo akacita vyaololoke, lelo yacisanguka yakapumeka mwenemo.

Mapinda 30:11

“Kwaya insiki imwi ino ikatipwila isi nu kukana polelela nyina.

Utandiko 28:7

amanya navino Yakobo watayela isi na nyina nu kuti wataya ku Mesopotamya.

Masamu 19:8

Amalamulo yakwe Yawe yaya alungame. Yao akayalondela yakasansamukila mwenemo. Amasunde yakwe yaya atunguluke, yakatungulula umupasi, nu kunjilula ningo.

Esita 2:20

Lelo Esita nawe ala atatala wailondolola ukuti wene Umuyuda, pano walanga Modekai wamulesya. Esita nawe wamuyelanga ukulingana ndi muno Modekai wamulelile nu kumukuzya.

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

Loma 16:2

Mumupokelele mwi zina lya Mwene, wakwe vino antu yakwe Leza yalinzile kupokelelwa. Mwazwini muli vyonsi vino angalonda kwazwiwa, pano wali a cuza wa antu aingi pamwi nani kwene.

Masamu 119:75

We Yawe, namanya ukuti upinguzi wako uwa ulungi, nu kuti wamvunwike pano wewe wacumi.

Utandiko 37:13

Izlaeli anena Yosefu ati, “Anyonko yakucemela iviteekwa ku Syekemu. Iteyanye nkulonda nkutume kweneko.” Yosefu avwanga ati, “Tata njiteinye, ntumini.”

Yelemiya 35:14

Isunde lya kuntamwa waini lino Yonadabu wasilile ana yakwe likalondelwa. Pasi pano kufika na pilelo yasyamwa pamulandu wakulondela isunde lya cikolwe cao. Lelo nemuno nkumunena nu kukonkomezya sana kwaula kutonta, musinguvwa foo.

Neemiya 9:13

Wizile utentemukila apa Mwamba wa Sinai. Apano wemo wavwanzile ku antu yako ukufuma umwiyulu, nu kuyapeela amasunde alungame nupya ampomvu, ni vipope na malamulo asuma.

1 Samueli 17:20

Katondotondo lino ukuca sile Davidi asya imfwele kuli kacema umwi uwakuti azilola. Atenuka apita nu kupita ndi muno Yese wamutungulwile, afika pa nsakwe pa nsita ino ivita vikuya mu kutantama mu ncende zyao izya nkondo ale yakupunda na welelele wooo!

Masamu 119:128

Acino pamulandu wakuti nkalondela amasambilizyo yako yonsi, nemo napata imisango iipe yonsi.

Luti 3:5

Luti nawe aasuka nyinavyala ati, “Namaya nkacite vyonsi vino mwanena.”

Yelemiya 35:8

Ali cino swemo nu kuwaka tukawaka ilamulo lilyo lya cikolwe citu Yonadabu mwana Lekabu. Tusimwa waini nanti panono, ukutandikila sile pali sweswe kwene, aci itu, nga na ana itu aonsi na anaci kwene.

Yelemiya 35:18

Yelemiya ali pakunena uluko lwa ina Lekabu ati, Yawe Wamaka yonsi, Leza wa ina Izlaeli wavwanga ukuti, “Pamulandu wakuti mukawaka ilamulo lya cikolwe cinu Yonadabu, mukalondela na masunde yakwe yonsi nu kucita vyonsi vino wamunenyile,

Utandiko 48:12

Lyene Yosefu afumya alumendo pa makokola yakwe Yakobo nga afukama pansi afupime inkolelo yakwe.

Utandiko 50:12

Caleka ana yakwe Yakobo aonsi iyacita wakwe vino Yosefu wapeezile ilamulo.