Efeso 4:4 - Amazwi Yakwe Leza 2013

⁴ Kwaya mwili onga nu Mupasi onga ndi vino kwaya upaalilo onga uno Leza wamwamileko.

Efeso 4:4 交叉參考

Efeso 2:18

Muli Klistu, swensi kwene Ayuda na Akulukuwa tungapalama kuli Tata kupitila mu Mupasi onga kwene.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Efeso 1:18

Nkulenga kuti Leza akozya luswepo mu myenzo inu na kuti mumanyikisye upaalilo uno wamwamilako nga nu kumanya ukama wa lulumbi lwa kupyana vintu vino Leza walaya antu yakwe,

1 Kolinto 12:20

Lelo vilundwa vyene ivingi, nanti angala mwili uli onga sile.

Kolose 1:5

Utailo nu kutemwa vyoili vimikwa pali cino mukapaalila cino Leza wamusungila kwiyulu. Muvwile pa upaalilo lino Ilandwe lya cumi, Ilandwe Lisuma lyakosozilwe nkolelo kuno muli.

Efeso 5:30

Pano sweswe vilundwa vya mwili wakwe.

1 Yoane 3:3

Muntu ali wensi wino uwakwata upaalilo uu muli Klistu, ala wene akaikala mu muzilo ndi vino Klistu wikala.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

Tito 2:13

lino tucili tukulolela Wanda upolelelwe uno tukupaalila, lilyo lino lulumbi lwakwe Leza mukulu na Katuula witu Yesu Klistu lulaloleka.

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

2 Tesalonika 2:16

Mwene witu Yesu Klistu, na Leza Tata wino watutemwa, nupya mu cikuku cakwe watupeela ukomelezyo nu upaalilo,

Kolose 3:15

Mutende uno Klistu akapeela uwa kutungulula myenzo inu. Leza wamusolwile kuti mwikale mu mutende kwene uu, pano mwemwe vilundwa vya mwili onga. Nupya mulinzile mwataizya.

Efeso 2:22

Munoli namwe kwene mukukulwa nu kulundinkanyiwa kuti muye wikalo wakwe Leza mukuomba kwakwe Mupasi Wamuzilo.

Efeso 2:16

Lyene kupitila mu mfwa yakwe ya pa lupanda Klistu wononyile lupato luno twakwatilana. Nupya kupitila mu lupanda amuno watulemanya Ayuda, na Akulukuwa tuye mwili onga, nga nu kutuwezya kuli Leza.

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Yelemiya 14:8

Awewe sile wenga wemuno aina Izlaeli yakupaalila munuli. Awewe ukatutuula lino twacula. Uzye lyene pacani cino waya wa mwenyi umu mpanga, nanti wa mulendo akutuwilizya sile uwanda onga?

Tito 3:7

Leza wacisile cii pakuti mu cikuku cakwe amuno tungacitwa kuya aololoke pa manso yakwe na kuti tukwate umi wape uno tukapaalila.

1 Timoti 1:1

Kalata kufuma kuli ne Paulo, mutumwa wakwe Klistu Yesu, ne muno nasolwilwe na Leza, Katuula witu na Klistu Yesu wino tukapaalila.

1 Kolinto 10:17

Pa kukumako ku kwankana umukate uli onga kwene, swensi tukaya mwili onga, nanti angala tuvuzile.

2 Kolinto 11:4

Pano umwi ndi wiza nu kukosola ilandwe lyuze lipusane ni landwe lya pali Klistu, nanti ndi mwapokelela mupasi muze apusine na Mupasi Wamuzilo, nanti ndi mwapokelela ilandwe lyuze lipusane ni Landwe Lisuma lino mwapokelile, ale lyene mukuyela landwe lilyo.

Milimo 15:11

Awe! Twataila nga nu kutuulwa kupitila mu cikuku ca Mwene Yesu, ndi vino yene yakutuulwa.”

Yelemiya 17:7

“Lelo walongo awiyo uwataila mu Mwene Leza, wino Yawe waya utailo wakwe.

Loma 11:29

Pano Leza asyasenuka pali wino wasolola nu kupolelela.

Masamu 122:8

Apa mulandu wa inane na yacuza yane namavwanga inti, “Yelusalemu, umutende uye munuli!”