Efeso 4:12 - Amazwi Yakwe Leza 2013

¹² Lyene antu yakwe yalasambilila kutumikila nga nu mwili wakwe Klistu nao ukomeleke.

Efeso 4:12 交叉參考

Efeso 4:16

wa mwili ukatungulula umwili onsi. Klistu uwalundanya mwili nga nu kuleka kuti cila cilundwa consi ca mwili caomba mu ufumaluke, alino nu kukula nu kukomeleka pamulandu wa kutemwa.

1 Kolinto 12:27

Mwensi kwene mwemwe mwili wakwe Klistu, nupya cila muntu munomuli wene cilundwa cauko.

Loma 15:14

Inane nemwisikulu nkusininkizya ndi vino mwensi mwemwe yasuma cuze, nu kuti mukweti kumanya konsi, nga na maka akusambilizyanya.

1 Kolinto 14:26

Inane, lino mwakongana ku kupepa, vii avino cilinzile kuya, umuntu umwi akwimba umwi asambilizya, umwi aumbula vino Leza wamunena, umwi alanda mu ndimi zitamanyika umwi nawe alondolola vino mazwi amu cilimi cico yakusenula.

Loma 14:19

Caleka tulinzile kwezya kwikala mutende nu kwazwana kukwata utailo ukome.

1 Timoti 1:12

Nkataizya Klistu Yesu Mwene witu, wino uwampile maka akuomba mulimo uu. Nkumutaizya apa kumpenda kuya uwa kutailwa nu kunsolola kuti namutumikila.

1 Kolinto 14:12

Endi, mwemo mukulondesya kukwata mawila kufuma kuli Mupasi Wamuzilo. Caleka pimpini kuomvya mawila yano mungaomvya, mu kukuula nu kukomelezya iuvi.

Ayebulai 13:17

Mwayela intunguluzi zinu nu kulondela malamulo yao. Yene yakasopa umi winu kwaula kupuza, pasi pano yalalondolola kuli Leza pa kutumikila kwao. Ndi mukuyayela lyene yamaombanga milimo yao ni nsansa. Lelo ndi musyakuyayela, yamaombanga milimo yao nu ulanda nga namwe citangaya cakumwazwa.

Ayebulai 6:1

Lyene katutale tuye pa nkolelo mu usambilizyo, tusye cisila masambilizyo yankolelo amwi landwe lyakwe Klistu. Tutaswilila mu kwimika mufula wa kuzenzuka ku milimo iipe nu kutaila Leza.

2 Kolinto 6:3

Swemo tusyakulonda umwi azane kuluvyanya mu mulimo witu, acino tukwezya na maka kuntaleta intazi.

2 Kolinto 5:18

Leza aliwe uwacita vii vyonsi. Wene watumile Klistu kupanga mutende pakasi kakwe Leza naswe, nupya watupela mulimo uwa kupanga mutende pakasi kakwe umwisikulu na antu.

Luka 22:32

Lelo nati nkupepela Simoni kuti utailo wako utatovoka. Na lino ulazenzuka, uce ukomelezye anyonko onsi.”

2 Timoti 4:5

Lelo wemo ulinzile kuisunga muli vyonsi. Uwaposya mu macuzi yonsi. Omba mulimo uwakukosola Ilandwe Lisuma nga nu kuomba ncito yako yonsi wa muomvi wakwe Leza.

Kolose 4:17

Munene Akipusi muti, “Sininkizya ukuti waomba mulimo uno walasikwa mukutumikila Mwene.”

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

Efeso 1:23

Iuvi lili mwili wakwe Klistu umwazula aliwe wino akazuuzya vyonsi mu ufumaluke.

2 Kolinto 12:19

Limwi mukwelenganya ukuti lyonsi lii swemo twezyanga kuicingilila sweisikulu pa manso inu. Awe! Swemo tukalanda ndi vino Klistu akalonda kuti twalanda pa manso yakwe Leza. Yakundwe itu, vyonsi vino tukacita ivyakuti vimwazwe.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

2 Kolinto 4:1

Leza mu mizu yakwe watupela mulimo uu kuti twaomba. Acino tusyatonta.

2 Kolinto 3:8

uzye lyene lulumbi lwa kuomba kwakwe Mupasi Wamuzilo lutalalusya?

1 Kolinto 14:14

Pano ndi nkapepa mu ndimi zitamanyika, ale mwenzo wane ukapepa lelo kampingu wane wene citamupazi.

Loma 15:29

Lino ndiza kunomuli, manyile vino ndiza mu kuvulilwa kwa upolelelo wakwe Klistu.

Loma 15:2

Lelo cila muntu aezya kuzanzya mwina atali akome pakuti akomelezye utailo wakwe.

Loma 12:7

Ndi twapelwa uwila wa kutumikila, mu cumi tulinzile kutumikila. Ndi twapelwa uwila wa kusambilizya, mu cumi tulinzile kusambilizya.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Milimo 1:25

kuti apyanile pa mulimo wa utumwa uno Yuda wasya nu kuya ku wikalo uno wasolwile umwisikulu.”

Milimo 1:17

Yuda wali uwa mwi umba litu pano wasolwilwe kutoola imbali mu mulimo witu.” (

2 Timoti 4:11

Suka sile Luka uwasyala nani. Toola Mako mwize nawe kuno, pano wene angangazwilizya mu mulimo.

Efeso 4:29

Mutaomvya mazwi akucisa. Lelo omvini mazwi asuma akwazwa, mazwi akakuula nu kupeela vikulondekwa, pakuti vino mukulanda viye vyakwazwa yao akumuvwa.

Efeso 4:4

Kwaya mwili onga nu Mupasi onga ndi vino kwaya upaalilo onga uno Leza wamwamileko.

2 Kolinto 13:9

Nanti angala tuli nu utonte, tuli ni nsansa pano mwemwe yakome, nupya tukupepa kuti muye afumaluke.

1 Kolinto 12:7

Mupasi Wamuzilo akapeela cila muntu uwila upusane wa kuomba mulimo wa muzano kuli wensi.

Loma 12:5

Mu musango uli onga kwene avino naswe twaya mwili onga muli Klistu, nupya swensi twailundanya kuli cila wenga ndi vino mwili onga waya ni vilundwa vipusanepusane.

2 Kolinto 13:11

Ndakai, inane, nkuti tukateni! Mupikintike kuya afumaluke. Uvwini kupapata kwane. Ezyini kuzumilizyanya nga nu kwikala mu mutende pakasi kinu. Leza ali ntulo ya kutemwa nu mutende, aye namwe.