Efeso 2:10 - Amazwi Yakwe Leza 2013

¹⁰ Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Efeso 2:10 交叉參考

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

2 Kolinto 5:17

Lino umuntu wailundanya kuli Klistu, wene akaya ciumbwa cipya. Vyampiti vyasila, vyonsi vikaya vipya.

2 Kolinto 9:8

Nupya Leza akweti maka akumupeela kuluta pali vino mukulonda, kuti lyonsi kwene mukwate kulingana na vino mukulonda nga nu kuluta pali vivyo pakuti mwaomba mulimo uwa kwazwa yauze.

Efeso 4:24

nupya zwalini untu upya, uno waumvilwe mu mwata wakwe Leza. Lyene mulaya aololoke nupya amuzilo.

Filipi 1:6

Nupya nkusininkizya ukuti Leza, wino uwatandike mulimo usuma uu munomuli, alautwalilila kufika lino alaumala pa Wanda wakwiza kwakwe Klistu Yesu.

2 Timoti 3:17

Cii cikacitika pakuti umuntu wino akatumikila Leza angalingana nupya angaiteyanya kucita misango yonsi ya vicitwa visuma.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

2 Timoti 2:21

Muntu umwi ndi waisangulula ku vintu viipe vyonsi, wene alaomviwa mu mulimo ucindame, pano wene waipelesya kuya uwa mulimo ukulu ku musambazi wakwe. Wene waiteyanya kucita visuma vyonsi.

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ezaya 43:21

Yaya kwene ali antu yano naipangile, kuti yaimbila inyimbo zyakundumbanya.”

Efeso 1:4

Na lino insi itali kuti iumbwe, Leza wene watusolwile mpiti kuti tuye akwakwe muli Klistu, pakuti tuye amuzilo nupya aula mulandu kunoli. Pamulandu wa kutemwa kwakwe

1 Timoti 6:18

Uwayanena kuti yacita visuma, nu kuya akama mu milimo isuma, nu kupeela kwaula lusoko, yaye aiteyanye kwankanyako yauze.

Tito 3:14

Antu itu yalinzile kusambilila kuomvya insita zyao mu kucita visuma. Yene yalinzile kucitila antu visuma yano alingine kwazwiwa. Lyene antu itu yatalikala mwa ukasu.

Ayebulai 10:24

Lekini twasakamala nu kwazwana nu kutemwa kucita visuma.

Tito 3:8

Muvwango uu uwa cumi. Nkulonda kuti walanda nu kukonkomezya vintu vii, pakuti yao ataila Leza yasakamale insita zyao mu kucita vintu visuma, ivyakwazwa umuntu wensi.

Kolose 3:10

nupya mwati mwingila mu umi upya. Ndakai mukulunduluka mu kulolana na kaumba winu pakuti mumumanyikisye ningo mu ufumaluke.

Tito 2:7

Wemwisikulu ulinzile kucita visuma kuti muli vyonsi uye cilangililo ku antu. Uye uwa cumi nga nu kusumbako mano mu usambilizyo wako.

1 Kolinto 3:9

Pano sweswe aomvi alemana pamwi mu kuombela Leza, nga namwe mwemwe calo cakwe Leza. Nupya mwemwe cikulwa cakwe Leza.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

Tito 3:1

Nena antu yako ukuti lyonsi yaiusya kutontela yakateeka na yao ali pa utunguluzi, kuyela nga nu kuiteyanya kucita visuma mu musango onsi.

1 Yoane 2:6

Wino wensi akalanda ukuti wikala muli Leza wene alinzile kucita vino Klistu wacitanga.

Masamu 138:8

Awewe we Yawe ulamalila umulimo wane onsi ndi muno walaila. Uluse lwako ulwa pe na pee. Utatazyela umulimo uno we mweneco watandike!

Ezaya 29:23

Pano mulalola ana yano lyene ndamupeela. Mulasininkizya nu kuti nene Leza Wamuzilo wakwe Izlaeli. Mulancindika nu kunkwatila icoopo.

Mateo 5:16

Mu musango uli onga kwene namwe mwaengesa wa luswepo pa antu onsi, kuti yalola imilimo inu isuma, nga yalumbanye So uwa mwiyulu.

Yoane 3:21

Lelo wino wensi akacita vya cumi, wene akaiza ku luswepo pakuti luswepo lungasokolola ukuti vino akacita vyene vikacitwa mu kuyela Leza.

Masamu 51:10

We Leza, mpeko umwenzo wa kuyela uwike munondi umwenzo upya uposye.

2 Tesalonika 2:17

alukutukomelezya nu kutupela maka akucita nu kulanda visuma lyonsi.

Loma 8:29

Pano yano Leza wasolwile calimwi ayano wapaatula kuti yaye wa Mwana wakwe, pakuti Mwana aye iyeli lya ina aingi.

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Ezaya 60:21

Antu yako yonsi pyu yalaya asuma, yalasyukila ni mpanga pee. Umucumi anene nayasimpa, nene nayaumvile apakuti yanena antu yauze vino nemo nacindama.

2 Kolinto 5:5

Leza aliwe watuteyanyizya kusenulwa kuu nga watupela Mupasi Wamuzilo mu myenzo kuti alangilile vino sweswe akwakwe.

Ezaya 44:21

Yawe wavwanga wati, “Mwe ina Izlaeli mwe! Mwaiusya ivintu vii. Mwaiusya ukuti mwemo mwemwe aomvi yane. Anene namuumvile apakuti mwaya aomvi yane. Nemo ntalamwilila foo.

1 Timoti 5:25

Mu musango uli onga milimo isuma ikaloleka paswe, nga na iyo itangaloleka paswe nayo itangafiswa.

1 Timoti 2:10

Lelo yene yalinzile kucita vintu visuma vilingine ni vicitwa vya anaci akayela Leza.

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

Milimo 9:36

Mu Yopa mwali mulondezi umwanaci izina lyakwe a Tabita (Izina lyakwe mu Cigiliki a Dokasi, cikusenula mpombo). Wasumvile insita yakwe yonsi mu kuomba milimo isuma nu kukumbusuka apina.

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Ezaya 19:25

Yawe Wamaka yonsi alayapolelela na mazwi yaa akuti, “Namupolelela mwe ina Eguputo, mwe antu yane, na mwe ina Asilya mwemuno naumvile. Namupolelela mwe ina Izlaeli, mwe asololwe yane.”

Masamu 119:3

Yene yasicita cimwi iciipe. Yakapita umu nzila zyakwe.

Masamu 81:13

“Ndi cakuti antu yane iyanguvwila, Aina Izlaeli ndi cakuti yamalondelanga inzila zyane,

Galatiya 6:15

Cisi cimwi ndu muntu angasilamulwa nanti foo. Cikalamba ukuya nu umi upya.

Loma 8:1

Ndakai pasi kuvunukwa kuli yano ailundanya kuli Klistu Yesu.

Malango 32:6

Uzye icumi ali vino mungacita kuli Yawe, mwe viwelewele vya antu, mwe mbutuma mwe? Ala wene ali so, uwa muumvile, uwamucisile ukuya uluko.

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

Ezaya 43:7

Ya yonsi yakaamilwa kwi zina lyane, nene nayaumvile kuti yampela ululumbi, nayapanzile nu kuyapeela umi.”

Efeso 1:1

Kalata kufuma kuli ne Paulo, ne muno nasolwa kuti nje mutumwa wakwe Klistu Yesu. Ku antu yakwe Leza yonsi yao akaikala mu Efeso nupya alondezi ataila muli Klistu.

Efeso 2:6

Muli Klistu Yesu, Leza uwatukatwisye nga atupela cifulo mwiyulu pamwi na Klistu.

Efeso 2:13

Lelo muli Klistu, mwe muno mpiti mwali kutali na Leza, wazi wa mpolelwa yakwe Klistu wamupalamika pipi.

Efeso 2:15

Wene wonona ivyalembwa mu mpapulo zyakwe Mose pamwi na Masunde nga ni nkonka zyonsi zyakweyo. Wacisile cii kuti awikizyanye Ayuda nga na Akulukuwa kuti tuye wa mutundu onga upya uno walemana munoli mu mutende.