Biblia Todo Logo
線上聖經

- 廣告 -




Danieli 8:13 - Amazwi Yakwe Leza 2013

13 Lyene nuvwile umungeli wenga akuuzya umuze ati, “Uzye ivintu vii ivyalolike mu cilolwa vimatwalilila ukufika lilaci? Uzye ukufika lilaci lino uyi wakofya ulatwalilila umu cifulo ca kupeela impolelwa zya cila wanda? Uzye amu mayulu kumwi ni Ng'anda ikulu yakwe Leza yalalyatolwa ukufika lilaci?”

參見章節 複製




Danieli 8:13
38 交叉參考  

Lelo utapima misolo ya kunzi, pano yene yapeelwa ku antu Akulukuwa, yene yalalyatola Musumba Wamuzilo kulingana ni myezi makumi yani na iili.


“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”


Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.


Kateeka wilya alacita cipangano ningo na antu avule pa myaka cinimbali, nga lino citika wa nsita ii wapita, wene alaleta impela ku kupeela kwa mpolelwa na mawila. Caononyi Cawinyi cene cilimikwa pa kansonsi ka Ng'anda ikulu yakwe Leza nga cilasyala papa kwene ukufika lino impela ino Leza wamuteyanyizizya ilafika.”


Asilika yakwe yamwi yalakowezya Ng'anda ikulu yakwe Leza. Yalaleka antu yate kupeela impolelwa zya cila wanda nga yimike ni Cawinyi ca Ononyi.


“Lino ncili elenganya pa cilolwa cici, indola mungeli akufuma umwiyulu, ala akuwaka nu kucevya.


Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.


Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!


Mu musango ndi uu, wene alamukomelezya, nga namwe mulaya afumaluke nupya amuzilo pa manso yakwe Leza Tata, lilyo lino Mwene witu Yesu aliiza nupya pamwi na akwakwe yonsi amuzilo.


“Lino mulalola musumba wa Yelusalemu waliziwa ni vita, lyene mukamanye vino uli pipi nu kononwa.


“Lelo lino mulalola ‘Ca winyi ca ononyi’ cimilila pa cifulo cino citalinzile kuyapo.” (Kawelenga ailuke vino ci cikusenula!) Lyene yonsi ali mu Yudeya yakuutukile ku myamba.


“Mulalola ‘Ca winyi ca ononyi’ cino kasema Danieli wavwanzile, cimilila mu Ng'anda ikulu yakwe Leza.” (Kawelenga ailuke vino ci cikusenula.)


Swe antu yako amuzilo tuli ungati anisi itu yatusalanganyizizya insi yonsi, nu kukowezya yatiyakowezya incende yamuzilo yakwako.


Alino nani namuzya nati, “Ale lyene fwandi we Mwene, icintu cii cilapelela pi?” Nga nawe angasuka ati, “Ukufika sile na pano imisumba ilononeka isyale amatongwa. Ukufika sile na pano amang'anda yalononekela yasyale sile ivipompa. Alino nupya ukufika sile na pano impanga ilasyalila amapooli.


We Yawe, uzye ukutusokela kwene kuu, kulasila lilaci? Si namanye ukwa muyayaya? Uzye cumi avino umalunkumanga wa moto vivyo kwene uku ukali?


Enoki, cikolwe calenga cinimbali kufuma pali Adamu, awino apa mpiti wasowile pamulandu wao ati, “Cumi Mwene aliza pali pamwi na angeli yakwe amuzilo mazimbi na mazimbi.


“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.


Pakuutuka mwemo mulafyonsya mu ciposi kwene cico ukufika ku lusansa longa mpaka ukulambila ku lusansa luze lwa mwamba ulya. Mulutuka ndi vino ivikolwe vinu vyutwike lino pizile cilundumusi, pa nsita ino umwene Uziya wateekanga mpanga yaku Yuda. Yawe witu aliza aloleke pamwi na angeli yakwe yonsi.


Alino inuzya umungeli uwalandanga kunondi, inti, “Uzye impembe zii zyalola mwi?” Nga nawe aasuka ati, “Zii zili mpembe izyasalanginye antu aku Yuda, aku Izlaeli na aku Yelusalemu.”


“Ukutandikila sile lino ukupeela kwa mpolelwa zya cila wanda kulasila, kuli kuti, ukutandikila sile apa nsita ya cintu caononyi cakoofya, amanda 1,290 yalapita.


Lyene andondolwela vii: “Icinyama cakwe cini uli wene wakwe cini uno ulayako umu nsi, nga wene utalakolana na mawene yauze asyala. Wene ulatamola insi yonsi nu kuilyatola.


Lyene naile kuli wenga muli yayo aimi papa nga imuzya kuti andondolwele muno vii vyonsi vyalola. Acino nawe andondolwela.


Walanga we musambazi ucili lolekesya, umungeli wizile ukufuma mwi yulu nga avwanga ati, ‘Sinda icimuti nu kuconona, lelo usye icisinte cakweo mu musili. Ucinyepelele nu musipi wa cela nu mukuwa ukuzinguluka, nga ucisye mumu kwene umwi sote. Lyene leka ulumi lukunge umuntu wii, nupya leka aikale pamwi ni nyama imyaka cinimbali.’


Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.


Intambi zitu zyonsi izyamuzilo zyatizisila. Yakasema kusi nanti wenga asile, alino kusi nanti wenga angamanya kuno icintu cii cilapelela.


Umungeli wakwe Yawe aasuka ati, “Uzye pacani cino ukunguzizya izina lyane? Izina lii, ilya cipezya amano.”


Yawe watentemwike ukufuma pa Mwamba wa Sinai, wakatwike wa kutunka kwi lanzi pa mpanga ya Seili nu kuyengesela pa antu yakwe ukufuma pa Mwamba wa Palani. Wene wali pamwi na angeli amazimbi ikumi, ali wa nsase zya moto ukwi kasa lyakwe lilunji.


Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.


“Tata, wampeela vintu vyonsi. Pasi nanti wenga uwamanya Mwana suka sile Tata. Nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.”


Leza we, uzye alilaci fwandi lino anisi itu yalata ukutusausya? Uzye yamatutukolanga lyonsi pee?


Icuvwano cino mwemo muvwana ni mfwa cilasila, nu upangano uno mwapangana ni nsi ya afwe, nao kwene ulasila. Lino icinkunka caca ciza, ciliza cimufikile.


Yakateeka aingi amu mpanga zyuze yatiyonona icalo cane ca matingi. Impanga yane ino itaizipila yatiyaisangula wa lwanga.


Nani inuvwa vino wene walanda, lelo ukwaula kuti niluke. Acino imuzya inti, “Musambazi, uzye icintu cii cilafika uli uku mpela?”


“Nani imunena inti, walanga njizi, nakweti icilolwa ca cimuti icikulu wakwe cimwi icali pakasi ka nsi.


跟著我們:

廣告


廣告