Danieli 7:9 - Amazwi Yakwe Leza 2013

⁹ Lino ncili lolekesya, ivilimba vya wene iviteekwa apa ncende ilya. Alino wiyo uwaliko ku katalili aikala pa cilimba conga. Vyakuzwala vyakwe vyali mpee wa mula, nga ni nyele zyakwe zyali mpee wa mavumbu ya mfwele zitiswe. Cilimba cakwe ca wene catesilwe pa mipeto ya moto, nga calunkumanga nu moto.

Danieli 7:9 交叉參考

Umbwilo 1:14

Inyele zyakwe zyali zitiswe wakwe pamba, nanti wa mula. Manso yakwe yalolekanga wa cimbilimbili ca moto.

Mako 9:3

ni vizwalo vyakwe viyengesa cuze kuluta vino kapanga wa nsalu muno nsi angaviswefya.

Mateo 17:2

Lyene yalola Yesu wakaoka, ni cinso cakwe ciyengesa cuze wi lanzi, nga ni vizwalo vyakwe viyengesa viya vitiswe wa luswepo.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Danieli 7:22

Lyene wiyo uwaliko ku katalili aiza nu kupingwila antu yakwe Leza Wapapelapela. Insita yatifika yakuti antu yakwe Leza yapokelele amaka ya utesi.

Danieli 7:13

Lino naweni ivintu vii usiku mu cilolwa, naweni umwi uwalolike wa muntu. Wene ala akwika na makumbi amwiyulu. Alino aiza kuli wiyo uwaliko ku katalili nga yauze yamutwala kunoli.

Umbwilo 19:18

Izini mulye minyefu yakwe yakateeka, yamusika akulu, na asilika, minyefu yamfwalasi pamwi na yao akakwelapo, ni minyefu ya antu onsi, azya na antungwa akulu na anono!”

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Milimo 2:30

Wali akasema nupya wamanyile na cino Leza wamulavile. Leza walavile nu mulapo ukuti alimika umwi uwamu mupanda wakwe ukuya mwene, ndi vino Davidi wali.

Habakuku 1:12

We Yawe, uzye usi wewe uwayelelela? Wewe uli Leza wane, wewe uli Wamuzilo wane wilya, aasifwa. We Yawe, wewe wasolola antu yayo kuti yalete upinguzi panotuli. Wewe uli ninga itu yakuzinamo, wemuno wika antu yayo kuti yatuvunuke.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Masamu 90:2

Lino imyamba itacili ipangwe ni nsi yonsi itacili iyeko, wemo we Leza akuno wali, nupya ulayelelela.

1 Timoti 6:16

Aliwe wenga sile asyafwa. Wene akaikala mu luswepo luno kusi nanti umwi angapalamako. Kusi nanti umwi uwatala walola Leza. Kusi nanti umwi angamulola. Kunoli kupelwe mucinzi nu utesi wape! Ameni.

Masamu 45:8

Insalu zyako zikanunkila usaka, ku cinunu cisuma cakwe mule, aloe ni misisi na mafwa yauze acinunu cisuma. Yakalizya ya ngoma na yakimbila ya nyimbo, yakaiza kunuli uku kwimbila ukwi sano kuno ya kukuulila na mino ya nzovu.

1 Yoane 1:5

Ilandwe lino tuvwa kufuma ku Mwana wakwe nupya lino tukumunena kuti Leza ali luswepo, nga munoli mutaya mfinzi nanti panono.

Mateo 28:3

Kuloleka kwakwe kwakoline wa nkuwa, ni vizwalo vyakwe vyali vitiswe kuluta umula.

Umbwilo 4:2

Lilyo kwene Mupasi Wamuzilo antungulula. Alino kuku kwiyulu indola cilimba ca wene na umwi atenzi penepo.

Umbwilo 20:4

Nupya ndola vilimba vya wene na yao atenzipo yapilwe maka akupingula. Alino ndola mipasi yakwe yao akomilwe pamulandu wa kukosola cumi cino Yesu wasokolwile nga na mazwi yakwe Leza. Yene yatapefile cilyanyi nanti unkolanya wakweco, nanti ukwikilwa cimanyililo caciko pa mausyu nanti pa makasa yao. Yene yaya nu umi nu kuteeka pamwi na Klistu kulingana ni myaka izimbi lyonga.

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

2 Milandu 18:18

Mikaya atwalilila ukulanda ati, “Ale lyene uvwa vino Yawe akuvwanga! Naweni Yawe atenzi apacilimba ca wene ukwi yulu, na angeli yakwe ale imilile umu mbali.

Ezekelo 1:26

Papela ya cimpingizya pali cimwi calolekanga wa kaliwe kayengese kamutengo, akali wa cilimba ca wene. Alino papela yakwe cico, icikoline wa cilimba ca wene, apapela sile, pali uwalolekanga wa muntu ukuya papela.

Masamu 93:2

We Yawe awewe ukateeka pee, ukufuma nu kukatalili. Nupya lino kutatala kwaya akantu nanti kamwi, wemo akuno wali.

Ezaya 6:1

Umu mwaka uno mwene Uziya wafwilile mwenemo, ne Ezaya naweni Umwene ala atenzi apa cilimba cakwe ica wene, icisanzuke. Ala ni cakuzwala cakwe cati cilimba Ng'anda yakwe ikulu.

Yelemiya 49:38

Indika ni cilimba ca wene wane mu Elamu Na makombe yane mwenemo. Ivyalanda ne Yawe.