Danieli 7:25 - Amazwi Yakwe Leza 2013

²⁵ Wene alavwanga amazwi yamiponto kuli Leza Wapapelapela nu kuzunya aswepe yakwe. Wene alezya kusenula insita na masunde ya upefi, nga antu yakwe Leza yalaya mu makasa yakwe apa myaka itatu na citika.

Danieli 7:25 交叉參考

Umbwilo 12:14

Mwanaci wapilwe maapa yaili yakwe lyang'anda kuti apapuke aye ku ncende yakwe mu lwanga. Mu amuno alasungwa ningo pa myaka itatu na citika, ukoopa kuti cizoka cingamonona.

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

Danieli 12:7

Umuntu wilya uwazwite insalu itelepelele, uwali lwa kupela ya luzi, atumpula amakasa yakwe mupela nga alaya nu mulapo umwi zina lyakwe Leza wa manda pe. Lyene nani inuvwa kuno akuti, “Cilaya umu kasita, mu tusita na citika wa kasita. Lino kuzunyiwa kwa antu yakwe Leza kulasila, ivintu vii vyonsi ale vyacitika mpiti.”

Umbwilo 12:6

Mwanaci nawe autukila ku lwanga, ku ncende ino Leza wamuteyanyizizye kuno wasunzilwe pa manda izimbi lyonga myanda iili na makumi mutanda (1,260).

Danieli 2:21

Wene akaangalila utusita ni viputulwa vya mwaka, akalasika antu apa wene nu kuyasisya penepo. Aliwe kwene akapeela amano ku antu yamano, nu kumanya kuli yayo akailuka.

Umbwilo 18:24

Babiloni wavunwikwe pamulandu wa wazi wakwe yakasema nu wa antu yakwe Leza, nga nu wa antu yonsi akomilwe muno nsi.

Danieli 7:20

Nakasi ukumanya ni vikumile impembe ikumi izyali pa mutwe wa cinyama cici nga ni vikumile ulupembe luze ulwatumvile icisila, luno lwaponyizye zyuze. Lwene lwakweti amanso nu mulomo uwalandanga vyakuitakizya. Lwali ulwakoofya ukuluta zyuze zyasyala.

Ezaya 37:23

Uzye aweni wino wemo ukatuka nu kusausya? Uzye aweni wino wemo ukuzaukila nu kumutumbila inkansi? Ala asi muntu muze, lelo anene, Wamuzilo wilya wakwe Izlaeli.

Danieli 7:8

Lino ncili lolekesya impembe zizi, indola kalupembe kanono ala kakufuma apakasi ka mpembe zyuze. Kene ikatinkula impembe zizi izyalipo zitatu. Kalupembe kaa kakweti amanso wa manso ya muntu nu mulomo uwalandanga vyakuitakizya.

Umbwilo 17:6

Naweni ukuti mwanaci wakolike uwazi wa antu yakwe Leza nga nu wazi wakwe yao akomilwe pamulandu wa kuyela Yesu. Lino naweni mwanaci nzunguka cuze.

Umbwilo 14:12

Acino mwe antu yakwe Leza mulinzile kuposya mwe muno mukayela masunde yakwe Leza nu kutaila muli Yesu.

Danieli 11:28

Umwene waku Silya alaswilila kumwao ale asenzile ni visampwe vyonsi, lelo umwenzo wakwe ulaya ku konona upefi wa antu yakwe Leza. Wene alacita ndi vino akasi nga lyene aswilile ku mpanga yakumwao.

Umbwilo 16:6

Yene yazwisizye uwazi wa antu yakwe Leza nga na yakasema. Caleka watuyapela uwazi kuti yamwe. Yene yapokelela kulingana ni milimo yao.”

Danieli 4:25

Wemo yalakufumya apakasi ka antu nupya ulikala pamwi ni nyama. Pa myaka cinimbali ulalya isote wa ng'ombe ni mbuzi apanzi, kuko kuno ulumi lulakukunga. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:32

Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

2 Tesalonika 2:3

Mutaleka umwi amusombe. Pano Umwene atangiza suka antu yace yasangukile Leza, nga nu Mui wilya aloleke, wino uyo wakwe cifulo ca afwe.

2 Tesalonika 2:8

Alino lyene Mui wilya alasokololwa. Lelo lino Mwene Yesu aliza, wene alamukoma ku mupu uwamu mulomo wakwe, nu kukaoka kwakwe kulamulovya.

Danieli 3:26

Acino Nebukadineza aya ku mulyango wi lungu lya moto nga apunda ati, “Syadilaki! Mesyaki! Abedinego! Mwe aomvi yakwe Leza Wapapelapela, fumini mumo! Izini kuno!” Caleka lilyo kwene Syadilaki, Mesyaki na Abedinego yafuma mu moto.

Danieli 4:2

Caticinzanzya kuti munene ivinjelengwe ni vizungusyo vino Leza Wapapelapela wancitila.

Danieli 4:17

Kuu kuli kupingula kwa angeli awakanga nu kucevya. Acino lyene, lekini antu yonsi konsikonsi yamanye ukuti Leza wapapelapela wakwata amaka apa mawene yonsi ya antu cakuti angapeela uwene kuli wensi wino akasi. Wene angapeela uwene nu ku muntu musulwe kwene.’

Danieli 7:18

Lelo aswepe yakwe Leza Wapapelapela yalapokelela uwene na maka ya utesi nga yalausunga amanda pe.”

Danieli 8:14

Nuvwile kuno mungeli muze akwasuka ati, “Kulatwalilila apa myaka 2,300 cila manguzi na katondo, lilyo lino impolelwa zitalapeelwa. Lyene Ng'anda ikulu yakwe Leza ilaweziwa.”

Oseya 7:16

Yene yasiseleukila kuli Leza wapapelapela, lelo yakaya ku tuluwi. Yakoline wa ulapwa uononeke. Intunguluzi zyao zilakomwa ku lupanga, pamulandu wakuti yene yakalanda vyakunsausya. Acino aina Eguputo yalayaseka wakwe cimwi.”

Danieli 8:9

Mu lupembe longa apa mpembe zizi zini mwafumile akalupembe, kano kalundulwike mu maka mpaka ukufika ku kayeya nu ku ufumondaka mpaka nu ku mpanga yalaiwa.

Danieli 8:11

Lwaituumike kuti luye wa Mwanangwa wa vita vya mwiyulu, nu kulesya impolelwa zya cila wanda izyapeelwanga kunoli, nga nu konona Ng'anda ikulu yakwe Leza.

Danieli 9:27

Kateeka wilya alacita cipangano ningo na antu avule pa myaka cinimbali, nga lino citika wa nsita ii wapita, wene alaleta impela ku kupeela kwa mpolelwa na mawila. Caononyi Cawinyi cene cilimikwa pa kansonsi ka Ng'anda ikulu yakwe Leza nga cilasyala papa kwene ukufika lino impela ino Leza wamuteyanyizizya ilafika.”