Danieli 6:4 - Amazwi Yakwe Leza 2013

⁴ Lyene angalizi yauze pamwi na alasi yezya kulondelezya imilandu mu miombele yakwe Danieli, lelo yaposiwe kuzana umwi, pamulandu wakuti Danieli wali uwakutailwa nupya wene atacitanga cimwi ciipe nanti caucenjezi.

Danieli 6:4 交叉參考

1 Petulo 3:16

Lelo mwacita cii na mazwi amutembo nu mucinzi. Lekini myenzo inu iye isuma. Ndi mwacita cii ale lyene mulalenga antu insonyi, yao yano yakalanda viipe pa milimo inu isuma ya alondezi yakwe Klistu.

Filipi 2:15

pakuti muye akaele, ana yakwe Leza aswepe nupya afumaluke, yano akaikala mu nsi ikowele nupya pakasi kakwe yakaifya. Mulinzile kuyengesa munoyali wa ntanda zino zikupeela luswepo mupela mwiyulu,

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

Luka 20:20

Lino yakwata kasita kasuma, yatuma inengu izyaicisile kwati zya cumi, pakuti ziteye Yesu mu mazwi yano walandanga, kuti zingamupeela mu makasa ya mulasi uwali na maka pa uteko.

Tito 2:8

Waomvya mazwi ya cumi yano atangaleta mulandu, pakuti anisi yako yangacitwa insonyi pa kuntavwanga ciipe pali sweswe.

Mateo 27:18

Pano wamanyile vino yasimapepo akalamba yapile Yesu kunoli pamulandu sile wa uzuwa wao.

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

1 Timoti 5:14

Acino nemo ningatemwa ukuti yamukamfwilwa acili akazyana, yatwalwe, yavyala ana, yasunga mang'anda yao ningo, pakuti yataleka anisi itu yalanda viipe pali sweswe.

Kasambilizya 4:4

Nupya nasambilila nacuze icikalenga ukuti antu yaombesya, apamulandu wakuti yene yakakumbwa ivintu vino ainipamba yao yakwata. Lelo cii naco kwene icasilesile. Cili wa kuzinganya umuza.

Mapinda 29:27

Antu asicita vyaololoke yakapata antu aololoke, asuma nayo yakapata aipe.

Yakapingula 14:4

Nga lelo akwasi yakwe yatamanyile ukuti icintu cico cikufuma kuli Yawe, pano umuli muno Yawe walondanga umwakusonkela aina Filisti. Pasi pano pa nsita ilya aina Filisti yateekanga aina Izlaeli.

Utandiko 43:18

Nga lino yakuya ku ng'anda pamwi nawe, yuvwa intete nga yelenganya yati, “Yatuleta kuno pamulandu wa mpiya zino twaswilile nazyo mu masaka pa ulendo wakutandika. Mukupumikizya yamatuzanza, yatole yapunda itu, nga yatucite ukuya azya yakwe.”

2 Kolinto 11:12

Namatwalilila kucita vino ncili cita na ndakai, pakuti yao akaitaka kuya atumwa yatakakwate nzila yakuti yaitumikamo kucita vintu vili vimwi na vino swemo tukucita.

Yoane 19:4

Nupya kwene afuma aya avwanga kwi umba ati, “Lolini namufumya kunomuli, kuti mumanye vino nemo ntamuzanyile nu mulandu.”

Luka 22:2

Yasimapepo akalamba na yakasambilizya ya Masunde yalondanga inzila yakuti yalemelemo Yesu nu kumukoma munkama pano yoopanga antu.

Mateo 26:4

Alino yumana kapi kuti yaleme Yesu mu nkama nu kumukoma.

Danieli 3:8

Apa nsita kwene ilya aina Babiloni yamwi yiza inkolelo nu kupeela Ayuda umulandu.

Yelemiya 18:23

Alino nawe kwene Yawe watumanya vii vyonsi vino yakupanga ukuti yangankoma. Utezya uyayelele uluse. Apa uyi wao onsi. Utezya ufute iviipe vyao. Yafwante pansi uyacimvye. Yacitepo cimwi apa nsita ino ucisosile.”

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

1 Samueli 22:14

Aimeleki nawe aasuka umwene wilya ati, “Uzye aweni umu yaomvi yako yonsi uwaya uwacumi ukuluta Davidi, sovyala, nupya musika mukulu wakwe yakalinda yako akwi sano nga na yasimucindikwa yonsi amwi sano lyako?

1 Samueli 18:14

Nupya wene wali nu longo muli vyonsi vino wacitanga, pamulandu wakuti Yawe wali nawe.

Luka 20:26

Lyene yaposiwa kumuteya mu mazwi yano walanzile kuku pa manso ya antu. Lyene lino yazunguka cuze pa kwasuka kwakwe, yazuka yaya cele.

Yelemiya 29:7

Nupya mwasumbisya amano uku vintu ivyakuzipila impanga ino namutwala mwenemo mu uzya. Mwalengela impanga iyo kuli Yawe. Pano ndi cakuti yakwata isyuko namwe kwene mulaya nu longo.”

Danieli 6:22

Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

Utandiko 41:38

Nga Falao auzya yacilolo yakwe ati, “Aukwi kuno tungazana umuntu wa musango ndi wi, akweti Mupasi wakwe Leza?”

1 Samueli 12:4

Alino nao iyamwasuka iyati, “Awe, utatala watutolela cimwi mu ucenjezi nanti ukutucuzya, nupya utatala watola amafukakanwa ku muntu ali wensi.”

Danieli 5:12

Umuntu wii Danieli, wino umwene waamanga ukuti Belitesyazali, wakweti amano nu umanyililo nga nu kwiluka ukwakuzunguka, nga nu kulondolola iviloto, nu kwilula amapinda nu kumala intazi zikome. Acino tuma akuya aama Danieli nga nawe amaiza akunene muno vii vyonsi viile.”