Danieli 6:26 - Amazwi Yakwe Leza 2013

²⁶ Nemo nkupeela ilamulo lyakuti umuntu wensi umu wene wane onsi alinzile ukoopa nu kucindika Leza wakwe Danieli. ‘Wene ali Leza waumi, nga amateekanga amanda pe. Uwene wakwe utalatala ononwe, nu utesi wakwe utalatala usile.

Danieli 6:26 交叉參考

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Luka 1:33

nawe alaya umwene wa ina Izlaeli pe na pe. Uwene wakwe utalatala uwe.”

Danieli 7:14

Wene wapilwe amaka, ululumbi nu utesi, kuti misango yonsi ya antu, na antu amu nko zyonsi ni ndimi, yangamutumikila. Amaka yakwe autesi yalatwalilila amanda pe, nu wene wakwe utalasila.

Danieli 4:3

Ala ivizungusyo vino Leza watulanga ivikulu! Ala ivinjelengwe vino wene akacita ivyamaka! Leza ali mwene wa manda pe. Wene amateekanga insita zyonsi.

Danieli 3:29

“Caleka ne mwene nkupeela ilamulo lyakuti umuntu ali wensi uwamu luko luli lonsi nanti indimi wino wavwanga amazwi amisuula kuli Leza wakwe Syadilaki, Mesyaki, na Abedinego, wene alinzile kuputolwa mu vimpilinsya ni ng'anda yakwe itamolwe mpaka iye citalang'anda. Pano kusi leza muze wino angatuula wakwe vino wii akacita.”

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Masamu 29:10

Yawe aliwe akateeka yayemba yonsi, nupya wene wikala pa cilimba cakwe ca wene umuyayaya.

Masamu 2:11

Mwatumikila Yawe ni coopo, mwazakaza nu kumufukamila

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Loma 9:26

Nu ku cifulo kuno Leza wayanenyile ati, ‘Mwemo musi antu yane,’ kuko kwene akuno yalamwa ana yakwe Leza wa umi.”

Malaki 3:6

“Nene indi Yawe, nupya nsisenuka awe. Acino mwe amu mupanda wakwe Yakobo mutaloviwa.

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Danieli 7:27

Amaka nu ukulu wa mawene yonsi pano nsi ulapelwa ku antu yakwe Leza Wapapelapela. Amaka yao autesi yatalasila, nga na yakateeka yonsi pano nsi yalamutumikila nu kumuyela.”

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Umbwilo 5:14

Lyene viumbwa vyaumi vini vyasuka viti, “Ameni!” Alino aikolo yafukama nu kupepa.

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Ayebulai 12:29

Tulinzile kucita cii, pano cumi kwene Leza umoto uno ukaonona.

Mateo 6:13

Utaleka tuponele mukweziwa kukome lelo ututuule ku Mwipe wilya.’

Danieli 6:20

Lyene lino wafika apipi ni ninga ilya, apunda ni zwi ilisakamale ati, “We Danieli, umuomvi wakwe Leza waumi! Uzye Leza wako, wino ukatumikila lyonsi nu mwenzo onsi, watakutuula kuli yacisama?”

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Masamu 146:10

Yawe aliwe akateeka umuyayaya. A Leza wako, we Zioni, wino alateeka insita zyonsi.

Masamu 119:120

Umwili wane ukuzakaza pamulandu wa koopa wewe, nemo indi ni ntete zya upinguzi wako.

1 Samueli 17:36

Nemo nakoma yacisama ni vinyama ivyakolana ni viuli, nga ndacita icili cimwi kwene ku mwina Filisti wii atamanya Leza, nupya wino wasausya ivita vyakwe Leza.

1 Samueli 17:26

Davidi auzya aonsi aimi pipi na aliwe ati, “Uzye icani cino yali nu kucitila umuntu alakoma umwina Filisti wi, pa kufumya akalanda nu kuzewana kwa ina Izlaeli? Umwina Filisti wi, wino atasilamulwa, icani cino angacuzizya ivita vyakwe Leza wa umi nu kuvituka?”

Malango 5:26

Uzye kwatala kwaya umuntu umwi uwatala uvwa izwi lyakwe Leza wa umi akuvwanga ukufuma mu moto, nga pacisila atwalilila ukuya umupuma?

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

Milimo 17:25

“Nupya asilonda cimwi cino tungaleta kunoli apakumuombela, pano umwisikulu akapeela umi nu muza ni vintu vyonsi kuli onsi.

Luka 12:5

Nkamunene uwakoopa. Oopini Leza, wino pacisila ca kukoma wakwata maka akusumba mu Gehena. Mutaile cino namunena, moopini wiyo kwene.

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Ezila 1:3

Umuntu ali wensi uwamu antu yakwe, si Leza angaya nawe. Lekini aye ni nsambu iya kuswilila kumwao ku Yelusalemu, umu mpanga yakwe Yuda, aye akakuulile Yawe Ng'anda ikulu, Leza wino yakapepa mu Yelusalemu.

Ezila 7:21

“Lyene nene kwene ne mwene Alitakisesi, anene napeela isunde lii kuli yonsi akasunga icipao umu mbalama ya luzi lwa Yufulate kuti vyonsi vino simapepo Ezila, kalemba wa Masunde yakwe Leza wa mwiyulu, alamulenga, muce mu mupeele papo kwene.

Masamu 42:2

Umwenzo wane ukulukisya we Leza, Leza wane uwa uumi. Uzye alilaci fwandi lino ndiza mpepele apa manso yako?