Danieli 6:22 - Amazwi Yakwe Leza 2013

²² Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

Danieli 6:22 交叉參考

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Ayebulai 11:33

Mu utailo amuno yene yalwisizye nu kucimvya impanga zyuze. Yene yacisile visuma nga yapokelela vino Leza wayalavile. Yene yayazile milomo yakwe yacisama,

Milimo 12:11

Lyene lino Petulo walooka icamucitikila, avwanga ati, “Ndakai namanya vino icacumi! Mwene wali watuma mungeli wakwe ukwiza mpususya kufuma ku maka yakwe Helodi nu ku vintu vino Ayuda yapanzile kucita kunondi.”

Milimo 24:16

Caleka nsita zyonsi nkaezya na mano yane kuya na kampingu uwakaele inkolelo yakwe Leza na antu.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Mika 7:7

Lelo nemo namapempukilwa kuli Yawe. Namalolelanga Leza Katuula wane. Leza wane amanguvwa.

Danieli 3:28

Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.

Masamu 31:14

Lelo nemo nataila muli wewe, we Yawe, nupya nkuvwanga inti, “Wewe uli Leza wane.”

1 Samueli 17:37

Yawe uwampokololanga ku vizanza vyakwe cisama na vyakwe cuuli, ali wino alantuulanya nu kumwina Filisti kwene wiya.” Saulo anena Davidi ati, “Cisuma, pitanga, nga Yawe aye nawe.”

Mpendwa 20:16

Ali lino twalaizye kuli Yawe, nga nawe uvwile ukulila kwitu nga atutumila mungeli uwatufumizye mu Eguputo. Api lelo asweswe yano ku Kadesyi, umusumba uwaya mu mupaka ni mpanga yako.

Milimo 27:23

Pano ilelo usiku mungeli wakwe Leza wino naya nawe nupya wino nkapepa wali wiza wanena ati,

Danieli 6:23

Apakuuvwa cii, umwene asansamuka wakwe cimwi nga apeela ilamulo kuti yafumye Danieli mu ninga ilya yakwe yacisama. Caleka yamufumya nga yataweni icilonda nanti cimwi apa mwili wakwe, pamulandu wakuti Danieli wataile muli Leza wakwe.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Masamu 118:28

Wewe, uli Leza wane acino nakutaizya. Wemo awewe Leza wane, nemo namakulumbilizyanga.

Masamu 38:21

Utantazyela, we Yawe, we Leza wane utansya nenga.

Masamu 34:7

Umungeli wakwe Yawe akacingilila yayo akamoopa, nupya akayapususya.

2 Milandu 32:21

Yawe nawe ali pakutuma umungeli, uwakomozile asilika mu nkambi ya ina Asilya. Fwandi ali vino umwene waswilile uku Asilya ala ni nkopyo zyatizilambalala uku nsonyi. Uwanda umwi ala ali umu ng'anda ikulu yakwe leza wakwe, ana yakwe yamwi yano waivyalile umwisikulu, ali yano yamutotozile na masumo, afwa nu kufwa.

Danieli 6:20

Lyene lino wafika apipi ni ninga ilya, apunda ni zwi ilisakamale ati, “We Danieli, umuomvi wakwe Leza waumi! Uzye Leza wako, wino ukatumikila lyonsi nu mwenzo onsi, watakutuula kuli yacisama?”

2 Samueli 22:7

Umu ntazi zyane napefile kuli Yawe. Napefile kuli Leza wane kuti angazwe. Umu ng'anda yakwe ikulu wene anguvwa, atezya nu ku nkuta yane kuti angazwe.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Mateo 27:46

Ukulingana na lino ilanzi lyatemba (3 koloko), Yesu alaizya ni zwi likulu ati, “Eli, Eli, lama sabakatani?” Cikusenula ukuti, “Leza wane, Leza wane, pacani wantazyela.”

Masamu 26:6

We Yawe, nkafulala uku minwe apakulanga ukuti nene uwakaele nga inkupepa apa kuzinguluka kavuwa kako.

1 Samueli 26:18

Atwalilila ukulanda ati, “Uzye pacani cino umusambazi wane akalukundunga ne muomvi wako? Uzye icani cino nacita, nga nupya umulandu ci uno natala?

Utandiko 40:15

Pasi pano nemo yansenzile ku maka ukufuma ku mpanga ya Ayebulai, na munondi kwene nemo ntacita umwi mulandu awe uwakulenga kuti yanyepe.”

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Yelemiya 37:18

Nga nupya Yelemiya anena umwene Zedekiya ati, “Uzye icani cino naifya kunuli, ku yaomvi yako nanti ku mutundu uu, pakuti unsumbe mu ng'anda ya minyololo?

Danieli 6:4

Lyene angalizi yauze pamwi na alasi yezya kulondelezya imilandu mu miombele yakwe Danieli, lelo yaposiwe kuzana umwi, pamulandu wakuti Danieli wali uwakutailwa nupya wene atacitanga cimwi ciipe nanti caucenjezi.

1 Yamwene 13:28

Lyene apita, nga aya azana icala ca muntu wilya cilambalile mu museo, ala punda na cisama navyo ivimilila mu mbali yakweco. Cisama atalile icala nanti ukuzanzambila punda foo.

Danieli 6:7

Swe aomvi swensi kwene, angalizi, alasi, angalizi ya alasi, ni ntunguluzi zyuze, twatituzumilizyanya ukuti we musambazi upele ilamulo nu kukonkomezya ukuti umuntu ali wensi wino alapepa kuli leza ali wensi nanti ku muntu umu manda amakumi yatatu akwiza, umu cifulo ca kupepa kunuli, we mwene, wene alasumbilwa mu ninga yakwe yacisama.