Danieli 4:37 - Amazwi Yakwe Leza 2013

³⁷ “Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Danieli 4:37 交叉參考

2 Milandu 33:19

Vino Manase wapepanga Leza na vino nawe wamwasukanga, ni vintu vyonsi iviipe vino Manase wacitanga, ni ncende zya kupepelamo utuluwi zino wakuuzile, ni vinkolanya vyonsi pamwi nu tuluwi twakwe Asyela tuno wapanzile pa kucindika Asyela, vyonsi vyalembwa mu mpapulo zyakwe yakasema.

Esita 6:10

Umwene Aasuwelo nawe anena Hamani ati, “Ale fwandi kalauka kalonde insalu na punda ndi muno uvwangile, ngu cindamike Modekai, Umuyuda wiyo akaikala apa mpongolo ya mwene. Utezya usye nanti cimwi pali vyonsi vino watutungulula apa kanwa kako.”

Masamu 119:75

We Yawe, namanya ukuti upinguzi wako uwa ulungi, nu kuti wamvunwike pano wewe wacumi.

Masamu 99:4

Mwene uwamaka, awewe watemwa ukulungika, waletela aina Izlaeli ulungi. Wayaletela iviziipe ni vyacumi.

Kufuma 18:11

Ndakai namanya ukuti Yawe umukulu cuze ukuluta tuleza tuze tonsi tuno antu yakapepa, pamulandu wakuti wene watuuzile antu yakwe lino aina Eguputo yacitile aina Izlaeli umunyambo.”

Kufuma 8:4

Yacula yalakutampukila nu kutampukila pa antu yako, nga na pali yacilolo yako yonsi.’ ”

Ezaya 23:9

Ala, Yawe Wamaka yonsi uwapanzile ukucita vii, apakuti amale ivilumba kuli yonsi, na pakuti acefye acindami yonsi apano nsi.

Ezaya 5:16

Yawe Wamaka yonsi akalanga ucindami wakwe umu vintu ivilungame vino akacita. Leza wamuzilo alalanga usuma wakwe umu kucita ulungami ku antu yakwe.

Yelemiya 50:29

“Amini yano yacenjela kufiika inceto yize yalwisye aina Babiloni. Mwame sile yonsi pyu yano yamanya kuzumba amalapwa. Zingulukini umusumba, mutaleka nanti wenga apuuke. Mulandule apa vicitwa vyao, ndi vino nayo yacisile. Pano kwene yacita icilumba kuli Yawe, Wamuzilo wilya wakwe Izlaeli.

Ezekelo 16:56

Uzye asi munyonko Sodoma wino wambanga mwi lyasi lyako mu nsita ya cilumba cako,

Ezekelo 16:63

Ali pakuti uce ukaiusya nu kulemwa ni nsonyi, ukasyalilile cele mu nsonyi zyako, lilyo lino ndakuyelela uluse kuli vyonsi vino wacita. Ivyalanda ne Yawe.”

Danieli 4:26

Umungeli wilya wapile ilamulo lyakuti icisinte ca cimuti yacisye mu musili. Cii calola mukuti nupya kwene wemo ulaya umwene lilyo lino ulazumila ukuti Leza aliwe akateeka insi yonsi.

Danieli 4:3

Ala ivizungusyo vino Leza watulanga ivikulu! Ala ivinjelengwe vino wene akacita ivyamaka! Leza ali mwene wa manda pe. Wene amateekanga insita zyonsi.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 5:4

nu kulumbanya tuleza utwapangilwa na zaabu, siluva, umukuwa, ni cela, imiti na mawe.

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Milimo 17:24

Leza uwaumvile insi na vyonsi ivyayamo, ali mwine wi yulu ni nsi, nupya asyaikala mu ng'anda yakulwa na antu.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Umbwilo 16:7

Lyene nuvwa izwi likuti, “We Mwene Leza wa maka onsi! Upinguzi wako uwa cumi nupya usi walufyengo!”

1 Samueli 2:3

Si fwandi mungala musuule sile, mutaya ni cilumba. Mutaezya ukuvwanga amazwi akuitumika, pano Yawe a Leza uwamanya vyonsi. Wene akapima vino antu yakacita.