Danieli 3:15 - Amazwi Yakwe Leza 2013

¹⁵ Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Danieli 3:15 交叉參考

Milimo 5:29

Petulo na alondezi yauze yaasuka yati, “Tulinzile ukuyela Leza, kuluta kuyela antu.

Danieli 3:17

Ndi cakuti Leza wino tukatumikila akweti amaka akututuula ku moto wa mwi lungu nu ku maka yako, ale lyene amacita cico.

2 Yamwene 18:35

Uzye alilaci fwandi lino tuleza utwa mpanga zyonsi zii twatazile itutuula impanga yao imwi uku mwene witu? Ale fwandi icani calenga kuti mwelenganye ukuti Yawe a Leza angatuula Yelusalemu?”

Kufuma 5:2

Lelo Falao auzya ati, “Uzye Yawe aweni wakuti ninguvwa kunoli kuti inte aina Izlaeli yapite? Nemo ntamumanyile Yawe wiyo, nupya nkukunena vino ntalata aina Izlaeli yapite.”

Milimo 4:19

Lelo Petulo na Yoane yaasuka yati, “Mwemwe pingulini icilungame pa manso yakwe Leza, ukuyela mwemwe nanti Leza.

Mako 13:11

Lyene lino mpelelekezyo itali ifike yalamulema nu kumutwala mu cilye ca milandu mutakalanguluke nkolelo pali vino mulavwanga. Lino nsita iliza, muce muvwange cino cilapelwa kunomuli. Pano mazwi yano mulavwanga yatalaya mazwi inu, lelo yalafuma kuli Mupasi Wamuzilo.

Danieli 6:16

Caleka umwene apeela ilamulo kuti yaleme Danieli nu kumusumbila mu ninga yakwe yacisama. Umwene anena Danieli ati, “Si Leza wako, wino ukatumikila lyonsi, ale akutuule.”

Milimo 6:15

Onsi ali mwi Tengo yalolekesya Sitivini, nga yalola vino usyu wakwe walolekanga kwati uwa mungeli.

Luka 13:9

Lyene ndi waca waseeka masamvu mu mwaka ukwiza, cilazipa. Lelo ndi waca utaseesile, lyene ulakomwa.’”

Luka 12:11

“Lino mwemo yamuleta ku mang'anda ya mapepo nu ku yalasi, nga na kuli yakateeka, mutakasakamale pali vino mungaipokolola nanti pali vino mulavwanga.

Danieli 6:20

Lyene lino wafika apipi ni ninga ilya, apunda ni zwi ilisakamale ati, “We Danieli, umuomvi wakwe Leza waumi! Uzye Leza wako, wino ukatumikila lyonsi nu mwenzo onsi, watakutuula kuli yacisama?”

Ezaya 37:23

Uzye aweni wino wemo ukatuka nu kusausya? Uzye aweni wino wemo ukuzaukila nu kumutumbila inkansi? Ala asi muntu muze, lelo anene, Wamuzilo wilya wakwe Izlaeli.

Kufuma 32:32

Lelo ndakai napapata uyelele iifyo lyao. Napapata ndi wakana ukuyelela, lyene ufute izina lyane mu lupapulo luno walembamo mazina ya antu yako.”

Mateo 27:43

Wene wataila Leza. Ndakai lekini Leza amutuule nda kasi, pano wavwanzile ukuti wene Mwana wakwe Leza.”

Mateo 10:19

Lelo lino yalamulema, mutakalanguluke nkolelo pali vino mulavwanga nanti musango uno mulavwangilamo. Lino nsita iliza mulapelwa cino mulavwanga.

Danieli 2:9

ukuvunuka mwensi kwene mu musango uli onga kwene ndi cakuti mutanenyile iciloto. Mwemo mwatimumana akapi kuti munene ivintu vyakumpumbola nupya iviipe, ala mukupaalila ukuti limwi ivintu vimasenuka. Acino lyene munene iciloto cino ninalota, nga lyene nani nimamanya ukuti mungandondolwela muno ciile.”

Danieli 2:47

Umwene avwanga ati, “Leza wako umukulu pali yaleza yonsi, umwene wakwe yamwene, nupya aliwe akaumbula inkama. Manyile cii pamulandu wakuti we Danieli watuumbula inkama.”